غِنوه من العشق

#غِنوه_من_العشق11

#غِنوه_من_العشق
الحلقه 《11》
#للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
.
.
.
.
.
.
.
.
.
.
.
.
.
.
غنوه:ناضت حست بالعطش فتحت فلاش تلفونها وقعدت ادور يمين ويسار بيأس

شافت الساعه لقتها 3وربع ف الليل

ناضت وهيا متردده تقدم خطوه وتوخر بس ف النهايه نزلت
خشت المطبخ ولقت الضي مفتوح مهتمتش وفتحت التلاجه خدت الشيشه

تتلفت وتعيط بصدمه

فراس:سكر فمها بيديه...اشششش اهدي تمام؟
غنوه:فكت يديه وقالت بصوت عالي.......شن دير هنيي؟؟؟
فراس:اسس نقصي صوتك الناس راقده
غنوه:بهمس......شن ادير قتلك
فراس:هز ضهره......جعت وجيت للمطبخ قلت اكيد بنحصل حاجه .....ضحك .....وحصلت حاجات

غنوه:توترت

فراس:ضحك من جديد واشر ع الصفره ل ف الرخامه
غنوه:قربت من الرخامه وشافت صفره فيها جميع اشكال الحلو ......هادا مشروب؟
فراس:تاكلي معاي؟
غنوه:قعدت تشبحله ل ثواني تفكر وساوت وشاحها .....عادي

قعمزو ع الطاوله وصبلها طاسة مشروب وهوا يشبحلها

اما غنوه ف طاحت فيها ماكله بدون مبالاه

تعتبر من الصبح مكلت شي ولا جتها النيه تاكل بس اول مشافت الحلويات المَشَكله قدامها تفكرت الماكله والجوع

__________

اليوم التالي🌤:

ف ثانوية الولاد :

انور:مقعمز ف الفصل ع المقعد بجنب الروشن ويستف ف الكارطه بتركيز

جمال:خش للفصل ......انور مش كان ايمن مهناش معناها متطلعش تعالا معانا

وخش طارق
طارق:داهش......جمال يولد الكلب وزنك بيوصل الميه وتجري تقول كلب يلحق فيك
جمال:جاي بيرد عليه وينوش الكارطه

جمال وطارق :شبحو ل انور بخوف

انور:شبحلهم وقبض ع يده وفجأه يسمع ف صوت من الروشن غير عيونه عليه

جمال:هادا الشاعر
طارق:يا ودي صوته دمار
انور:يشبحله من الروشن وغير تركيزه عليه
كان تحت الشجره ومقعمزين مجموعة ولاد بجنبه

جمال:شبح ل طارق حط يده ع صدره ونفخ براحه

______________

#للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑

غنوه:فتحت عيونها وشافت لامها ......شنفي ع الصبح
غاده:بصوت واطي:بنفضي ل خوك وحده من الشناطي
غنوه:بصوت ناعس وعيون مسكرات.....ليش ؟
غاده:بيرجع بيجيب حاجات ناقصينه ووصيته حتى اني

غنوه:ناضت بخلعه خدت وشاحها ل كان بجنبها وف رمشة عين كانت برا الباب

غاده:ربي يهدي ...وكملت تفريغ الشناطي