𝐖𝐡𝐢𝐫𝐥𝐢𝐠𝐢𝐠[𝐂𝐨𝐦𝐩𝐥𝐞𝐭𝐞𝐝]

𝐄𝐱𝐭𝐫𝐚

                             𝐔𝐧𝐢𝐜𝐨𝐝𝐞

ကောင်းကင်ယံတွင်
ဓူဝံကြယ်ပင်ထွက်နေချေပြီ။

သူအခုထိ အိပ်မပျော်သေးပေ။
မျက်လုံးဝိုင်းများကိုလွမ်းသည်။
နှုတ်ခမ်းအောက်ကမှည့်လေးကိုလွမ်းသည်။
ဆံပင်နုနုလေးတွေကိုလွမ်းသည်။

ချစ်ခြင်းတွေနက်ရှိုင်းလွန်းရင်
နှစ်ကာလတွေဟာ ကိန်းဂဏန်းသက်သက်။
အချိန်အကြာကြီးပတ်သက်ခဲ့တာမဟုတ်ပေမဲ့
ရင်ဘတ်ထဲမှာနေရာအပြည့်ယူထားသော
ကောင်လေးတစ်ယောက်ကို
သူသေမတတ်လွမ်းပါသည်။

ဆေးလိပ်ဖွာချင်စိတ်က
တားမရဆီးမရဖြစ်နေပေမဲ့
စိတ်ကိုတင်းထားရသည်။
မြို့ပေါ်ကိုသွားဖို့အတွက်မလွယ်သလို
ဆေးလိပ်ဝယ်ဖို့လဲခက်ခဲသည်။

ဂျပန်တပ်များသည်
နေဝင်ချိန်နီးလာတာနှင့်အမျှ
သွေးရူးသွေးတန်းဖြစ်လာသည်။
ပြောက်ကျားတပ်ဖွဲ့များအား
တောနင်းရှာပြီးသတ်ဖြတ်နေချိန်ကိုလွန်၍
ဂျပန် တပ်များ တပ်ဆုပ်ဖို့စဉ်းစားရချိန်ဖြစ်၏ ။

1994 ခုနှစ်...
September မို့မိုးဉီးကျစအချိန်တွင်။
လေများကတသုန်သုန်တိုက်ခိုက်နေသည်။

"မအိပ်သေးဘူးလား!"

"အိပ်မပျော်ပါဘူးဗျာ"

လရောင်မိန်ပြပြတွင်
ညစ်ညမ်းသောပတ်တီးစည်းကို
သူမြင်နေရသည်။
ဉီးလေးကြီးဆယ်ဂူက
တိုက်ပွဲမှာလက်ထိထားသည်။

"အိမ်ကမိန်းမကိုသတိရလို့လား
ဟုတ်ပါတယ်..အဟားးအဟားး"

မငိုချင်ရင်ရယ်ရမဲ့လောကကြီးမှာ
ရယ်ဖို့ဆုံးဖြတ်ထားသူဖြစ်သည်။
ဉီးလေးကြီးဆယ်ဂူက
ဒီအဖွဲ့ထဲ အသက်အကြီးဆုံး..
လယ်လုပ်နေတဲ့လက်တွေနေရာ
ရိုင်ဖယ်ကိုကိုင်ခဲ့သည်။
အလုပ်ပန်းသလောက်အကျိုးခံစားခွင့်မရသော
တောင်သူတစ်ယောက်၏စိတ်ဓာတ်ကမာကြောသည်။
ကြမ်းတမ်းတဲ့လက်တွေကြားမှာ
ကိုယ့်တိုင်းပြည်ကိုကာကွယ်ဖို့
သတ္တိတွေရှိ၏။

[1926 ခုနှစ်မှစပြီး ကိုးရီးယားရဲ့စီးပွားရေးအခြေအနေ
ကျဆင်းခဲ့သည်။မည်သည့်လုပ်ငန်းမဆို မတန်မရာအခွန်ငွေပေးဆောင်ရ၏။ ]