هوس الاربعيني الجزء الثاني ( كامله )

الأخير

محتاج لحد خصامه مش قاسي
محتاج لقلب يكون علي مقاسي
محتاج لطيب يطيب ف الزعل جرحي
يزرع ف قلبي ورود ميزيدش في مآسي .❤️

أميره البيلي .

         _________________________

انهيار عصبي .

تلك كانت كلمات الطبيبه التي شقت قلبه لنصفين ... هو لا يعلم ما حدث ... لقد كانت بين احضانه يبثها حبه و شوقه و غفي لدقائق ربما و استيقظ علي صوت هاتفها .... تلك المكالمه اللعينه التي سببت لها نوع من الهياج صدمه و اوقف انفاسه .... اغلقت الهاتف و تحدثت إلي والدها صارخه ليخبرها حقيقه ناهد الهاشمي و بعد دقائق من الحديث معه وقعت بين يديه فاقده للوعي .

جلس بجانبها ينظر الي ملامحها المرهقه و سكونها علي الفراش ليشعر بالألام تجتاح صدره حزناً علي حالتها تلك ، لقد اخبرته طبيبتها النفسيه ان اكبر عقدها في أهلها ، صغيره تربت لا تعلم والدتها و لا اي شئ عنها سوي انها هجرتها و هي صغيره و رفض والدها الافصاح عن اي معلومات تخصها سوي اقل القليل ، و بعدها اهمال الأب و سفره الدائم و شعورها بالتطفل علي حياه الجميع ، و جاءت قشه معتز لتقسم ظهرها و يطفو من عقلها الباطني ان اهلها لفظوها من حياتهم كالكائن الطفيلي فالطبيعي ان لا تجد من يحبها ، و مع ذلك احبها هو بل عشقها ، ملامحها الهادئه و روحها المريحه و شخصيتها السهله ذلك كل ما يريد في شريكته و كانت هي علي قياس احلامه بالظبط ليغرق في عشقها و يقسم الا يتركها إلا و هي معه في اعمق نقطه في بحر العشق .

تحرك من جانبها إلي خارج الغرفه مجرياً اتصاله بوالدها ليعلم ماذا حدث ، لن يتركها تعود لنقطه الصفر في علاجها مره اخري ، لن يترك تأثير اهلها السلبي يمتد إلي حياتهم مره اخري ، فاق من توعده علي صوت والدها .

طارق : ايوه يا روما ايه اللي حصل عشان تقفلي في وشي كده .

جاد بصوت حاد عصبي : اللي حصل انكوا جيبتولها انهيار عصبي و ياريت تعرفني قولتولها ايه يوصلها للمرحله دي .

طارق بخوف حقيقي : طمني عليها يا جاد يا ابني انا بكره هابقي عندكوا بس قولي حصلها ايه .

جاد بسخريه : لا ماتتعبش نفسك هاتيجي عشان ساعتين و تمشي زي ما سيبتها يوم فرحها و مشيت ... خليك مكانك افضل و اهو توفر تمن تذكره الطيران...... و دلوقتي عاوز اعرف حصل ايه يوصلها لكده .

تنهد طارق بخجل و تحدث بصراحه : انا عارف ان طول عمري مقصر معاها و مهما عملت مش هعرف اعوضها و بشكرك يا ابني علي و قفتك جمبها و كل اللي بتعمله ليها .

جاد بحزم : وقفتي جمبها و اللي بعمله ليها مش مستني عليه شكر منك انا بعمل كده عشان بعشقها ... عشان مابعرفش اتنفس و هي بعيد عن حضني و دلوقتي محتاج افهم عشان احاول اصلح وراكوا .

طارق : ام روما .... اسمها ناهد الهاشمي..... اتجوزتها زمان كنت مهندس في شركتهم و كنت صاحب اخوها بس بعد الجواز اتصدمت من انانيتها و طمعها واحده بتفكر في الفلوس اكتر من اي حاجه في الدنيا و اهم حاجه عندها المظاهر و الناس هتقول علينا ايه .... لحد ما حملت في روميساء و كانت مصممه تنزل الحمل عشان مش عايزه حاجه تربطها بيا لانها كانت زهقت و بتفكر تطلق .... ساعتها اتفقت معاها تحتفظ بالجنين مقابل الطلاق و تاخد حقوقها الماديه مني كامله و بعد ولاده روما بأيام طلقتها و اختفت من حياتنا و ولا مره سألت عليها .... انهارده لقيت روما بتتصل بيا تسألني عنها لاول مره من سنين و اتصدمت لما لقيتها بتقولي ناهد الهاشمي لاني ماعرفتش روما لقب عيله امها ابدا عشان لو دورت هتوصلهم بسهوله فكنت بقولها اسمها من غير لقب العيله .... واضح ان روما تواصلت مع امها انا ماعرفتش ازاي لان الخط قطع .... بس ارجوك يا ابني ابعد روما عن اذي امها ..... امها هتدمر حياتها .