زوجة أبي

البارت الثالث

ورا اسبوع اجه الحجي
وهم جايب اشكال وياه ناكل السوك
هنا هم سوسن كشختني ومكياج وترتيب
طبينه للصاله عمي جان بالشغل
حته مخابرته وكلتله اجه الحجي
ماعدين سلم عليه دريت السلام واني حيل متقززه منه
الحجي/عيني ام سلام جبت المبلغ الي طلبتي
ايه/ اني انصدمت شنو يا مبلغ
سوسن /ايي عيني الله يخليك ويحفظك ويطول بعمرك انشالله خيرك مغركنه واخذت ضرف جبير شكد بي ماادري
الحجي/تـْدللين انتي وايه
ويباوع عليه
لعبت نفسي تقرزت من روحي
مرت عمي اخذت الضرف وطلعت بقيت اني وهالشايب وحدنه بقه يسولف وياي انتي شكد حلوه وعيونج حلوات وخدودج حلوات
انشالله الجمعه الجايه انتي يمي
ايه/😧 شنوووو وايش هالاستعجال
الحجي/ماعدنه شي المن مبقيج هنا باجر نعقد محكمه وفلوس النيشان جبتهن خلال اسبوع ام سلام مالت اكمللها نيشانها
ايه/هااا هــًـًســًه الي نطيتهن الها فلوس نيشان
الحجي/اي
ايه/وشكد نطيتها
الحجي/10 ملايين كالت تحتاج للذهب ولملابس وصالون يادوب يكفن
ايه/انصدمت مبلغ جبير ماخذه منه ومتاكده فلس مراح تنطيني يعني سوسن باعتني لهل شايب وحته نيشاني اخذته انقهرت حيل استاذنت منه وطلعت
ايه/طبيت للحمام بجيت اختنكت شنو ماعدها رحمه مقابيل مبلغ مال باعت طفولتي لشايب بكد جدي شسوي ياربي انهزم وين اروح لااعرف خوالي وين حته اروح يمهم ولو همه من اني عٍـﻤـري يوم اتبرو مني ياريتني ميته وي امي ولاهالعيشه هاي غسلت طلعت
ثاني يوم هم لبستني من جنتها ومكيجتلي وراحت هي وعمي والحجي واني عقدنه محكمه ولان قاصر عمي ولي امري باعتباره اباوع ع عمي اريده ينهي هالمهزله بس عمي سكان بيد مرته حته محط عينه بعيني ابد بحيث القاضي استغرب من فارق العمر مرتين سألني بابا انتي موافقه بدون ضغط عليج كوتله اي
وبكلبي بدي اصرخ واكول لا بس اخــّّـّّاف كلش اخــّّـّّاف
اما سوسن تطشر بالجكليت وتهلهل فرحانه هم اجاها څــِْ♡̷̴̬̩̃̊ـِوش مبلغ وهم راح تخلص مني
بقيت اتحسب عليها بكلبي واكول الله ليوفقج
رجعنه للبيت هو راح كال الجمعه نلتقي واني اباوع عليه وقرفانه حته من روحي عساني متت قبل لتجي الجمعه
العصر اخذتني سوسن للسوك اشترتلي فستانين وحجابات 2 وثوبين نوم واخذتني للجنابر حاجه خمسميه وحاجه الـ1000ــف لمتلي علاكه مكياج موصلن ل15 الف وجنطه وحذاء وشداديش 2 وبس كالت هذني كافيات عليج اخذتني للصايغ اخذتلي بس حلقه كولش خفيفه ارخص شي ومحبس بس يعني كل الغراض والذهب مكلف ل500 الف وهي ماخذه فلوس نيشاني 10 ملايين انهضمت بس مثل بلاع الموس مااكدر احجي بس امشي وراها وهي التختار حته مو اني واصلاً مالي واهس رحنه لصالون لارخص صالون بالمنطقه حجزتلي بدله ومكياج وتسريحه ب100 الف بس عرس وخفتلي وجهي وحواجبي
هنا صار يوم الجمعه ودتني للصالون حفتلي وخلتلي مكياج. وتسريحه ولبستني البدله احس لبست جفني حضرتني اجه الحجي وحده بسيارته صعدت وياه وصعدت جنطه ليوره بيها ملابسي عمي باوسني اباوع عليه وعيوني تدمع اتمنه يكول لتروحين بس الحيه سوسن متنطي مجال خبصتنه يله وراكم طريق توكلو بالله ورحنه وحدنه لبغداد السياره مشت واني دايره وجهي على عمي ودموعي تصب اتمنه حلم واصحى منه اباوع عمي عينه على سياره بقيت اباوع لحد ماابتعدنه حيل خلاص بعد لازم اواجه مصيري وين ماخذني ماادري ليا عالم اني اول مره راح اطب بغداد جنت احلم اروح لبغداد بس هسه بهيج وضع مااريدها تعبت دموعي تصب والشايب يمي ولاجنه مااعرف شكد بقينه بالطريق وصلنه طبك السياره بيت كولش جبير تقريباً300 متر وبنائه حديث طوب السياره للكراج كال انزلي نزلت اباوع. بي حديقه حلوه مرتبه طبينه البيت اثاثه كوله راقي وحلو بس احس روحي بسجن كال بدلي راح يجون ولدي وعوائلهم يتعرفون عليج
....................