*_هتكلم عن "الأرتباط"*♥️
ربنا قادر يتحكم في مشاعرنا صح؟
=صح
هتقوليلي طيب ليه ربنا خلاني أحبه طالما هو مش خير ليا ومش هيبقي من نصيبي ؟
=أستوعبي معايا كدة سؤالك يعني أبقي قاعدة في أمان الله فـ ربنا يلهمني إني أروح أكلم ولد وأرتبط بيه
ربنا مبيزرعش فينا غير الخير، الخير وبس.
أنتِ اللِ مشيتي ورا شيطانك وشر نفسك♥️
أصلاً بنسبة 99%مبيبقاش حب ده بيبقي جوع
-جوع!
=اه جوع أنتِ جعانة اهتمام ، جعانة حنية، جعانة حد يطبطب عليكي أنتِ جعانة حب يابنت الناس وده يأما العيب من الأهل أو الصحبة أو أنتِ اللِ طماعة بقي🙂♥️"
للأسف معظم البنات اللي مرتبطين بيكونوا في سن 15 او 16 سنة
مسألتيش نفسك قبل كده ليه السن ده؟ هقولك أنا ليه مرة شوفت واحد بيقول لصاحبه متعرفش حته كده أندر إيديج تخيلي! تخيلي كده إنك بيتقال عليكي حته وكأنك لا شئ ياللي بتنادي بحرية المرأة وشايفة إن الدين ضدها رغم إن الدين خلاكي غالية وأنتِ مغلتيش نفسك.'♥️☁
عارفة بقا ليه يا حلوة أرتبط بيكي وأنتِ أندر إيدج ؟ عشان بتكوني لسه بريئة ومش فاهمة في الدنيا ولا لسه قرأتي حاجة عن الدين بيستغل سنك وقلة نضجك معظم المشاكل اللي بتجيلي على صراحة بتكون بسبب الارتباط طب ليه؟ ليه توجعي في قلبك وتغضبي ربك وتخوني أهلك مع واحد خان عهده مع ربه ومعاكي أرجوكي فوقي🥺'♥️☁
مين اللِ قال {ولا متخذات أخدان } {ولا متخذي أخدان}
(بمعني لا البنت تكون مرتبطة بـ شاب ولا العكس)
لما ربنا بعزته وجلاله يحرم العلاقة بين الشاب والبنت خارج إطار شرعي يعني لا بينكم خطبة أو عقد قران يبقي بابا أو ماما يحللوا ويحرمو بتاع اي؟
"والحب الحرام لا يتمه الله، بل يكوي به أصحابه ، والحلال ينير قلوباً يظن من شدة ظلمتها أنها لن تنير قط.
الحب الحرام هيفضل حرام حتي لو بابا وماما عارفين
هيفضل حرام حتي لو بيحفظك قرآن♥️☁
لو كان بيحبك مجرد ما هتقولي كده هتغلي في نظرة ويحاول يحافظ عليكي وهيبعد عنك لحد ما يتقدملك لكن هو مش عايز أنتِ اللي تقفلي معاه هو عايز يبعد هو بعد ما يشبع منك ويلاقي واحدة تانية يتسلى بيها تخيلي إنك مجرد وقت فاضي في حياة الباشا ده مش اكتر'♥️☁
فـ هو الباشا هيعمل أي ؟ هيهتم بيكي وبعدين مع الوقت الإهتمام يقل و في منهم بنسبة 1%عشان مش أظلم حد بيقي نيته كويسة لكن هو لو بيحبك كان صبر وإستني لما تبقي ليه في الحلال غير كده بيتسلي لو بيحبك مش هيكمل ذنب أنتِ لقدر الله موتي في أي وقت هتتحاسبي عليه هتقعي من علي الصراط بسببه أبعتي ليه مسدج إحنا لازم نسيب بعض علشان حرام هندخل إحنا الإتنين النار بسبب الذنب ده لو رفض وقالك مش هقدر أستغني عنك أنتِ الهوا و و و أعرفي أنه مينفعش تكملي نهائي لو بيحبك مش هيستحمل إنك تتعذبي في النار والقبر دقيقة واحدة .'♥️☁
هو كـ شاب عارف هو بيعمل اي؟
عارف أنك في سن محتاجة إهتمام
يسألك نمتي ، صحيتي ، كلتي ، خرجتي ، رجعتي ، وفي اللي بيدخل من باب الدين صليتي ؟ هصحيكي للقيام النهاردة وهو عارف إن اللي بيعمله ده حرام ، وأنتِ كمان عارفة كده {اتأمنون ببعض الكتاب وتكفرون بعض}♥️
كل ما تفكري في الإرتباط افتكري الرسول عليه أفضل الصلاة والسلام لما قال عننا (فإنهن المؤنسات الغاليات)
غلي نفسك يا جميلة وإحفظي قلبك للي يجي البيت من بابه ♥️
إفضلي أدعي الدعوات دي .
"يارب متعلقش قلبي غير بيك"
"يارب أجعل أول دقة حب في قلبي تكون لزوجي مش لحد تاني"
"يارب أبعدي عني شر الفتن وشر الشيطان وشر نفسي "
"يارب أرزقني بزوج صالح يأخذ بإيدي للفردوس ويقربني منك أكثر ويكون أب صالح لأولادي"♥️
قومي بقا من غير تفكير إمسحي رقمه اعمليله بلوك من كل حاجة ومتقلليش من نفسك إفتكري ديماً إنك مش أقل من أي بنت عفيفة جالها نصيبها يلا إبدئي صفحة جديدة مع نفسك وأصبري كدا على ما سيد الرجالة كدة يجيلك لحد عندك ياست الغاليين بحبك في الله يا سنجولة من دلوقتي
