BL
Punishment
Spanking
(Scroll Down For Zawgyi )
"အစ်ကို ကျွန်တော်အပြင်သွားဦးမယ်ဗျ"
"ဘယ်လဲ"
ကျောင်းသား တွေ၏ စာအုပ်ကိုစစ်နေရင်း အစ်ကိုကမေးလာသည့်အခါ မိုးစက်မောင်ဘာပြန်ဖြေရမလဲမသိပါ။ အမှန်တော့ ဒီနေ့ဟိုကောင်တွေနဲ့ဘောလုံးကွင်းမှာမကျေပွဲနွှဲဖို့ချိန်းထားသည်။ သို့သော် ထိုသို့အမှန်အတိုင်းဖြေလိုက်လျှင် သူအစ်ကိုနှင့်အရင် ပွဲဆင်နွှဲရပါလိမ့်မည်။ ထို့ကြောင့်ခေါင်းတစ်ချက်ကုတ်ကာ အဖြေပြန်ပေးရသည်။
"မင်းညီတို့နဲ့ ဘောလုံးကန်မလို့ပါဗျ"
"အင်း မမှောင်ခင်ပြန်ခဲ့"
အစ်ကိုကစာစစ်နေရင်းကပင် ပြောလာသည်။ အစ်ကို့အသံသည်ဘယ်အချိန်ဖြစ်ဖြစ်ကြည်လင်ကာ ဩဇာရှိသည်။
"ဟုတ်အစ်ကို"
မိုးစက်လည်း ဟုတ်ကဲ့သာဆိုကာထွက်လာခဲ့သည်။ လက်မှနာရီကိုကြည့်မိတော့ ၃ နာရီခွဲရင် ၁၀ မိနစ်အလို။ အိမ်နှင့်ဘောလုံးကွင်းနှင့်မဝေးလို့တော်သေးသည်။ မဟုတ်လို့ ၃ နာရီခွဲကိုမရောက်လျှင်ဟိုဘက်ကကောင် တွေကကြောက်လို့ဟုဆိုကာ လှောင်ကြဦးမည်။
မိုးစက်ရောက်တော့ သူနှင့်ချိန်းထားသည့်သုံးယောက်အပြင် တခြားအကြီး သုံးလေးယောက်ကိုပါဘေးမှာ တွေ့ရသည်။ သူ့ဘက်ကပါမည့်ကောင်တွေကလည်း လူညစ်လာသည့်အတွက်အတော်မကျေမချမ်းဖြစ်နေပုံပင်။
"ဟေ့ကောင်တွေမင်းတို့ လူပိုဘာလို့ခေါ်တာလဲကွ။ ပြဿနာရှင်းမယ်လို့ပြောထားတာ သုံးယောက်ထဲလေ။ ယောက်ျားမဟုတ်ဘူးလားကွဟမ်"
မိုးစက်ဘက်ကမင်းခန်းကဝင်ပြောသည်။ မင်းညီကလည်း မျက်နှာကဒေါသကြောင့်နီရဲနေတာကို မိုးစက်တွေ့ရ၏။
"ငါတို့ဘာသာငါတို့ခေါ်တာမင်းတို့ဇရှိရင်ချလေကွ။ ဘာကြောက်နေတာလဲ"
တစ်ဘက်ကကောင်က ရူးပေါပေါစကားတွေပြောလာသည့်အခါ မိုးစက်တို့သုံးယောက်ဒေါသထွက်ကာ ဘာမှမမြင်ပဲဝင်လုံးတော့သည်။
ဟိုဘက်ဒီဘက်ကန်ကျောက်ကာရန်ဖြစ်ရသည်မှာ နှစ်ဖက်လုံးအကွဲကွဲအပြဲပြဲနှင့်။ ဟိုဘက်ကလူအားတောင့်သည့်အတွက် မိုးစက်တို့ကပိုခံနေရသည့်အခြေအနေ။
