عماله بتيجي في بالي و بفتكر اللي فات و العمر يعدي قصادي و يتعاد في حكايات و اهي ذكريات .
عمرو دياب 🤩
1aya993 follow me 🥰💖
__________________________
العمر قطار اوله ضياع و اخره ضياع و في منتصف العمر تكمن الحيره ...... يضيع العمر بنا في المنتصف ..... منتصف الاختيارات و القرارات و منتصف الحيره ..... لا ارتحنا بالأمس و لا نضمن المستقبل و تضيع السنوات في حيره الحاضر .
تجلس في مكتبها في الشركه بعد انتهاء اجتماع تمت به مناقشه بنود الاتفاقية قبل التعديلات النهائيه لارضاء الشركتين ....... وقفت عن كرسيها و قامت بنزع جاكيت الكلاسيكي الأنيق الذي ترتديه فوق بنطالها القماشي و قامت بوضع شعرها المسترسل في نعومه علي ظهرها يغطي عري كتفيها الظاهرين من قميصها النسائي بدون اكمام يظهر بياض و نعومه بشرتها و يزيدها انوثه و فتنه فطريه تهلك الجالس امامها و يتمني قربها و يعض اصابعه ندماً و حزناً علي الحال القائم بينهم ...... منذ عام . !
رن هاتفها قاطعاً صمت المكتب من حولهم فابتسمت بأتساع و هي ترد علي المتصل بلهفه لا تظهر إلا له .
ماسه : صباح الفل يا عمهم مصر نورت تاني .
جواد :صباح القمر يا ماستي .... عامله ايه ؟
ماسه : الحمد لله ..... قولي انت بقي ايه حكايتك بقيت تيجي مصر كتير ليه ؟
جواد : اااااه يا ماسه انا مابقتش عارف فيا ايه .... متلغبط و خايف و مبسوط .... احاسيس كتير مش فاهمها و خايف منها. ... انا مابقتش فاهم نفسي .
ابتسمت ماسه باتساع و تحدثت بحماس شديد : لا ماتقولش .... أخيراً جات اللي تفك التلج اللي حواليك ده .... انا من ساعه ما حكيتلي عنها و انا بقول البنت دي هايكون ليها تأثير عظيم عليك .
جواد متنهداً بيأس : تأثير عظيم ايه دي هتجيبلي جلطه ثلاثيه الابعاد من اللي بتعمله فيا ..... بس للاسف مابقتش حتي قادر اسافر و اسيب مصر عشان اشوف شغلي فى الفرعين التانين ..... مابقتش قادر ماشوفهاش و نطلع عين بعض كل يوم .
ضحكت ماسه عالياً : ايوه طبعاً ما هو القط بيحب خناقه .
ابتسم جواد باتساع : تصدقي هي بتقولي كده برضو ..... بنت اللذينا جننتني خلاص تخيلي مش بتقولي غير يا استاذ عاصي الحلاني.
زادت ضحكات ماسه : بجد هموت و اشوفها و الله انا حبيتها من كلامك عنها اعتقد هانبقي صحاب جدا .
جواد بجديه : لا تشوفي ايه دي ممكن تروح تخطبك من جوزك .... دي بتعاكس اي كائن حي حلو بتشوفه .... تخيلي امبارح شافت الجيب الجديده بتاعتي لقيتها بتقولي خد صورني و انا ببوس عربيتك الجديده الحلوه دي .
ماسه ضاحكه ؛ الله طب ما صاحب العربيه اولي .
جواد : لا ماهي مش مقتنعه اني مش الاستاذ عاصي الحلاني و واخده مني موقف لحد ما اعترف علي نفسي اني مش جواد و عايزاني اغنيلها .
أنت تقرأ
هوس الاربعيني الجزء الثاني ( كامله )
Romanceما بين اخطاء الماضي و اخطاء الحاضر نفقد احبتنا نفقد فرصنا الحقيقه في العيش بسعاده ..... من منا يتعلم من اخطائه علي اي حال ؟؟! ......
