زوجة أبي

البارت الثاني

سوسن/ٱڱڵــك حسن الحجي مو مرته ماتت ويكلك اريدلي بنت الحلال براسي فكره
حسن/ شنو هي
سوسن/شنو رايك نزوجه ايه
حسن/شبيج تخبلتي نزوجه ايه لرجال حته اكبر من ابوها وحته اكبر مني
سوسن/ وشفايتلها تاخذه يدللها عز وفلوس وخير عنده
حسن/لا سوسن انسي لسالفه وخلي اناملي ساعه خاف يكعد الرجال

ايه سمعت الحجي ومتت بمكاني سوسن فوك ماخادمتها هي وبناتها ومنجبه وساكته بـٍْْـٍعد شنو تريد تزوجني ولشايب هم بقيت ابجي واندب حضي ورا ساعه شفتها تطب وتطلع للصاله وعمي بعده نايم بالغرفه
شويه واجتني كالت كومي رتبي نفسج وتعطري وجابتلي حمره وكحله خلتلي وكالت تعالي وياي اخذتني للصاله طبيت لكيت رجال جبير يمكن بكد جدي يطلع عمره بال70 سنه لابس بنطلون وقميص ومخلي يمه 2 تليفونات وسويج سيارته
سوسن/ تعالي حبيبتي اعرفج على الحجي
ايه /اهلاً عمو
سوسن واكفه بصفي كرصتني حيل
الحجي/فاتح حلكه عليه
هنا صار لازم احجيلكم على مواصفاتي طبعاً والله مواصفات حقيقيه وبدون مبالغه
اني بيضه حيل صاحبت خدود وغمازات عيوني لونهن اخضر فاتح شعري طوله تقريباً متوسط واشقر ذهب بس مو سرح ملفلف نكرو يعني بس ناعم مو خشن طولي متوسط وجسمي شويه تارسه مربربه يـعـنـي
ولهذا السبب بيبي تصيحلي الحمره
جسمي مبين اكبر من عٍـﻤـري
الحجي/تبارك الرحمن ماشاء الله شنوهالجمال اللهم صلي على محمد وال محمد
سوسن/هاحجي شكلت وايه معدله وتطبخ هذاك اطبخ ليخبل ونضيفه ومرتبه
ايه/بكلبي اصبغي بيه الله ليستر على شنو ناويه

هنا كالتلي روحي ايه حبيبتي سويلنه استكانين جاي
رحت اسوي جاي وكلبي يلعب وجسمي يرجف معقوله صدك سوسن تزوجني لهل شايب يربي غير اكتل روحي
سويت جاي وطوبته الهم وطلعت ورا شويه اجتي فرحانه تباوع عليه وتبتسم كعد عمي دخل للصاله بقه تقريباً سـَـــاعْه وطلع ضايج اخذ سوسن وطب للغرفه كلت خلي اسمع شيحجون
حسن/سوسن انتي خليتي ايه تطب للصاله
سوسن/يا واني شّــْْكو الرجال راد جاي واني كاعده يمه خوما اعوفه وحده ومحد يمي بس ايه طوبت لجاي
حسن/تدرين الحجي يريد ايه يكول سالت سوسن منو هاي لابنيه اول مره اشوفها وكالت بنت اخو ابو سلام يتيمه وهو يريدها لنوب يكلي شتريد بالمقابل اني حاضر بس لتردني شلون دخت بزماني شكله
سوسن/كلك شتريد انطيك
حسن/انتي همج الفلوس بس
لابنيه صغيره شنو تاخذ واحد اكبر من ابوها
سوسن/تريد تزعل لحجي نسيت مغركنه بخيره اشكال جايب وياه متتمنه تناسبه وبعدين الى متى اني ابقه مكابلتها شنو ملجئ ايتام اني امك. وماتت اني زياده مني متحملتها شوف منا لليل تفكر لو تنطيها للحجي وتوافق لو تروح تدور على خوالها خلي ياخذوها معلينه احنه تبرو منها وذبوها علينه كااافي مااتحملها اني كافي عندي 2 بنات ياهو الي يجي يخطب بناتي يشوفوها ويغيرون رايهم يريدوها الها حته قسمة بناتي هي موكفتها
ايه/اسمع وجسمي يرجف لحد ماحسيت لباب راح ينفتح ركضت للحمام بقيت ابجي واندب حضي ليش هيج يصير وياي هيج الماعنده ابو وام ينذل ليش بيبي عفتيني ورحتي  بقيت ابجي لحد مـا اجني بناتهم صاحني طلعت
مروه/وينج صار سـَـــاعْـه اصيح بسرعه صبيلنه الغده تعبانين
رحت سويتلهن الغده وكعدن يتغدن ويسولفن شراح يلبسن وشيسون اني حته ملابس محد اشترالي عمي نطه لمرته فلوس تشتريلي وضمتهن بجيبها وطلعتلي من ملابس بناتها القديمات حته البسهن
كل هذا وراضيه ومقتنعه صارت الحنه واني مكضيتها بالمطبخ اشتغل وهنا وبنات خالاتهم مشغلات الدي جي ويركصن وبالعرس نفس الحاله الحجي زورقو سيارته لان راقيه جكسارا عنده وزفو العرسان بيها بليل سلم عليهم حته يرجع لبيته. رجعنه احنه لغرفتنه واني نايمه ع الفراش وافكر بمصيري وبتخطيطات سوسن ومروه وساره كلمن لازم تليفونها ع صفحه ويخابرن نمت مرن يومين واجاني عمي
حسن/بابا ايه رايدج بموضوع
ايه/كول عمو
حسن/الحجي الي اجانه هَََـٰـّذْٓا مرته ميته وعنده 4 ولد بــَس وكلهم متزوجين وطالعين كلمن لبيت بس الصغير وياه عايش واكثر وقته بالدوام بنتي وهو كلش امكانيه بيته بمنطقه راقيه وكلش جبير بيته وهو تاجر وشافج وطلب ايدج مني
ايه/عمو بس هذا رجال كلش جبير
حسن/ميخالف عمو هوشكد يريد يعيش باجر عكبه رايح ويبقه الخير كله الج فكري زين بس اني اشوف احسن الج
وطلع بقيت وحدي ماادري افكر ماادري ابجي هنا طبتلي سوسن
سوسن/اسمعي لج توافقين ورجلج فوك راسج والله ياايه اذا ماوافقتي ازوجج لابراهيم ابن اختي
ايه/ابراهيم ابن اختها متزوج وعينه عليه من يجي مااخلص من نضراته وشكله مقرف 24ساعه سكران اتخبل منه
ىبقيت ابجي فدووه عمه كلشي ولا ابراهيم خليني خدامه عندج بس لتزوجيني لا للشايب ولا ابراهيم
كرصتني من ايدي حيل وكالت هذا الشايب الي معاجبج يملك الدنيه ومابيها يخلينه نطلع من الفكر البي احنه
ايه/زين اذا هيج متزوجي وحده من بناتج
سوسن/لييشش يمه وشبيهن بناتي حته ياخذن شايب لوما انتي جان بناتي من زمان متزوجات
ايه/بكلبي شبيهن بناتج زركات كل وحده جنها عجل من السمن كبر الج والبناتج
سوسن/هااا فضيني تروحين لعمج وتكليله موافقه لا تعرفين شسوي باجر اخلي ابراهيم يجي ويخطبج وغصباً ماعليك تقبلين
وطلعت
بقيت افكر وابجي يربي عمري15 سنه اخذ واخد عمره 70 ليششش بين التفكير والبجي
كلت خلي ارضه بالشايب واروح بعيده عليهم ولا اخذ ابراهيم السكير وابقه مكابلتهم
رحت لعمو كتله موافقه
خابر ع الحجي وكله الحجي الجمعه اني يمكم

اجه الجمعه الوحده قرو الفاتحه هو وعمي وراح جاب شيخ عمي بالمنطقه مالتنه يعقد وعقدلنه سوسن طلعتلي ملابس حلووه من جنتها وخلتها تمكيجلي وترتبني اباوع بالمرايه شويه مكياج بسيط طلعت اخبل عود لـ❌ـلا حافه ولاشي
كعدت ورا لباب عقدلنه الشيخ وراح طوبتني سوسن يمه
عمي احسه ضايج عافنه وراح وسوسن الفرحه مساعيتها
جنت لابسه ثوب لونه وردي مال العروسه وشعري سرحته اليه وفتحته هو عرفت اسمه باسم
تقرب كعد بصفي سوسن عافتنه وسدت لباب
باسم/شلونج ايه
ايه/الحمدالله وبكلبي اكول هسه شصيحله عمو لو باسم
باسم/خلي اعرفج عليه اني زوجتي توفت قبل سنتين صار بيها مرض وماتت
وعندي بس 4 ولد
3 متزوجين وكلمن ابيت وحده كاعده
الجبير مواليد 76 اسمه علي عنده 3 بنات وولد
والثاني مواليد80 اسمه حسين عنده 2 ولد
والثالث مواليد 83 اسمه احمد عنده بس ابنيه وحده
والرابع الصغير اسمه سيف مواليد 92 بس بعده ممزوج
ولدي كلهم مثل شغلي علمتهم بالتجاره والهم مكانتهم وسمعتهم بالسوك
بس سيف الصغير طلع عن الطريق وصار بالحشد اني ماراضي عليه بهاي الشغله بس هو عنيد والي براسه يسوي  من كثر الدلال مال امه كلش دللته وهو حيل متعلق بيها من توفت امه اتطوع بالحشد
ايه/رَبّـي يحفضهم الكم
وبكلبي منو طلب منك سيرتك الذاتيه انت وولدك
بقه يسولف على فلوسه واملاكه وعقاراته
لحد مـا طبتلنه سوسن
هـْﮩـاا حجي عيوني محتاج شي جاي كهوه. بس كول ايه تسوي الكهوه تخبل كومي ايو حبيبتي سويلنه كهوه
عفتها يمه. وطلعت اسوي كهوه والدمعه بطرف عيني هيج تاليتها اخذ شايب حته اصغر ولد اله اكبر مني ب10 اسنين ليش هيج يربي كملت لكهوه وطوبتها اجه عمي طلعت ورا شويه صاحوني يريد يدوح سلم عليه وخلى بيدي ضرف سوسن عينها عليه اول ماطلع وعمي وياه سحبت الضرف من ايدي حسب الفلوس 500 الف انطتني 100 واخذت البقيه وكالت ديري بالج احد يدري
رحت للغرفه نزعت لثوب رجعته للابنيه وغسلت وجهي ونمت واني افكر بحياتي وبمصيري شنو