أنت تقرأ

غِنوه من العشق

Mystery / Thriller

منقولة #غِنوه_من_العشق #للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑

#ليبية #منقولة

#غِنوه_من_العشق6

1.2K 21 0 
                                    

                                              
#غِنوه_من_العشق 
الحلقه السادسة 🖤 
           بعنوان  :《صاحب خوي 》 
#للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
.
.
.
.
.
.
.
.
. 
خشت هوازن لمكتبها ونصدمت بيه مقعمز ع كرسيها ولافه(عاطيها بالضهر) 
هوازن:شبحت ل سوسن وهيا عاقده حواجبها 
سوسن:نزلت راسها 
هوازن:هئحمم!!
كنان:يلف الكرسي عشان يشوفها 
يجو عيونهم في عيون بعض 
لحظة صمت ....
كنان:شبحلها من فوق ولوطه وكأن يحاول يفهم شي !
هوازن:اول مشفته حسيت بضعف رهيب اجتاحني ليش وكيف منعرفش بس ل نعرفه انه ابيخ شعور ممكن يحس بيه الانسان هوا #  الضعف 
بسرعه مارجعت موقفي وقلت بحده....تفضل؟
كنان:يشبحلها ومركز ف عيونها بدون ميتكلم 
هوازن:شبحت ل سوسن ل كانت شوي وبطيح 
كنان:ناض من ع الكرسي وقاعد مركز ع عيونها 
قرب منها وقعد مقابلها 
هوازن :توترت بس مبينتش وقعدت ع نفس نظراتها الحااده🔥
كنان: بهدوء....تعرفيني ؟
هوازن:نبرة صوته كانت فيها حده وقوه بس فنفس الوقت هادييه.......من وين بنعرفك !
كنان:يعني متعرفينيش بكل !
هوازن:انك محامي وبس 
كنان:تماااام أوقفي هني
مدامه ي انسه متعرفينيش ليش منزله عليا ف مجلتك يااا؟؟؟
هوازن:بعصبيه مقدرتش تتحمل.....هوازن 🔥
اسمي هوازن 
مش يااا ومجلتي ي استاذ مش مهتمه بيكم عايشين ولا تحت التراب ولا تنزل في حاجات مقرفه هكي 
واني زيني زيك من ناحية انه منعرفش من نزلهم ف مجلتي 
كنان:قعد يشبحلها بنظرات غريبه بعدها ضحك ع جنب بهزوه وقال ....هيا مش مجلتك؟؟؟
هوازن:فهمت قصده لفت وجها ع جنب ورجعاته....مجلتي 
كنان:بنبره صوت اعلى وملامح وجهه تغيرت.....خلاص اماله زي متعرفي إنّي محامي اعرفي إنّي مستحيل نسكت ع شي ف تعترفي من ل منزله او حتخلي الموضوع يكبر اكتر من هكي 
هوازن:قتلك منعرفش علاش بنكدب عليك يعني ؟؟؟؟
كنان:هز راسه فوق ولوطه......تمام توا الامور كلها حتمشي بكيفي !
وطلع 
سوسن:انسه ش شنن قصده؟؟؟
هوازن:تشبح للباب ونزلت عيونها ع الارض تفهم ل صار 
سوسن:😰
_________________ 
#للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
غنوه:نتصفح في الفيس وفجأه يطلعلي ايميله 
مقدرتش نمنع روحي ومنخشلاش 
خشيتله 
كئييييييييب بدرجة لاتوصف ينزل ف صور من غير كلام 
مش هادا ل صدمني ل صدمني التفااعلل! 
تفاعل رهييب واصل الالفين ومعاها ع خاطر صوره ليه سوده وبيضه 
ضغطت ع الصوره وكبرتها فجأه تجي صورته وهوا يغمز قدامي 
خبطت يدي ع راسي نحاول ننفيييه 
وكيف جايه بنطلع لقيته منزل ستوري 
الستوري متعه عام !
دخلت شفت واني نردد ونقول خلاص نشوف ونطلع 
لقيته منزل صورته وهوا يدخن وحتى هيا ع الاسود 
ملقيتش روحي الا وراده ع الستوري
غِنوه من العشقحيث تعيش القصص. اكتشف الآن