"ابتسم لقدرك "

البارت الثاني

_البارت الثاني_

غرام بصراخ : اههه
وقفت العربيه علي اخر لحظه ونزل منها القبطان بسرعه وهو بيقولها : انتي كوايسه حصلك حاجه

غرام وهيا بتشيل أيدها من علي وشها وبتبصلو: حد يسوق كدا ياأخي دانت كنت هتفلقني نصين

نظر لها القبطان بضيق : اعملك اي انتي اللي بتعدي من غير ماتبصي حواليكي

نظره له غرام بعصبية: أنا اللي كنت بعدي من غير ماابص حواليه ولا حضرتك اللي طير ولا كانك في العالم لوحدك مش عامل حساب انك ممكن تاذي حد

القبطان: الهم ماطولك ياروح انتي مش دلوقت كوايسه تقدري تمشي ونفضها سيره

نظرت غرام للاكل اللي اتكب كله في الأرض بضيق وعصبيه : نفضها سيرة صح والأكل اللي حضرتك كبيتو كله في الأرض دا اعمل فيه أنا اي دلوقت

القبطان بلامبالاه : والله مش أنا اللي قولتلك سيبي يتكب في الأرض كدا

غرام بضيق : والله طيب ايه رايك بقا مش هتمشي من هنا غير لما تجيبلي غيره هه

القبطان بستهزاء: يلا يا شطرا من هنا خليني امشي .
وكان رايح يركب العربيه

غرام بغيظ وهيا بتوقفه: لا دانت شكلك متعرفنيش بقا

القبطان وهو بيرجعلها : هتعملي اي يعني لما اعرفك

غرام : سهله خالص هصوت والم عليك لا إله إلا الله وقولهم انك عايز تخطفني وتغتصبني وتقتلني وخليك تبيت اليلاتي في سجن خمس نجوم

القبطان بصدمه منها :والله

غرام : اه والله تحب تشوف
وجت غرام تصرخ راح حط القبطان أيده علي بوقها وهو بيقولها : اسكتي الله يحرقك هتفضحينا

شالت غرام أيده من علي بوقها وهيا بتقول :ها قولت اي

القبطان بضيق : اتزفتي امشي قدامي مش عارف جيتي من انهي بالوه ياشيخه

غرام وهيا بتحط صبعها قدام عينه : تكلم بااسلوب احسن من كدا لو سمحت عشان ميحصلش حاجه متعجبكش

القبطان وهو كاتم عصبيته وبيشور علي الطريق : اتفضلي يا هانم قدامي

غرام وهيا بتمشي بتناكه :ايوا كدا
ومشيو مع بعض

____________________
آسيا...
كانت نائمه علي سرير وهيا حاضنة صور لطفل صغير كان يبتسم إلي صوره بكل حب
اسيا وهيا ضمه صوره وبتبكي بشده : وحشتني .وحشتني اوي ونفسي اشوفك نفسي العب معاك زاي زمان ونقعد مع بعض ونمشي مع بعض .. انت اللي كنت ديما واقف جمبي وبتحميني من اي حد .هما دلوقت عايزني اتجوز عزيز ..عزيز اللي كان بيقرب عليا لو بسنتي واحد كنت تضربه و تحميني منه فينك دلوقتي تيجي تحميني تاني منه. هما ديما بيقولو انك اكيد عشت حياتك ومبسوط بس انا واثقه اني وحشاك زاي مانت وحشني يا علي ..
_____________
نزل مروان من العربيه وداخل الفيله فتح الباب و دخل
وهو داخل شاف والدته قعده لوحدها في الصالون وبتعيط
راحلها مروان وهو بيقولها بستغراب : ماما مالك قعده كدا لي هو بابا عمل حاجه تاني