زوجة أبي

البارت الاول

يتيم الاب والام لايدري
الى اين يذهب
فهو حيران تائه الفكري
قد سلب الحنان والعطف والحب
انه مكسور متحطمي

نبدي قصتنه بسم الله تعالى
ملاحضه/تم تغير الاسماء فقط بطلب من البطله ولكن الاحداث حقيقيه 100%
مرحبا اسمي ايه
بدت قصتي من اني طفله
في سنه2002
ولدتني امي كنت الطفله البكر الهم
ولكن شاء القدر وتوفت امي بالولاده
خوالي اهل امي شيلوني ذنب وفاة امي ورفضوني ولا رادو يعترفون بيه لان بنضرهم امي ماتت بسببي
اخذني بابا لبيبي لامه يـعـنـي
هي ربتني واهتمت بيه وصارتلي ام
بابا رفض الزواج من حبه الماما كولش يحبها
في سنه 2005 بسبب الحرب والامريكان اجتي طلقه تايهه واخذت بابا مني واني بعمر 3 سنوات
بقيت يم بيبي
عائله اهل بابا تتكون
من جدو الي هو متوفي من زمان
وبيبي
وعمي حسن الجبير
وبابا حسين
فقط بعد وفاة بابا
عمي اجر بيته وانتقلو بيت بيبي بحجه محد بقه الها لان بابا جان ساكن ويانه وتوفه
عائله عمي
هو وزوجته سوسن
وابنه سلام
وبناته ساره
و مروه
كلهم اكبر مني بالعمر
اخذو غرفتين الهم وغرفه بقت اليه والبيبي
بقت تحت ظل بيبي دللتني وكبرتني واعتنت بيه متخلي احد يمد ايده عليه كل حجايه تكول هاي يتيمه لحد ياذيها من كثر دلال بيبي اليه جانو مرة عمي وبناتها حيل يكرهني ميحبني بس عمي جان زين وياي وسلام هم حباب ميأذوني
كبرت وصرت بالمدرسه بيبي تسولفلي على بابا وشلون جان يحبني بس اني كولشي مااتذكر منه اتمنه اتذكر شي بس جنت صغيره 3 سنوات مااتذكر شي
كبرت تحت رعايه بيبي سجلتني مدرسه صف اول جانت بيبي متعرف تقره واني اول لازم احد يقريني كوه بنت عمي تقريني اله بيبي تضغط عليها اني ذكيه بــَسرعه استوعب بقيت على هالحال لحد صف رابع هنا اعتمدت على نفسي واني بقيت ادرس وحدي واطلع كله الاولى بيبي جانت تشتريلي هداي تشجعني وتصيحلي الحمره بسبب شكلي
بعدين تعرفون مواصفاتي
مشت لايام واني تحت حمايه بيبي مدللتني وتحبين محسستني بفقدان امي وابويه هي صارتلي ام واب لحد سنه 2016 صار عٍـﻤـري 14 سنه
صرت صف ثالث متوسط وكولش شاطره ومتفوقه بشهر ال12 بيبي تمرضت حيل بقيت اداريلها واعتني بيها بس تازمت حالتها نقلها عمي للمستشفى بقت يومين وتوفت بيبي وهنا صدمتني جانت فقدت كلشي وحسيت باليتم تركت دراستي تأذيت حيل بقيت كل يوميه احضن شيلتها بليل اشم بيها وابجي لحد ماانام روحي راحت وياها البيت صار وحشه بقيت تحت رحمة سوسن مرت عمي
عمي شغله من ٱڵـڝُـًْـُپًٍح لليل هو ابنه سلام عدهم محل مال تصليح سيارت يشتغلون بي
شبعت الذل من مرت عمي بناتها يدرسن واني ردت اركع للمدرسه منعتني
بقيت اني انضف واطبخ وهنا لو يدرسن لو وايمات ومكضياتها تليفونات24 ساعه يسولفن اني حته تليفون ماعندي تمنيت الله ماخذني وي بيبي وين جنت ووين صرت ورا سنه بيبي هنا صار عمري15 سنه بسنه 2017 خطبو لابن عمي بنت خالته وتمت الخطوبه قبل العرس بيومين سمعت عمي يحجي وي مرته
حسن/اگـلج سوسن عزمت الحجي على العرس وراح يجي باجر من بغداد

طبعاً احنه من سكنة محافظه الحله
سوسن/كمزت من مكانها صدك الحجي وراح يجينه
حسن/اي والله راح يجي كال باجر يمكم اني ويبات يمنه ليوم العرس
سويت/همزين حجيت لعَـدْ خلي احضر غرفه نضيف ينام بيها الرجال
طبعاً غرفة بيبي صارت لسلام يتزوج بيها وغرفه عمي وغرفه لبناتهم واني وياهن طبت مرت عمي كللتي ع السريع تنضفين هاي الغرفه وترتبيها وباوع البناتها انتن ماما لمن غراضجن الي تحتاجنها بالخنه والعرس وودنها لغرفتي لان الحجي باجر يجينه ويبقه يمنه يبات
افكر منو هذا الحجي الي نخبصو عليه حته بناتهم
بعدين عرفت الحجي من بغداد تاجر بمنطقه اسمها الشورجه وعمي جان يشتغل عنده
هنا افتهمت سالفه الحجي
ثاني يوم البيت تنضف وتعطر طبعاً كله عليه حته البردات خلتني انزلهن اغسلهن ووجوه المخاد والدواشك والبطاطين بناتها حايرات بالصالون يحفن ويصبغن لان اخوات العريس واني الخدامه الي اكرب ليل ونهار
مرت عمي حضرت الغده واشكال طبخت واني هم وياها اساعدها
ساعه12 وصل الحجي
اني طبيت ارتب غرفه مرت عمي وهمه يمه بالصاله استقبلوه وحارو بي اشوف مرت عمي تنكل بالعلاليك وتطوب للمطبخ اشكال الفواكه والحلويات واللحم والسمج والدجاج جايبلهم
بكلبي هااا سوسن من هذا خبصتي نفسج على الحجي
طبعاً سوسن طبعها كلش ماديه بشكل تمووت على الفلوس صبو الغده واني بالمطبخ انتضرتهم خاصو غسلت المواعين ونضفت المطبخ ضهريه كالو خلي الحجي يرتاح. ينام بالصاله فرشوله ونام الحجي🙂
بقيت شلام بالحلاق باجر الحنه مالته وبناتهم بالصالون يصبغن ويحفن وهي اخذت عمي وطبت لغرفتها اثناء ماانضف بالهول سمعتها تحجي وي عمي
...............