ملاك الشيخ سلطان

البارت 10

........ بسم الله الرحمن الرحيم .......

والصلاة والسلام على رسول الله خاتم الأنبياء والمرسلين....
أستغفر الله العظيم واتوب اليه لي وللمؤمنين والمؤمنات والمسلمين والمسلمات الاحياء منهم والاموات ❤️
💋💋💋💋💋💋💋💋💋💋💋💋💋

عذرا منك يا سماء فأنا احتاج مطرك لاخبئ دمعي... فالألم ينهشُ عظامي.. جعلني كشجرة فاقدة لأغصاني 😓
💫💫💫💫💫💫💫💫💫💫💫💫💫💫

ندى/جااسر ولك جاسر الحكني ولك ملاك فقدت تعال شيلها لغرفه بيبي بسرعه...
اجه جاسر وشال ملاك وكلهم وراها خلاها بغرفه الجده يمها على السرير والكل حواليها وقلق عليها
سميه/يمه اليف جيبي العطر من غرفتي خل اشممها بلكت تصحى...
قالتها بقلق على تلك الصغيره المغمي عليها
اليف/اي عمه لحضه..
وراحت تركض لغرفه الشيخ جلال جابت العطر ورشوا على وجها شوي وشمموها منه
سميه/وهي تضرب على وجه ملاك بخفه... ملاك يمه اسم الله الرحمن.. ملاك.. ملاك اصحى...
وصحة ملاك بفزه
ملاك بصدمه/اني وين اااااه
وهي تمسك رأسها... وفجأه صاحت زهره.. زهره وين باوعت على هدومها كلها دم وصرخت زهره وين جيبولي زهررره وخرووا عني ونهضت من السرير تركض للخارج وهي مصدومه.....
سلطان/واني بالسياره باوعت على الساعه لكيتها بالتسعه بالليل تنهدت بلا حول ولا قوة الا بالله وفجأه دك تلفوني ها فهد شبيك..
قلقت من خابرني فهد بس لا مشكله جديده
فهد/يمعود سلطان شلونها زهره ملاك خبصتنا حالتها هستيريه وبس تصرخ تريد زهره ما دانكدر نسيطر عليها متخلي احد يكمشها..
وسمع سلطان صراخ ملاك
ملاك/بصراخ ولج بنتي هاااي بنتي تعرفين شنو بنتي ربيتها من عمر الثلاث سنوات زهررره ولكم جيبولي زهره
سلطان/حاولوا تكمشوها اني وصلت يمكم ماضلي شي وزهره الحمد لله زينه...
وقفل من فهد وهو قلبه يوجعه على حاله صغيرته وشلون من حجت صوتها كله وجع زاد السرعه وانطلق للبيت... بعد مده قصيره دخل عليهم وسمع صراخها ومن شافها تفاجأ بحالها
ملاك/الله يخليكم بس خلوني اشوفها والله بس اشوفها..
قالتها ببكاء هستيري
تركيني لا تمسكيني ...قالتها لندى التي تحاول امساكها وتهدئتها
وشافت سلطان وهو واكف كدامها.. اتجهت ملاك على سلطان وهي مصدومه.. ماتت قل لي ماتت مو ااا اخذتها مني موو مسكها سلطان من كتوفها
سلطان بقلق/ اسمعيني زهره مابيها شي الحمدلله
ملاك/بصراخ انت تكذب علي زهره ماتت بنيتي ماتت امي اخذتها... ماكملت كلامها وانهارت عالارض
امسكها سلطان بحضنه وهو خايف عليها وعيونه كلها خوف وقلق من حالها
سلطان/ ملاك ملاك وهو يرفع وجها بايده وبايد الثانيه كامشها وكعد ثنى على ركبته وهي بحضنه.. والله ما ماتت هي بخير خيطوا رأسها خمس نفذات وحطولها مغذي ونادر وابوي ومالك يمها هي بخير والله..
ملاك وعيونها صارت تصب الدموع وهي تباوع بعيونه رفعت ايدها ومسكت ايده الي ماسك وجها بيها
ملاك/ ببجي وشهيق يقطع القلب يعني ما اخذتها امي.. شهقه..زهره بعدها تتنفس امانه قول هذا صحيح؟
قالت كلماتها ببكاء جعلت الجميع يبكي لحالها
سلطان/صحيح والله صحيح باعي بعيوني كليلي بيهن جذب شي.. هزت ملاك رأسها بالنفي بعد مانظرت بعيونه وصارت تشهق وتبجي وحضنها سلطان بحضنه بكل قوته وكل هذا تحت أنظار الكل الي نقهروا على حالهاوصاروا يبجون وياها بينما هناك العقربه الي طقت بغيضها رونق وهي تشوف سلطان حاضن ملاك..
ملاك/سلطان.. سلطان.. سلطان امانه اخذني خل اشوفها
سلطان/كومي يلا خل اخذج غسلي وغيري ملابسج وحضري ملابس لزهره ويلا بين ما أخذ ملابس لأبوي.. نهضت ملاك من حضن سلطان وساعدتها شمس واليف
سميه بقلق/ ابني صحيح زهره بخير
قالتها سميه وهي تمسك يد ابنها بعدما رحلت ملاك تحضر نفسها
سلطان بتنهيده/ اي يمه الحمد لله علكولها مغذي وبطل دم بسبب الدم الي خسرته وبعد على اساس بعد ساعتين تصحى
سميه/الحمد لله يمه طمنتني اروح اطمن جدتك
سلطان/اي يمه لا يضل بفكرها...وراحت سميه تطمن الجده.... قال سلطان لهدى.. . هدى حضريلي ملابس لأبوي لان ملابسه كلها صارت دم من زهره
هدى/صار يخوي وراحت هدى تحضر ملابس لابوها كعد سلطان يم الولد بين ما تجي هدى وملاك
جاسر/والله يا خوي لوما جيت ماجان كدرنا انهديها
عباس/ الحمد لله على كل حال بويه كوم صيح امك خل نروح للبيت
احمد/صار يبوي وراح احمد يصيح اهله حتى يروحون لداره
يعقوب/الحمد لله على وعده احنا نرفع الزحمه بعد عمك وتأخر الوقت بس ردنا نتطمن عليكم.. ياسر يلا حضر اهلك
سلطان/والله بعد وكت خليكم عمي عباس عمي يعقوب شعدكم من هسه
عباس/بعد عمك الي صار موسهل يرادلكم راحه وباجر ان شاء الله نمر عليكم للصبح للمستشفى
سلطان/ان شاء الله عمي احتمال يطلعوها الصبح لو الظهر
يعقوب/لعد نتخابر منا للصبح.. همهم لهم سلطان أخذوا الأذن وراحوا كلمن على بيته
فهد/وهو طالع.. شيخ اذا احتجت اي شي احنا كلنا بالخدمه كالها وهويكمش كتف سلطان طبطب سلطان على ظهر فهد
سلطان/والنعم منك يخوي ان شاء الله خير بس انتبهوا على نفسكم وامنوا البيوت هالفتره همهم له فهد بالموافقه فهو يعرف كلشي من سلطان ما يضم عليه..
نزلت ملاك بيدها جنطه ملابس لزهره وأخذت من هدى ملابس الشيخ جلال وطلعت لكت سلطان بوجها رفعت رأسها تناظره وكال.....
...................
مالك/ جالس بجانب الشيخ جلال على الكراسي وهو يحني راسه.. سامحني عمي على إلي صار ترى مو بأيدي والله
الشيخ جلال/تصنع عدم المعرفه.. على شنو بعد عمك اسامحك
مالك/باسف لاني ما وثقت بيك من البدايه الي صار غصبا عني لاني.... وسكت
الشيخ جلال/ مسك ايد مالك وقال لأنك شنو يا بني شصاير وياكم وضامين بقلوبكم هاا احجيلي اشيل عنك الحمل وليدي ليش اشوفك متردد
مالك/لاني لاني ياعمي ردت احمي ملاك وزهره وبالأخص ملاك الي شافته من ظلم مو شويه.. تفاجأ جلال من كلام مالك جدا
الشيخ جلال/باستغراب تحميهم وملاك ليش شنو الي صار لها سحب مالك نفس وصار يحجي لعمه كل الي صار وياهم
مالك/ بالبدايه ابوي ما جانت علاقته بينا قويه يعني الي اعرفه من عمري عشر سنوات بدا كلشي وصار ابوي النهار كله بالشغل ومن يجي يكون عصبي على طول وبعيد عنا والأكثر لما ماتت امي وحمل ملاك سبب موتها صار يعاملها بقسوه إلى أن تصل بعض الأحيان إلى ضربها وهي تتحمل كلشي بسكوت بعد ما منعها ابوي من الدراسه ما نطقت ولا شكت لاحد واغلب الوقت تضم قهرها ربت زهره على ايديها من هي صغيره وحتى انها اهتمت بادق الأشياء الي تخصني حتى قبل ما انطق بشي صارت تفهمني وسكت...
الشيخ جلال/بعدم فهم وليش جبار حمل ملاك سبب موت امك هاا
مالك/ لان بيوم من الايام............ صار مالك يتذكر يوم موت امه.......
........ FLASH BACK.............
ملاك/يمه انتي موكتيلي من تطلعين أولى تاخذيني تجيبيلي فستان
هنادي/اي ملوكه خانم واني عند وعدي يلا غيري ملابسج خل نروح نجيبها وغيروا ملابسهم وطلعوا للسوق.. واشتروا فستان احمر جميل لملاك فهي تعشق اللون الأحمر
هنادي/هاا هسه تمام والحفل باجر ان شاء الله اعزمي صديقاتج بين ما نحضر الكيك تمام هيج لوبعد اميرتي
ملاك/عاشووووو ياست الحبايب الله لا يحرمني منج باست امها وهم بالشارع شافت ملاك محل يبيع شوكولا وراحت تشتري منه وهي بطريق الرجعه ما منتبهه على السيارة الي كدامها ركضت هنادي عليها
هنادي/بصراخ ملاااااك انتبهي... فجأة.. ااااااااااااااااا صرخت ملاك وهنادي صرخه وحده.. بسبب ان هنادي دفعت ملاك على الكاع وصرخت من الوكعه اما هنادي صرخت بسبب الدعمها... هرب السايق بعد ما دعم هنادي كعدت ملاك وشافت امها بالكاع كلها دم من راسها
ملاك/بصراخ ودموع يمه ماماااا ردي علي ماماااا حطت ملاك امها بحضنها وهي تشهق وتبجي
هنادي/بتعب ملاك حبيبة امها ديري بالج على نفسج زهره ومالك هم هسه مسؤوليتج ولاتنسين الي كتلج عليه لا تهملين نفسج ولاتحملين نفسج اللوم زين بنيتي وسلمت روحها لخالقها
ملاك/بصدمه يمه ليش هيج تحجين يمه امي يمه ردي علي يمه وصرخت بأعلى صوتهااا يمااااااااااااااااا
....... END FLASH BACK............
مالك/ وهو يرجع من ذكرياته وهو يحاجي عمه... هذا اللي صار مسح دموعه.. ومن ذلك اليوم ملاك صارت عندها صدمه وحادث اليوم اني متأكد رجع كل الذكريات لها
الشيخ جلال/ مصدوم متفاجا متألم لحالهم مايعرف شنو هي مشاعره بهذه اللحظه.. حضن مالك وصار يمسح على ظهره وشعره.. لا تخاف على اختك وعهد الله لعوضها عن كلشي مرت بي. وسكت بداخله ( الله يعينكم على إلى شفتو الظاهر جبار ندم وصار يطلع ندمه بيكم) لا حول ولا قوة الا بالله العلي العظيم... قاطعهم دخول سلطان وملاك........
............................
سلطان/ها خلصتي نطلع
ملاك/بتعب اي خلصت يلا.. مسكها سلطان من كتفها واخذ جنط الملابس منها وأخذها للسياره صعدوا وطلعهوا للمستشفى وسلطان كل شوي يناظر ملاك سندت ملاك رأسها لورا ومر عليها حادث امها بالكامل ودموعها تنزل بكل هدوء على خدها تحت أنظار سلطان القلقه من حالتها مد ايده مسح دموعها
سلطان/بحنان ملاك ليش تبجين ادري مو سهله بس لازم تقوين حالج لخاطرها اذكري الله أن جتي سلامات
ملاك/بدموع جنت خايفه لا تأخذها مني كلشي انعاد اليوم من اول وجديد حسيت كأني بنفس الموقف رادت تطلع روحي من شفتها بدمها اتحمل كلشي وما اشكي بس تكون هي ومالك بخير
سلطان/ وهو يفكر شنو ينعاد كلشي بشنو مرت اشافت صار وياها هيج خلاها تصير... قوي روحج وصلنا وراح ندخل هسه مالك وزهره بحاجتج كوني نفس الشخص الي جه الظهر صاحني على الغدا هسه هم يستندون عليج.. همهمت ملاك لسلطان ومسحت دموعها ونزلت من السياره واتجهوا لمكان زهره.. دخلوا سلطان وملاك على الشيخ جلال ومالك
سلطان/السلام عليكم
الشيخ جلال/وعليكم السلام ورحمة الله وبركاته.. كأم وحضن ملاك... لا تخافين بعد ساعه تفيق ان شاء الله ونرجع للبيت ومسح على رأسها واتجه لسلطان..
اخذ جلال الملابس من سلطان وراح يبدل
سلطان/بداخله شني السالفه شبي ابوي اشو مو على عوايده.. مالك حضن ملاك الي نزلت دموعها بسكوت وهي تمسح ظهر مالك
ملاك/اني بخير لا تخاف هسه شوفلي اخد اريد ادخل على زهر اغيرلها ملابسها تدري بيها تخاف من الدم هز مالك راسه وابتعد عنها
مالك/متأكده انتي زينه ابتسمت بوجه مالك ابتسامه خافته
ملاك/والله زينه هسه يلا شوفلي احد يدخلني عليها وغسل وجهك انت رجال ما لازم تبجي يا سندي ابتسم بوجها مالك ومسح على رأسها هو يعلم انها تكابر على المها وراح يصيح احد يدخلها على زهره.. اجه الشيخ جلال بعد ما غير ملابسه وكعد بصف ملاك بقى يناظرها بنظرات غامضه
الشيخ جلال/ ملاك بنيتي انتي زينه ابتسمت ملاك على عمها ثم أجابت
ملاك/وإن ما كنت زينه يا عمي وجب اكون زينه هسه.. ابتسم جلال ووضع يده على رأسها بحب يقبل جبهتها لتضع هي رأسها على كتفه..
استوووووووووووب 😍
فستان ملاك الي اشترته لها امها قبل الحادثه

اتمنى تسمعون بالقراءة 😘
تصويت وتعليق يا حبايب قلبي ❤️
سلام للبارت القادم 🙋‍♀️