ملاك الشيخ سلطان

البارت 7

....... بسم الله الرحمن الرحيم ........
الصلاة والسلام على رسول الله وخاتم الأنبياء والمرسلين 🌴
🌺🌺🌺🌺🌺🌺🌺🌺🌺🌺🌺🌺🌺🌺
ناديتك وإذا بندائي عقيم.. تركتني وحدي كمذبح الطير اليتيم.. طلبتك كحبيب وصديق وخليل تحت الألم الكتيم.. وإذا بك مشهر سيف الطعن القديم.. فاكتفيت بالعودة إلى المصرع القديم.. وانا أشاهد عنك عتم الليل الأليم....
🌴🌴🌴🌴🌴🌴🌴🌴🌴🌴🌴🌴🌴🌴

زهره / عمو جلال اني أأكل مامي..
الشيخ جلال / ضحك على ضرافه تلك الصغيره المشاغبه
وقال.. عفيه بعد عمج وكليها وتوكلج
ابتسم الكل عليهم وكملوا غداهم.. وصاروا البنات يشيلون الغدا وحضرت ندى الشاي وشربوا الكل قال جاسر قاطعا ذلك الصمت
جاسر/ اي يا بنات وين قهوتنا
هدى / جيب فصلنا ننطيكم قهوتكم
فهد / صار هيج الحجي
رحمة / اي هيج يا ابن العم
نادر / وين سبع البراري وين راح
احمد /  رد احمد ضاحكا متقاعد حالياً
شمس وهي متخصره / اذا روحوا جيبوا فصلنا بين ما نحضر فصلكم..
فهد / بعيون كلها عشق وحنان... صار شموس ولعيونج والله...
خجلت شمس من كلام فهد فهي عاشقة لذلك الفهد.. وراحوا يجيبون حلويات البنات مثل ما وعدوهم
روسم / يلا بنات خل نسوي القهوه بين ما يجون الشباب
رونق / بتكبر... اني اسوي القهوه اليوم اخليهم يشربون أطيب قهوه بحياتهم
رحمه / لاااا اليوم ارتاحي انتي ما نتعبج اشتغلتي جثير سوده عليه
وضحكوا البنات وانتحست رونق لأنها في الأساس لم تفعل شيء
أليف / شنو رايكم ملاك اتسوي القهوه ونشوف اذا تعرف تسوي قهوه العرب لو لا
قالتها بتحدي وهي تنظر إلى رونق
ملاك / صار من عيوني هسه اسويها
رونق وهي متضايقه / قهوة العرب موكلمن يجي يسويها
هدى / نشوف ونحكم اني متأكده قهوتها راح تكون عشق مثل طبخها واتجهت ملاك تحضر القهوه وطلعت رونق حيث دعمت جتف ملاك
رونق بنحاسه / ماشفتج وردت عليها ملاك بابتسامه هادئه شعلت نيران بقلب رونق سوت ملاك القهوه.. قاطعتها روسم وهي تقول
روسم/ ارفعي اردانج شبيج ترى احنا بس بنات ماكو احد
ملاك بارتباك / هااا... لا خليها هيج احسن وهي تمسك كم اردانها.. ما متعوده ارفع ارداني لهذا يعني ما ارفعها
روسم بشك / بكيفج حياتي على راحتج... صارت ملاك تحضر القهوة وهي تتذكر بعض احداث صارت وياها
........ FLASH BACK..........
جبار بعصبيه /ملاااااك تعالي هنا... جتي ملاك تركض وخايفه
ملاك بخوف / هااا بابا طلبتني
جبار بصياح / اني  شكلت... مو كتلج بعد ماكو لج مدرسه ليش رحتي للمدرسه هاااا جاوبي لا تضلين ساكته وضربها كف على وجها
ملاك بجي وشهيق /بابا الله يخليك بس هالشهر اخلص الامتحانات النهائيه وابطل والله.. الله يخليك
جبار /يخليني مووو تعالي اكلج شلون تكسرين كلامي النوب واخذ الحزام وصار يضرب بيها بكل مكان بجسمها وعلى ايديها الى ان اغمى عليها وعافها وطلع... ملاك وهي تستعيد وعيها على صوت هدى...
..........END FLASH BACK.......
هدى /هاا جيتوا وين فصلنا
احمد/ هاكم هذا فصلكم وين فصلنا احنا
أليف / روح اكعد وهسه يوصلك... كعدوا الشباب وهم بانتظار القهوه.. وصلت القهوه بعد ما دارتها لهم ندى
الشيخ جلال / بتلذذ في نكهة القهوه
اممم اليوم قهوتكم كاعده عاشت الأيادي والي سوت القهوه الها مراد مني شنو رايكم
ياسر/ اي والله عمي الشيخ جبتها عدل صدك طالعه فد شي
نادر / اممم بالله منو سواها
هدى/ وهي تمسك ملاك من كتفها وتدفعها بهدوء كدام الشيخ جلال.... والله بويه كدامك الي صنعتها.... فخجلت ملاك لأنها صارت كدام الكل واكفه
الشيخ جلال / عاشت الأيادي وليدتي.. وهسه أمري شنو مرادج...
ملاك بخجل هادئ/بالعافيه عمي... سلامتك طالبه سلامتك
سميه/ لاااااا يمه هذه فرصتج ولا تضيعينها.. همهم لها الجميع بالتأكيد على كلامها.. وهي نتظر على مالك هز براسه بالموافقه على كلامهم
الشيخ جلال / ها بويه شكلتي
ملاك / تكلمت ملاك بتردد
عمي..... هو بصراحه... اريد زهره تكمل دراستها
الشيخ جلال/ هذا أمر مفروغ منه بنيتي وغيره اريد تطلبين شي يخصج
ملاك / سالم عمي هذا كل الي جنت طالبته... فسكت الجميع بصمت غريب
سلطان بفكره / بعد الغدا رادوا الشباب قهوه فالبنات رادوا حلوياتهم اولا كالعاده بكل جمعه لنا بعد ما جابوا القهوه وشربناها جانت مضبوطه وبقاعدتها بيها هيل لا ثقيله ولا خفيفه ولا محروكه حيل استطعمت بيها واستغربت من الي سواها فجأة سأل  ابوي وشفت هدى تدفع ملاك قلبي وسط الصاله كدام ابوي وكالت هي الي سوتها يا حلاة
روحها من خجلت تمنيت اضمها بقلبي ياربي شنو هالهدوء الي عندج يروحون لج فدوه العشيره وأهلها والي فاجئني اكثر أن مرادها جان تكمل اختها دراستها وبس هذا كل الي طلبته هذا لو البنات جان ما خلوا سفره ولا مشترى ولا تلفونات ولا ملابس وذهب ما طلبوا ملاك جاي تصدميني بيج يوم بعد يوم شنو الي صاير وياج ومكبرج هيج ليش عيونج طافيه يبنت عمي والأهم شنو تفسير حلمي بيج بيش جنتي تمرين وشنو الي مريتي بي رجع لوعيه على هزة جاسر لكتفه
جاسر / سلطان شبيك بيش تفكر ليش شارد صاير شي
سلطان / لا مصاير شي بس شويه تفكير بالشغل تدري الوضع شوي مو تمام هاليومين
جاسر / الله كريم لا تفكر هواي يمعود
سلطان / الله كريم
دخلت زهره مطينه هدومها من اللعب بالحديقه ويه بقيه الاولاد والبنات.. وجان شايلها قيصر بين ايديه
زهره / مااااامي.. مااااامي
ملاك /بشهكه ولج هاي شنو
زهره بضحك / جنا نلعب و وكعت
قيصر /وهو يبتسم ابتسامه مشرقه شفتها تركض بالحديقه ويه الجهال وكعت وتطينت ملابسها لاتاخذ برد غيريلها ملابسها..
زهره /وهي تبتسم 😁... شكرا لانك شلتني هاي هدية لك.. تعال شوي نصه عليها قيصر وباسته من خده وراحت ويه ملاك تغيرلها ملابسها... وضل قيصر صافن بروحه لحد ما صاحه احمد وراح كعد يمه
احمد/ وهو يشاور قيصر باذانه هاا شكلها غمزت الشبكه هااا وغمزه بعينه
قيصر / ما تطير من كدامي على هالتفكير المعوق
احمد /اني تفكيري معوق ماشي جايه الأيام ونشوف يا ابو معوق.. جدحه قيصر بطرف عينه وسكتوا
.........
ملاك وهيه تصعد الدرج بزهره سمعت صوت احد صاحها
رونق /هاي انتي وين صاعده تعالي هنا
ملاك باستغراب / صاعده فوك ابدل لزهره تريدين شي
رونق / فوك غرفه سلطان وما يقبل احد يصعد فوك غيره
ملاك بهدوء منافس لغيرة رونق /بس اني غرفتي فوك وما حجه شي بعد حبيبتي اروح اغير لزهره ملابسها قبل لا تبرد.. وعافت رونق بنارها وغضبها تتوعد لملاك.. غيرت ملاك ملابس زهرة ونزلت وهي نازله الدرج زلت رجلها ورادت توكع وهي شايله زهره وحضنتها حيل حتى لا تتأذى لكن على غفله ملاك ماحست الا على ايدين تحيط خصرها وتمسكها بقوه هي وزهره فتحت عيونها بسرعه وهي تتنفس بقوه
سلطان / على كيفج اخذي نفسج ماكو شي سلامات...
ملاك / باوعت على زهره بين ايدها وقالت زهوري بيج شي بنيتي
زهره / لا مامي مابيه
ملاك / اااااه الحمد لله وهي تغمض عيونها اخذ سلطان زهره من حضنها ونزلها
سلطان بقلق عليها / يمعوده اهدئي ما صار شي الحمدلله
ملاك /استعادة أنفاسها اي والله الحمد لله لو ما كمشتني جان رحت بيها شكرا لك وابتسمت ابتسامه اذابت قلبه المسكين
سلطان/ وهو يبتسم بوجها العفو يابه ما سوينا شي بالخدمه...... ردتله بابتسامه وترخصت منه ونزلت يم البنات وقلبها يقرأ الف دقه بالدقيقة.... وهيج مرت اللحظات وصار عليهم يومين
....................
في صباح احد الأيام بعد الفطور
سلطان راح لشغله ونادر كذلك والشيخ راح يحل بعض الأمور ويه العشيره الثانيه وجاسر اخذ مالك يسجله بالكليه والبنات كالعاده بالبيت ماخلى الجو بينهم من المرح والضحك والا عيب ومقالب زهره وكذلك شك مالك الذي لم ينتهي إلى الآن.....
جاسر /وهيج يا ابن العم خلصنا كل اوراقك تريد ترجع لو تكمل محاضراتك بما ان اليوم احد
مالك /مشكور جاسر تعبتك وياي. لا تكدر تاخذ راحتك اني راح احضر المحاضرات وارجع ان شاء الله
جاسر /وهو يمسك كتف مالك عيب هذا الحجي مردوده عليك انت ابن عمي واخوي والي تحتاجه لا خلفه عليه إذا ما ساعدتك بي زين
مالك / والنعم منك ما قصرت
جاسر / يلا اترخص اني في امان الله
مالك /مع السلامه الله وياك.. ودخل مالك محاضراته... واجه وقت الغدا واتغدوا وارتاحو وها هي العصريه تطل عليهم يجية ندى وأولادها ولعب زهره واطفال ندى وجتي زهره تركض على ملاك
زهره / مامي سوينا كيكه شوكولا
ملاك / حبيبة امها تدلل الحلوه.. وراحت هدى وملاك يسوون كيك شوكولا للأطفال
بقت ملاك تنتظر الكيك يجهز ودخل سلطان بعد ما كعد من نومته
سلطان / اوووف عليكم شنو هالريحه تفك ظهر مصلوب دخل وتفاجأ بملاك بالمطبخ....... هاي انتي دسوين الكيك
ملاك /اي الجهال رادوا كيك شوكولا وسويت لهم
سلطان/ امممم زين هدى وين
ملاك / راحت تنطي بيبي دواها اجه وقته.. محتاج شي
سلطان / لا والله بس عبالي تسويلي استكان شاي شوي راسي يوجعني يلا محاجه
ملاك /اني اسويلك الشاي لبين ما يصير الكيك
سلطان / ماريد اتعبج
ملاك / بالعكس تعبك راحه تفضل اكعد بين ماجيب الشاي توقعت ملاك يكعد بالصاله لكن لااااااااا والف لاا مستحيل يفوت سلطان متابعه ملاكه كعد بالمطبخ على ميز الطعام خدرت ملاك الشاي وتنتظره يخدر طلعت الكيكه من الفرن وكل هذا تحت عيون عاشقنا محمد وكال
محمد /عمه صارت الكيكه
ملاك / بضحكه بسيطه اي يا قلب عمه صارت يلا صيح الباقين حتى نزينها
محمد بفرح / ايييي وراح يركض يصيحهم
سلطان بنفسه / هسه هذا القرد قلبج شنو من شغله هاي
صبت ملاك الشاي لسلطان وصار يشربه بهدوء ويتلذذ بي وهو يراقب ملاك بعيون هايمه.. وجه الاطفال
وصارت ملاك تزين الكيك وياهم.. وتضحك عليهم
زهره /مامي باعي معتز وصخ وجه بالشوكولا
معتز/بضحكه بريئه 😄 اني وجهي وسخته
ملاك / ياروحي وصخت وجهك هسه نمسحه.. ومسحت وجه وباسته بخده وقالت هسه صار معتز حلو يخبل هااا
معتز بفرح وضحك / ايي حلووو معتز.. وخلصو تزيين الكيك بصوص الشوكولا وقطعت لهم ملاك الكيك وجلستهم على ميز الطعام وصارو ياكلون ويضحكون وهي تباوع عليهم وتبتسم والي مراقبها لو بيده يضمها بقلبه مايطلعها دخلت هدى وقاطعت تفكير
هدى/ يا انذال تاكلون وما تنطوني
ملاك /الكيك كدامج كطعي وتعالي قطعت هدى قطعه كيك وكعدت تأكلها وياهم..
هدى /اممممم ملاك صدك عاشت ايدج تجنن عشق والله.. تحمحم سلطان والتفتت ملاك عليه
سلطان / عاشت الأيادي على هالشاي
ملاك / صحه وعافيه أن شاء الله
سلطان /على قلبج يلا محتاجين شي
هدى و ملاك / سلامتك... وطلع سلطان للديوانية يشوف بقيه اشغالهم ويه فهد والشباب
استووووووووووووب
😁😁😁😁😁😁😁😁😁😁😁😁
أنتهى بارت اليوم
تصويت وتعليق ما يأذي يا حلوين 😍
يتبع 👈👈👈👈👈👈