لو العُمر ينعاد بـ اختارك أكيد

فلاش باك

1
_

الساعة 12:30 منتصف الليل | 2022م
دخل غرفة الفندق وقفل الباب
ياسر نزّل بشته على السرير و ناظرها بإعجاب : اخيراً صرتِ حلالي
هي ابتسمت بخجل ونزلت راسها
ياسر ابتسم وتنهد : ما تتخيلين وش كثر حلمت بهاليوم و وش كثر تخيلت شكلك بالفستان الأبيض
هي ابتسمت : الحمدلله إني ما لبسته لغيرك
ياسر عض شفايفه بحب : الحمدلله الله كتبك لي
__
"قبل 3 سنوات" | يوم الاربعاء 2019م
شقة غيث - الساعة 11:00 الليل
طلعت من الغرفة وابتسمت بتنهيدة : نامت واخيراً
غيث بدون مايناظرها ابتسم : كويس
جلست جنبه وتناظر الايباد اللي بحضنه ويشتغل فيه
غيث حس بنظراتها ورفع عيونه لها ولف بهدوء وقام
ناظرته : وين؟
غيث ناظرها بنرفزه : هديل مايصير كل ما اتحرك تسأليني وين !بروح اكمل شغلي بالمجلس روحي نامي انتي وارتاحي
هديل عقدت حواجبها ونزلت راسها بضيق وهمست : طيب
غيث سكت واخذ جواله وراح للمجلس وجلس بوسط الكنب وغمض عيونه وبتنهيده حط يده على وجهه وهو يتذكر اول موقف معاها
__
"قبل 5 سنوات" | 2013م
دخلت الطيارة مستعجله وبيدها كوب القهوة وبيدها الثانية ماسكه شنطتها الصغيرة والكبيرة وجوالها وسماعتها السلك
وصلت عند مقعدها وتناظر الرقم والحرف وعقدت حواجبها لما شافت شخص جالس بمكانها
هو ناظرها ببرود ولف
غادة اخذت نفس : لو سمحت هذا مكاني ممكن ترجع مكانك؟
ناظرها بهدوء : تأخرتي!
غادة ضحكت بنرفزه : ويعني اذا تأخرت مكاني اللي حجزته يروح علي؟
هو لف بملل واخذ نفس وناظرها : هذا مكان فاضي اجلسي فيه
غادة : ابغى اجلس بمكاني اللي حجزته كلامي واضح!
المضيفة جت عندهم وتناظرهم باستغراب ولفت له : فيه مشكله أستاذ غيث؟
غادة ناظرتها ولفت له باستغراب
غيث قام بنرفزه وأشر على غادة من فوق لتحت : المشكله هنا
غادة عقدت حواجبها بقهر وماردت
غيث لف و وقف وراها واشر على المكان اللي كان جنب الشباك وبسخرية : تفضلي
غادة ماردت وحطت كوب قهوتها واغراضها الصغيرة على الكرسي ورفعت راسها وتحاول تفتح الدرج اللي فوق عشان تحط شنطتها الكبيرة
غيث يناظرها ببرود وساكت
غادة اخذت نفس بصعوبة وهي تحاول تفتح الدرج وفتحته بمساعدة المضيفة
غيث كتف يدينه ويناظرها ببرود
غادة حطت شنطتها وتنهدت ودخلت وجلست بمكانها
غيث جلس جنبها و ربط حزامه ولف وهو متنرفز
غادة ركبت سماعاتها بأذنها وتتكلم : انا الحين ركبت الطيارة ساعتين واكون بالرياض ، ونزلت جوالها وقفلته بعد ما ارسلت الرسالة صوتية ولفت له وتناظره بفضول
غيث كان لاف وجهه عكس جهتها ومكتف يدينه وساكت
بعد ما أقلعت الطيارة..
غادة ابتسمت ورفعت الشباك وتتأمل الغيم
غيث عقد حواجبه من نور الشمس ولف لها وعيونه صارت تتأملها غصب
__