ماتزعلش !
كان في يوم من الايام تخش بروفايل شخص ...
كانت له معزة خاصة في قلبك وتشوف كلمة add friend يعني مسحك 💔 !
ماتزعلش !
لما في يوم من الايام تتصل بشخص مستاحشه واول
كلمة تسمعها منه " من معاي" !
ماتزعلش !
لما تمشي .. لشخص عزيز عليك في حوشه .. وتبي تطمن عليه وتسمعه يقول لاهله قولوله راقد !
ماتزعلش !
لما تستاحش شخص وتبي تبعتله مسج .. وتلقاه دايرلك بلوك رد بالك تزعل !
وعلاش تزعل من الاساس ؟
اصلا الي يزعلك ! هو من يكون بش يخليك تعكر مزاجك ؟
احيانا في حاجات تصير في حياة الواحد تخليه يعصب لفترة .. ويزعل ويكره الدنيا .. بس والله كله يفوت !
نصيحتي انكم ماتزعلوش !
وإمشو بمقولة الحياة حلوة / والدنيا عبارة عن " لحظات عابرة واناس عابرون
ماتعكرش مزاجك ، وماتهتمش بأشخاص اختاروا البعد عليك بكامل ارادتهم !
{ مش ملزومين نحافضوا علي ناس تباعدت بكامل ارداتها }
اليد لي ارتخت برضاها عيب تنشد ♥
#نور الحياة❤
