اليوم بنحكيلكم شن هيا التوبة واني شخصيااا كيف تبت لله بعد ما كنت ندير في حاجات مترضيش ربي.......🌸
اني انسانه كنت نلبس في ضيق وندير في تنيت السروال ونطلع في شعري من قدام ونسمع في اغاني ونحبهم كنت شبه مدمنه عليهم ومقصرة في صلاتي هلباااااااااا اي اي هدا كله كنت ندير فيه لكن بفضل الله وفضل بنيه اسمها هديل خلتني نتوووب علي هدا كله نكدب عليكم لو قلت درت كل شي في مرة وحده لالالا.....🌸
اول حاجه دعيت ربي يهديني وشديت في صلاتي لين قدرت والحمدالله حتى قيام الليل بديت النوضله بروحي بعدين بديت في البس بشوياا بشوياا بدلت الضيق بي الواااسع وكان اريح واحلى والشعر بي بندانه لي كانت زيدتني جمال واحترام والقصير بالطويل لي كان مغطي كل شي في جسمي وناازك وهكي ستمريت لين بدلتهم كلهم بي اللباس الشرعي الي هو عبايتي ونقابي الي فيهم كمية راحه لما تلبسيهم خيااال وردي بالك تلبسيه هكي من غير نيه اهم شي تكوني مقتنعه بيه ونيتك صافيه مش مضاهر وخلاص ولا حد جبرك عليه لالالا اقتنعي بيه بروحك واللهي لما تتقبليه وتحبيه لانه حلووو
الاغاني.....🌸
قعدت بشويا بشويا نمسح فيهم بالوحدة ولي نمسحه نحط بدالها قرأن واناشيد وقصايد وحاجات تفيدني لين خلاص نحيتهم كلهم من الفون ووقت فراغي نتجه لي الرسم او الكتابه او اي شي نحبه.....
نجوا لي التزين او المكياج والعطور الناس لي تمكيج تعالوا شويا ترى انتي مقتنعه انك مش حلوى وشينه ومعترفه باها صح..... بتقولي لا اني جميلة باهي علاش تخربي في وجهك مدامه واثقه انك حلوى وجميلة باهي ترى اوقفي شويا قدام مراية دارك وشوفي روحك من غير مكياج محلاك شوفي ملامحك البريئه الطبيعيه كيف حلوى وجميلة من ربي احلى من لما تتصنعي وخير من اللبز لي في وجهك لما تطلعي من غير ان هادا كله حرااااااام انتي عارفه كم اتم وذنب خديتي في الخمسة دقايق لي طلعتي فيهم متعرفيش ......🌸
بتقولي وعلاش اني مدرت شي صح ؟
لا درتي بالمكياج والزينه لي في وجهك وسروالك الي ضيق وبلوزتك الي قصيرة وعطرك لي يشمه اخر واحد في الشارع انتي تو كم شاب خطمتي من جنبه هلباااااا صح متذكريش ؟ انتي عارفه كمية الشهواة لي ركبتاها في الرجاله لي خطمتي من قدامهم صح مش قصدك انتي بس تعرفي كمية الذنوب الي علي كتفك تو مش متوقعه تعالي نقولك شن الديري بش تصلحي غلطك ......🌸
بري توضي وصلي ركعتين لي ربي وأنوي فيهم التوب من قلبك وربي ح يسامحك لانه عمره مرد مؤمن يبي يتوب وحاولي تغيري من نفسك لي الاحسن مش علي خااطر حد لا علي خاطر نفسك لانك تستاهلي التوبة تستاهلي تكوني من حاملي كتاب الله تستاهلي تكوني في اعلى المراتب اي اي متتستغربيش ماهيش خير منك لي تنوض تصلي في قيام اليل وصلاتها في وقتها ماهيش خير منك ان تكون قريبه من ربي بالدعاء وانتي لا .......🌸
علاش ربي يحبها اكتر مني ؟
لانها في كل صلاة تتدعيله وموكله امرها ليه🌸
علاش هيا خاتمة كتاب الله واني لا ؟
توكلي علي الله وحتى انتي بإذن الله ح تختميه🌸
قارني نفسك بالناس هيا مش بي هديكه خدت فون اخر طرحه هديكه شرة لبسة ماااركه وبسعر كده ....🌸
الحاجات هيا مش حتفيدك لانه يوم غدواة ح ينفعوك اعمالك وصلواتك ودعائك مش التلفون واللبس والماركات .....🌸
توا خلاص تفهمنا علي كل شي صح وربي يهدينا ويهديكم نشالله💜🍃)
#نور الحياة❤
