زوجة أبي

البارت 11

كوه سحبت نفسي وكمت طبيت للحمام بجيت ودكيت ع وجهي لَيــِْش هيج يصير بيه ياااااا ربي ليشششش مو يتيمه عٍـﻤـري 16 وشفت انواع العذاب اخذذذني ياربي اخذذذني وخلصني اخذذذذذني تعبت ياربي والله تعبت
بجييت كوومه عيوني ورمن حييل بطني وكلياتي ياذني حته علاج ماشربت طبيت نمت
كعدت ع صوت الحجي شاف عيوني كتله اشتاقيت لبيبي وبجيت عليها كمت سويتله عشه تعشه ونام بقيت اسبوعين ع هالحاله مخنوكه وضايجه اتمنه الموت خلصن لاسبوعين كاعده انضف المطبخ طب سيف
سيف/هااا سويتي الي كتلج عليه نزلتي
ايه/الدنيه طالعه من عيني باوعــت عليه اييي هو من رفستك نزل اطمن بطني فارغه واذا تحب تتاكد نروح لمختبر ونسوي تحليل كدامك
مااريد اكله رحت للدكتوره علمود كلياتي وادخل وياه بسين وجيم
سيف/خووش من يطلع ابويه اخذج تحضري

صعد لغرفته كملت الغده اجه الحجي تغده ونام كعد العصر كال اني طالع استفكد المحلات وطلع
نزل سيف
سيف/ابويه ﯙيـن
ايه/طلع
سيف/خوش يله تحضري بسرعه نروح للمختبر
ايه/طبيت لبست ثوب وحجاب وانتضرته نزل وطلعنه كاعده يمه اباوع ع الشوارع اول مره اطلع افتر ابغداد اصلاً مطالعه بس طلعت الشمال وهاي لثانيه
وصلنه لمختبر كال انزلي طبينه راح حجه وي ام المختبر كلها نريد تحليل حمل كاتله انتضر لحضه اني ماكعده وهو واكف شويه وصاحتله كالتله خلي تتفضل زوجتك
عبالها اني زوجته اشرلي تعالي رحت كعدت سحبو دم مني كالت نص ساعه وتطلع النتيجه هو ع اعصابه نص ساعه صاحت اسمي راح هو واني وراه نطته التحليل كالت مع لاسف ماكو حمل ربي يرزقكم انـ شـاء الـلّه
كلها شكراً وطلعنه
صعدنه للسياره
ايه/هاا هسه ارتاحيت
سيف/ايي ارتاحيت ولتفكرين بهالموضوع نهائياً شيلي من بالج
وصلنه للبيت طبيت بدلت بقيت بالغرفه اتفرج تلفزيون مالي خلكه
سيف/هــًـًســًه ارتاحيت من تاكدت هيج رفستي قويه كانت لدرجه نزل لطفل بداخلي مقهور عليها لان ااذيها بس ً أگـِْۈۈل تستاهل شموازيها متحمله كل هذا
بدلت وطلعت يم جماعتي خلص الاسبوع هيج من ٱڵـصبح لليل خارج البيت ماريد اشوفها اصلاً قبل لاالتحق بيوم رحت للمجف زرت قبر امي ورجعت ثاني يوم التحقت هم بقيت اسبوع. ونزلت جان بدايه الشته سنه 2018 ابويه راح للبصره كال يومين وارجع طلع ٱڵـڝُـًبح ب6 كعدت ب9 سبحت طبيت اتمرن ب11 اجاني اتصال من رقم غريب
الوو
الوو منو تفضل
انت شتصير من باسم
ابنه ليش
ابوك سوه حادث ونطاك عمره وهو هسه بفلان مستشفى اخذنه رقمك من تليفونه تلكون التليفون مالته بالاستعلامات مال مستشفى وسداه
هنا الدنيه سودت بعيني امي ولنوب ابويه عييطت بعلو صوتي ياااااابه

ايه/ جنت هستوني كاعده اريد اطب اسبح وسمعت سيف يعيط بصوت عالي ويصيح لا يااابه صعدت اركض شفته كاعد بالكاع ويبجي شكله يبجي الصخر باوع عليه وصاح ابويه ماااات ابويه. راح. هنا جمدت بمكاني انصدمت ماادري شسوي تقربت عليه دموعي بقت تصب اصبر عليه
على كيفك ماادري حسيته طفل ويبجي على ابوه اول مره اشوف سيف ضعيف لهل درجه. تمدد بالكاع ويبجي
خايت راسه بحضني واسكت بيه اشش ميصير رَبّــيٌ يرحمه صير قوي ميصير هيج تسوي كووم اخوانك يدون هز راسه لا شلون مات كال حادث شِفـٍـْْــٰٰتْ تليفونه مشمور جبته اله نطيته خابر اخوانك طلع اسم علي اتصل فتح خط بس ميكدر يحجي وياه شمر لتليفون عليه اخذته كولتله الوو علي ابوك راح للبصره. وسوه حادث ونطاك عمره سمعته هم يصيح سديت الخط ورا نض سـَـــاعْـــٰه الكل اجوي يمنه والبجي واللطم يربي شكلهم يكسر الكلب اني بس اباوع وابجي
راحو الولد كلهم للمستشفى وياهم كم واحد من اقاربهم كالو منكدر نجيبه من هناك ماخذينه مغسلي ودافنينه ورجعو الكل لبس اسود والبجي سوو فاتحه. والبيت خبصه صار وهوسه خلصت الفاتحه طشو الناس بقو الكل يمنه للاربعين سيف مراح للدوام بقه وكلهم ولده لابسين اسود ولحاياهم طولت حيل انهضمو ع ابوهم صارت لاربعين سوو ثواب ورحناله كل عائله بسيارته علي وعائلته وحسيت وعائلته واحمد وعائلته علي كلي ايه اصعدي وي سيف وحده بسيارته صعدت وياه طول لطريق ابد ميحجي وياي ولا اصلا من وفاة ابوه وابد ميخلي عينه بعيني وصلنه وشمد بجو ع قبر ابوهم خصوصاً هو سيف نام فوك القبر ويبجي وراها فوك قبر امه وكومن بجه البقيه هم بجو بس مو بكده هو هلكد حنين ع اهله اني تاثرت بس مستحيل بكد ولده تاثرت  لانه انين طيب وياي ومااداني بيوم كملنه زرنه ورجعنه
ثاني يوم نور كالت انتي مرته وهسه لازم تلزمين عده كولتلها يعني شنو كالت ميصير تطلعين من لبيت وميصير احد يشوفج وهواي حجي علمتني كالت راح تبقين هنا وفطومه بنتي تبقه يمج  واني كل يوميه امر عليج 4 اشهر و10 ايام وفعلاً بقيت خلال 4 اشهرللكراج مطالعه ابد ولاشفت اي واحد منهم مره جنت كاعده بالمطبخ وحدي فاطمه بالمدرسه اندك لباب مخليت كامرات همه ع السارع شِفـٍـْْــٰٰتْ بالكامره طلع عمي وسوسن من شفتهم مدري شصارلي جسمي ظل يرجف تذكرت كل المي واواجاعي لبست حجاب وطلعت فتحت لباب طبو سوسن تريد تبوسني كولتلها ابتعدي شعدكم جاين عمي مخله عينه بعيني بس كال البقيه بحياتج عمو  هــًـًســًه ياله عرفت كوتله شكراً سوسن فاتحه حلكها ع البيت 
شنو مراح تكوليلنه تفضلو
ايه/لا اسـٍّفٍّه ماراح اكدر السويتو بيه ابد موقليل بعتوني ب10 ملايين الفلوس تروح وتجي بس اني نفسيتي وطفولتي كلها راحت وبعد ماترجع احًــجًِي وابجي بحركه
عمي انصدم دقيقه شنو 10 ملايين طلع حته عمي ميدري سوسن بقت تكلب الوان باوع عليها كلها احجي عاط بيها
بقت تمتمت كالتله مال لنيشان
عاط عليها كلها امشي كدامي طلعت تركض باوع عليه كلي عمي اعذريني انتي امانه آخـۅيھ وامي واني ماصنت الامانه دنك راسه وطلع انقهرت عليه كولش حرامات وكع بهيج مره ماديه وحقيره ركعت طبيت مشت لايام فاطمه يمي ونور كل يوميه تمرلي تجيبلنه مسواك واحتياجاتنه ساره وحنين بس مرتين اجني وبعد ماشفتهن سيف سمعت من نور من ينزل من دوامه يبقه يمهم
خلصت العده رجع. سيف للبيت باوعـت عليهحيل متغير لابس اسود ولحيته طويله حيل ابد محط عينه بعيني فاطمه بعدها يمنه هنا اني بقيت صافنه الحجي ومات شراح يكون مصيري وين راح اروح ماادري بس نور تحبني انـ شـاء الـلّه متتخله عني
...................