[أَنَا وَ هُو .]

🌬البارت الثامن 🌬

رقدت ياسمين مع سهى في شمبرتها وباتو يهدرو.
سهى: ياسمين شحال راهي ساعة *بصوت ناعس*
ياسمين: ماعلاباليش شوفي نتي
ناضت سهى بنص عين جبدت تليفونها ممبعد عيطت رانا روطار رانا روطار
ناضت ياسمين مخلوعة وتجري نيشان للدوش لي ماين في شمبرة سهى
سهى: وانا وين نروح اخرجي اخرججي روحي لدوشك
ياسمين: روحي للدوش تاعي
خرجت سهى تجري من شمبرتها بلاما تشوف حتى دخلت في واحد
يحيا : سهى !؟
سهى: سمحلي راني روطار
يحيا: وين راكي رايحة ؟؟
سهى: يحيا راني روطار وخر وخر وراحت تجري
قعد هو يضحك عليها وهبط
عشر دقايق وكانو سقمو رواحهم ولبسو وخرجو بلا ما ياكلو
يحيا: مافهمتش انا علاه راكم غاصبين هاك تبغو القراية هاكا
ياسمين : عندنا اسباب وحدوخرين
يحيا: شاف فيها شوفة مش مليح
سهى : راني متفاهمة انا وياسمين ووحدوخرين نتلقاو في المكتبة ورانا روطار عليهم

يحيا : طلع حاجبو وقالها شكون هادولوخرين

سهى : بنات يقراو معانا

يحيا: هايا نوصلكم

طريق كاملة وياسمين فرحانة سهى شادة تليفونها وتضحك ويحيا يشوف فيها وباغي يعرف واش راهي تشوف باش راهي تضحك هاك وصلوللجاميعة ودعو يحيا وطلعو يجرو بيسك راهم قراف روطار دخلو قعدت ياسمين حدا قيس وحداهم سهى قيس كور كامل مانحاش عينيه من ياسمين وياسمين حشمانة وسهى تخبش ماعلابالهاش .

كان عندهم غير زوج حصص وقراوهم كي كملو راحو للكافيتيريا تاع لافاك

سهى : روميووجولييت اذا كملتوهاك العام يطير

قيس : انا قلبي طار جات غير  على عام تاع قراية

ياسمين : تضحك وحشمانة

سهى : شوف شوف الهدرة

قيس : روحو قعدو انا درك نشريلكم عفايس ونجي

ياسمين وسهى : اوك

سهى : انا نروح ونخليك زيدي اعرفي قيس كيش داير صاحا

ياسمين : وين رايحة

سهى : نروح نشوف الدار وندورشوية ماتقارعيليش ممبعد ونجي وحدي

ياسمين : تهلاي في روحك وادا كاشما صراعيطيلي

سهى : صاحا بايب مام نتي

رحت خرجت من لافاك وديسيديت نمشي بقيت نمشي كي المهبولة حتى لقيت واحد الجاغدان تهبل رحت ريحت فيها وقعدت نشوف في السما في الشجر في الغاشي وكانومقابليني ربع بنات صغار يلعبو مع بعض تفكرت صحاباتي وحياتي القديمة توحشت والديا وحنانتهم عليا راني حاسة روحي وحيدة خرجت من البلاد وخليت نصفي تماك توحشتهم بزاف عيطت لبابا وماما حكيت معاهم غاية وزدت صحاباتي تان ووريتلهم الحالة برا بقينا نهدروحتى لحقت لعشية ماحسيتش قاع بالوقت وباينة ماحكيتلهم حتى حاجة من واش راه صاري شديت طاكسي ورحت لداري حتى صونالي تليفوني