[أَنَا وَ هُو .]

🌸💫البارت الثاني🌸💫

هاي . 🌻
_
قعد هو يدور بيا مزيا كانت الدار بعيدة على المطار شفت الطريق والناس الجو تاع اليوم شحال شباب ان شاء الله يقعد كيما راه المهم بعد مدة وصلنا صراحة جاي حي عادي ماهش واو بصح تان ماهش مش مليح رحت طلعت في الباطيمة وديت مفتاح داري وطلعت راني ميتة بالعياوراسي راه قاتلني ان شاء الله تخرج شابة ومالازملهاش
بزاف صوالح
-
المهم وصلت قبل مانفتح الباب قريت قرأن في قلبي سميت وفتحتها شحال عجبتني جاية صغيرة وبزاف كيوت كيما كنت متخيلتها ياربي مانيش مأمنة بعد قاع هذا الوقت لي كنت نحلم تكوني عندي داري وحدي ونسقمها المهم حطيت قشي وقعدت ندور فيها زوج بيوت وصالون وكوزينة والتوالات في الدوش رحت خيرت البيت لي نرقد فيها جاية فيها تاقة كبيرة وراهي فارغة ومغبرة يتسما لازم دوكا نروح نشري قاع واش نستحق باش ننقيها رحت بدلت حوايجي وخرجت .
"اللبسة"

-
رحت كمونديت سرير وخزانة صغيرة وبيرو تاعي وعفايس صغار نسحقهم تان قالولي يومين يوصلك بصح انا نركبهم بغيت نسبو بصح معليش ممبعد رحت لمول قضيت كل شي لماعن وواش نستحق باش ننقي والفراش وقاع راكم عارفين خلصت شلفطوني بصح معليش كريت طاكسي ومسكين عاوني ورفد معايا القش
وصلني للدار وتان رفد معايا ودخلو وايه شريت اقفال للباب انا مانقدرش اكبر خوافة ووسواسة مانقدرش نخلي بابي غير بلوكي واحد المهم نحيت قشي ولبست عباية وبديت .
-
"نروحو للجهة لوخرا "
يحيا كان يخدم على بروجي بزاف وكي طلقو دار نجح بزاف (كالعادة) وكانت قاع العايلة فرحانين بيه .
-
علي : عطيتك المسؤولية وكنت قدها ياوليدي راني فرحان بيك
قيس : ماناش نبانو
علي : نتا تان معاه
يحيا : تبسم وكمل ياكل .
ماماهم : خمسة وخموسة على ولادي السبوعة نوضو نرشكم بلما مزهر باه ماتضربكمش العين
قيس : ياحسراه ماما بغيت نفكرك بلي رانا عايشين في الالفين وعشرين اذا نسيتي
ماماهم : ايا نوض عليا نوض خليني نرشك .
يحيا : انا مترشيني مانرشك راني هذاوين خرجت من الدوش ماتخلينيش نرجع .
ماماهم : هااهدر معاهم طوالو وبداو يردولي الهدرة .
يحيا : خلاص رشي رشي
قيس : هاتي نرش ونشرب وندوش بيه لا بغيتي
-
" تقديم "
"فاتو ربع ايام سهى جابولها صوالحها سقمت دارها كيما بغات وماخرجتش منها الاوضاع عند لوخرين كانت هانية غير علي ماكانش حاس روحو مليح وكان حاس بلي كاين شي ناس راهم يتبعو فيه ".