* ترجلت من سيارتها و خلعت نظارتها الشمسيه لتنظر للمبنى الضخم امامها و تبتسم بكل غرور و ثقه لتدلف بعدها بثقه و كبرياء..
كانت فى طريقها لغرفة الاجتماعات لتسمع اصوات عاليه تأتى من الداخل..
دلفت و القت التحيه لتجد السيدة " هنا السمنودى " تتحدث بغضب مع زوجها السيد " حازم المنصورى "..
" هنا " بغضب:- انا هبقي الرئيسه التنفيذيه للشركة، عارفه انك كنت بتاخد فلوس الشركه علشان تصرف بيها على اعمالك المشبوهه
" حازم " ضحك بسخريه:- اعضاء مجلس الاداره انا بعتذر جدا عن تصرف المدام الغير لائق، بس هى شكلها شربت كتير الصبح قبل ما تنزل
كانت هنا على وشك الرد عندما ابتسمت هى بكل ثقه:- مدام هنا واعيه و كلامها صح ١٠٠ ٪
" هنا " نظرت لها بلهفه:- سيليا لقيتى الدليل؟!
" سيليا " ابتسمت بثقه:- لقيته، مسار الفلوس صح، كان بيدفع لعشيقاته من فلوس الشركه
نظر الجميع لبعضهم بدهشه بينما نظر لها حازم بذهول و صدمه:- فلوس ايه اللى بتتكلمى عنها؟! بعدين انتى مش اسمك ميرا، قولتيلى انك ميرا و العشا بتاع الليله...( نظر لها بحده ) خدعتينى؟!
" سيليا " ابتسمت بتحدى:- سورى ده جزء من شغلى
" حازم " شغل ايه ده؟! انتى هنا مجرد موظفة استقبال
ضحكت بانتصار و نظرت لهنا التى و بدون سابق انذار كانت قد صفعته بكل قوه.. خيم الصمت على الغرفه و الجميع ينظرون بدهشه بينما تبتسم بانتصار...
وصلت الشرطه التى القت القبض على حازم و من بعدها اعلنت هنا انها المديره التنفيذيه للشركة..
" هنا " بشكر:- سيليا بجد انا مش عارفه اشكرك ازاى، لولا مساعدتك ليا مكنتش قدرت اعمل ده كله.. بجد انتى افضل جاسوسة شركات شوفتها، شكرا من قلبي
" سيليا " ابتسمت برسميه:- لا شكر على واجب يا باشمهندسه هنا، ده شغلى، و انا سعيده جدا انى نجحت فى مهمتى
نظرت لها هنا نظرات شكر و عرفان لتستأذن بعدها..
خرجت من الشركه و علامات النصر و الفرح بالنجاح تزين وجهها لتركب سيارتها متوجهة لشركات الألفي..
دلفت الى مكاتب الألفي لتتطلع حولها بفخر و هى تردد فى نفسها:- من بره شركات محاسبه ممله، بس من جوه افضل شركات تجسس
ابتسمت لنفسها و توجهت لمكتب مديرها بالعمل السيد " هشام الألفي "
طرقت الباب طرقات خفيفه ناعمه ليأذن لها بالدخول..
" سيليا " بابتسامة:- العميلة سيليا الألفى خلصت مهمتها بنجاح تام استاذ هشام، بعتلك كل تقارير حازم المنصورى
" هشام " ضحك و نظر لها بفخر ليقف و يقترب منها:- فوقتى كل توقعاتى، متوقعتش انك ممكن تخلصي مهمتك بالسرعه الفائقه دى، بجد برافووو عليكى يا بنتى
أنت تقرأ
رواية "رخصة للحب" ( متوقفه مؤقتا )
Mystery / Thrillerلا اعرف كيف ومتى وأين.. كل ما أعرفه أنني أحببتك ❤ روايــــــة " رخصـــــــة للحــــــب ♥" الرواية الثانية من سلسلة " غلبـــنى العشـــــــق ♥" بدأت فى الثلاثون من يونيو لعـــام 2022✨ 🥀Thu🥀30/6/2022✨ ✍🏻Rahma🥀Reda✨
