#غِنوه_من_العشق
الحلقه 《19》🔥
#للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
لايك قبل متقرو ❤
لان في هلبا يخشولي يقولولي الحلقه كدا مطلعتلناش ومبتش تطلع + التفاعل يسرع في التنزيل❤
.
.
كنان:طلع ع السريع
ف لحظه كان برا الشركه خدي نفس متع واحد كان مخنوق ومش قادر يتنفس شن الموقف ل نحط فيه؟؟
مشي جهة موقف السيارات ويشوف سيارتها بجنب سيارته
غمض عيونه بغيظ ل ثواني وفجأه يحس بيد تمررت حول رقبته يفتح عيونه ويشوفها قدامه
رهف:حركت صوابعها ع رقبته وجت قدامه ....هاي !
كنان:تنهد .....شن تبي من الاخير ؟؟
رهف:تخلل في صوابعها ع لحيته وتتكلم بكل
رواق .........انت ممثلاا؟
كنان:نحى يدها .......رهف اعقلي امتى حتفهمي انّي نعتبر فيك اخت !
ياريت تقدري الشي هادا ومديريش شي يلغيه حتى هوا
رهف:انت امتى بتفهم كنان اني مش اختك هادي اولا
ثاني شي شن نقدره ومنديرش شي يلغيه؟؟؟
لامتى حتستمر في غموضك متعياااش؟؟؟
تعبت اني بس وحياتك مش حنعيا زيك وياريت انت تقدر مشاعري.......وكيف جايه بتلف وتمشي
كنان:جي قدامها وشد وجهها بيده بقوه وبغيظ.........ردي بالك رد بالك يا رهف .......طلقها لين قريب طاحت ومشي
مشي بكمية توتر رهييبه
بدات بعد متأكد من انه لو فتح هيثم الموضوع مع رهف حتوافق وهني هوا حيكون" محصور" بالمعنى الأدق
مشي ركب السياره وانطلق
مسيب خلفه رهف ل كانت شاده فكها بألم من قوة شدت كنان قعدت تشبح ل سيارته لين طلعت واختفت
رفعت راسها فوق منعا ل نزول دموعها
........خلاص رهف اكيد مش حتوقفي الطريق انفتحتلك بروحها وولت أسهل معقوله حتوخري؟؟
قعدت تهدي في نفسها بالكلام هادا على انه احد طموحاتها حيتحقق !!
اي احد طموحاتها كان "كنان" 🔥
_______________________
انور: شافله وطول تجي صورتها قدامه يتغيرو تعابير وجهه ويسرح
حيدر:ضحك........تبدو وكأنك تائه يبحث عن وجهته
انور:بصوت واطي.......و وجدتها🔥
حيدر:شن قلت؟
انور:علاش اغلب كلامك عربي فصحى شن تحس .....ورجع عيونه ع سياره يشتغل
حيدر:فيها أجد المعاني
بالاحرى لا استطيع التعبير الا بها
ايمن:خش بهجوميه.........وخيره الليبي من شن يشكي
حيدر:حط يده ع قلبه
انخلع من خشت ايمن
انور:نحى من تحت السياره وناض بسرعه وقال بخوف .....شن ايمن ؟؟
ايمن:بإستغراب.........شن خيركم؟
انور:صار شي روحت أمور تمام ؟؟؟
ايمن:شن بيكون في يعني أمور لوز
توا بنستنو ردة فعل الفادر ع غاليته .....وتنهد
أنت تقرأ
غِنوه من العشق
Misteri / Thrillerمنقولة #غِنوه_من_العشق #للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
