" ရှောင်း နေမကောင်းဘူးဆို? "
အပြေးအလွှားအိမ်ထဲ၀င်ရောက်လာသူက အိပ်ယာပေါ်လှဲနေတဲ့ရှောင်းကို အသာပွေ့ချီကာ ရင်ခွင်ထဲထည့်ထားလိုက်သည်။
" အင်း မနေ့ညက ဟင်းထွက်၀ယ်ရင်းမိုးမိသွားလို့ "
" ရှောင်းရယ် တခုခုစားချင်တာရှိရင်ကျွန်တော့်ကိုပြောရောပေါ့ အခုတော့ရှောင်းဖျားနေပြီ "
" ငါသက်သာပါတယ် ခေါင်းလည်းသိပ်မမူးတော့ဘူး "
" ညစာကောစားပြီးပြီလား "
" မစားရသေးဘူး "
" ဒါဆို ရှောင်းဘာစားချင်လဲ စားချင်တာသာပြော ကျွန်တော်ပါပါးကိုဖုန်းဆက်ပြီးချက်ခိုင်းလိုက်မယ် "
" အဲ့လိုကျအားနာစရာကြီးလေ ပေါင်မုန့်လေး၀ယ်ထားတာရှိတယ် အဲ့ပေါင်မုန့်လေးစားပြီးဆေးသောက်လိုက်မယ်နော် "
" အခုချိန်မှာ အားရှိတဲ့အစားအစာတွေစားရမယ်လေ ပါပါးကိုအားနာစရာမလိုဘူး ကျွန်တော့်ပါပါးကသဘောကောင်းတယ် ရှောင်းစားချင်တာပဲပြော "
ခဏတွေ၀ေသွားတဲ့ရှောင်းက မျက်လုံးလေးစင်းကျကာ စတီဗန်ရဲ့ရင်ခွင်ထဲပို၍တိုး၀င်လာသည်။
" ရှောင်းကအဆိုးဗျာ ကျွန်တော့်ကိုချွဲနေတာ ဒီကောင်ကရူးတော့မယ် "
" ငါ့အနားမှာမင်းရှိနေတော့ အထီးမကျန်တော့ဘူး "
" ဟုတ်လား ဒါဆိုဘယ်သွားသွားရှောင်းကိုခေါ်သွားတော့မှာ "
ရင်ခွင်ထဲတိုး၀င်နေသူက ခပ်ရေးရေးလေးပြုံးကာ စတီဗန်ကိုဖက်ထားလိုက်သည်။
" ရှောင်းကိုယ်တွေပူနေသေးတယ် တခုခုလေးစားပြီးဆေးသောက်လို့ရအောင် ဘာစားချင်လဲ "
" အခုချိန် ကြက်စွတ်ပြုတ်ချဥ်စပ်လေးသောက်ချင်တာ "
" ရှောင်းကနေမကောင်းတော့ အစပ်စားလို့ဖြစ်ပါ့မလား "
" ဖြစ်ပါတယ် အဲ့တာလေးစားချင်နေတာ "
" ဟုတ်လား အဲ့တာဆိုကျွန်တော်ပါပါးကိုဖုန်းဆက်ပြီး အခုချက်ခိုင်းလိုက်မယ် "
စကားဆုံးသည်နှင့် စတီဗန်ကဖုန်းကောက်ကိုင်ရင်းအခြာတစ်ဖက်မှာဖုန်းသွားပြောနေသည်။ရှောင်းကတော့ အိပ်ယာပေါ်တွင်သာခပ်ငြိမ်ငြိမ်လေးလှဲရင်း မျက်လုံးစုံမှိတ်ထား၏။