بهاي الفتره امتحانات البنات وجنت ملتهيه مفارغه ف رضاوي تركني ع راحتي ...خلصو البنات خابرنا كال شنو رايكم نتغده بمكان انتو اختارو صدك اختارو البنات مكان كعدو تغدو بعدين مرتضى اخذهن للالعاب ....صعدن هنا كعدنا نسولف ف كلي .. سما تذكرين علي صديقي الي مره اجه وياي من طلعنا كتله اي كلي اني راح اخطب أخته بنيه بنت ناس واخت صديقي بعد واعرفه وعائله محترمه ومعروفه .. كتله الله يسعدكم ويفرحك يهنيك خوش خطوه كلي لعد اني جنت منتضر اخذ رايج ....مرتضى حيل يحترمني وينضرلي ك اخت جبيره مو أصغر منه وناضجه يشاركني قرارته دائما ..فرحتله وادور سعادته كتله الله يتمم عليكم كال ها هي راح نحدد يوم للعقد كتله تمام ... خابرني رضاوي الخميس كلي باجر تفقنا كتله تمام كلي حظرن روحجن اجي اخذجن تشترن ملابس وغراض البنات فرحن هواي ورحنا شترينا اخذت فستان مستور طويل ورهف فستان قصير يخبل وهي أميرتي صغيره طلعت اميره من صدك....رفوله اخذت تنور قصيره وبلوزه ربع ....كملنا كولشي ورجعنا ومنتضرين الجمعه على نار ...وشلون راح يكون شكل خطيبه رضاوي ...أن شاء الله حلوه مثله ...ف اجه يوم جمعه خابر رضاوي ساعه ب10 صبح كال جاهزين كتله اي بس كال شنو كتله اريداروح لصالون كلي تددللين هسه اني حدز علي لان اني يم الحلاق علي يجي ياخذجن للصالون .... كتله ماشي ... اجه علي ..صعدنا اني خجلانه منا كال شلونكم بنات رهف كلتله زيييينه اني هو ضحك كلها أن شاء الله زييييييينه انتي وجان مشغل أغنية ... (قولي احبك كي تزيد وسامتي) بس اني بالي مو يمه جان المهم... وصلنا صالون نزلنا اني والبنات مجنت اعرف نفس صالون أخته الي هي خطيبه مرتضى دخلت صالون داسوي شعري شفت بنيه بصفي كلتلي عروس انتي كتلها لا خطوبه اخوي 😬هي كالت شسمج انتي كتلها سما هي ابتسمت كالت شنو هذا جمال سماوي اني ابتسمت كتلها شكرا من ذوقج هي ضحكت كالت وعروسه اخوج وين لعد كتلها والله اني ما اعرفها ولا متواصله وياها بس هسه حنروح الهم هي اخذت ايدي كالت شكلي حلو؟ راح يعجب خطيبي رضاوي كتلها خطيبج رضاوي كالت اخوج وضحكت 😂😂😂اني مثل ثوله صرت كالت اني نور عروستكم كتلها هلاو هههههه من صدمه بس صدك جانت بريئه ومرحه ورزنه بنفس الوقت كالت اكيد علي جابكم كتلها أي هي ابتسمت ....كالت اسولفلج شلون حبيت رضاوي كالت اني جنت اجي من الكليه والكا بيتنا اني ادخل هو يطلع صار هذا شي اكثر من مره هو ولد حباب وابن ناس وثكيل ...ورزن ف هو حبني بس ما بينلي ابد الا لما طلبني من اهلي ... وحجه لاهلي ضروفه واهلي يعرفو من زمان والاهم صديق علاوي روح بروح علي ما اعترض بس أبوي حجه ويا وكلي بقت موافقتج واني حبيته ف وافقت😬😬واني تخرجت السنه هندسه حاسبات اني باركت الها والله يتمم الهم ع الخير وعرفتها عليه وع البنات بقت رهوفه يمها واكفه كل ساعه تلزم شعرها لان طويل لركبتها تسوي الله مثل شعر لعابتي ويشاقن يضحكن اني سويت تسريحه بسيطه ومكياج وسط مو صارخ نور خابرت علي كلتله كملنا .... اجه علي اخذنا صعدنا صعدت نور بصدر واحنا وره اني بسبب رهف ام السان تحب كعده جام كعدت بنص ...هو أول ما صعدنا ..مشغل أغنية مريام فارس احبك حيل واشتاقلك وعشك الليل يندهلك كل يوم غرامي يزيد غيرك أنا ماريد لابعدك حب لا قبلك انت بالروح حب الروح
شاف نور كلها شنو هذا جمال يابه طالعه ملكه 😂😂 هي ضحكت كلتله ايييي ملكه ملكه. بارك الها كلتله يوم الك ونحنحت هو باوع بجااامه بعدين نور شغلت اغنيه هم عريس هم نشمي بقو يطكون اصبع لحدما. وصلنا لبيتهم مبين ناس مثقفين وراقين....علي خريج هندسة مدني واهله أبو معاون طبيب وامه مديره مدرسه عرفت هذا الشي من نور ...نزلنا لكينا كرايبهم كلهم موجودين وبنات خالتها يخبلن. حبابات مثلها وبنات عمها بس ناس راقيين ... دخلت نور عرفت امها علينا ... ولان يعرفون امي متوفيه يعرفون رضاوي ف جانو ناس متفهمين ماعدهم عيب يجون اهله قبل المشيه ومدري شنو ...سلمت علينا جانت تدخل الكلب بسرعه فدوه لهل ام وذكرت امي واصلا ما نسيتها حتى اذكرها دمعت عيني دخلنا البنات
بلشو يركصون نور هم ركصت وفرحانه وره شويه كالو اجتي المشيه دخلو زلم بالحديقه جان شباك صاله يعكس ع خارج ف شفت رضاوي طالع يخبل حبيبي شفت عمامي. خوالي أبوي جاي بس متنك لان ميحجي ويه روضي اجه جفيان شر عمامي وخوالي بس فواتح واعراس نشوفهم وخوالي بصره اصلا اخر مره شفتهم بوفاه امي ...المهم شفت علي لابس قاط هو مرتب وحليو رجعت ندمجت ويه البنات اجتي نور اخذتني اركص كتلها لا ماكدر رادت تأخذ رهف ورفل هم باوعو عليه كالو نروح هزيت راسي لان اني علمت اخواتي وربيتهم ع أمور هواي ف همه عرفو الأصول شنو مفتخره بهذا شي ف راحو يركصون ... وره شويه كالو خلي تجي العروس حتى نعقد راحت نور وعقدو وهلاهل 💔💔💔أعرف لحيت هواي بس والله مكان امي خالي وخاصه ابنها الجبير فرحتها اليوم خطوبته بعدين رحنا احنا بالاستقبال يم العرسان رحت سلمت ع رضاوي باركتله. نور. هم وكفت يم رضاوي شفته هم دمعه بعينه اعرفه بدون ميحجي اجتي رهوفه باركتله كلتله طالع حلو انت ومرتك اللعابه رضاوي شعرها حلو هو ضحك كلها اش 😂رهوفه عليها جفصات رفل سلمت باركت همين ..اجتي امها باركت الهم باوعلي رضاوي ولزم ايدي كلي عليج الله مكانها خالي مو ونزلت دمعته مسحها
Oops! This image does not follow our content guidelines. To continue publishing, please remove it or upload a different image.
نور كلتله حبيبي الله يرحمها اكيد هسه هي فرحانه الك ...هز رأسه هو اخوي واعرفه حتى اختنك بعدين اجه علي سلم عليهم وركصت ويا نور هو بين لحظه وثانيه يباوعلي آخر شي طلع هو ورضاوي بقو البنات يحتفلون بعدين رضاوي دز خبر لازم نروح سلمت ع أم نور وعليها وطلعنا اخذنا رضاوي وجان احلى يوم عايشه من خلال شغله اشتره سياره خاصة بي هو من رجعنا فاجانا كتله مغيرين سياره كال لا سيارتي شتريتها فرحتله اكثر يستاهل والله اخويه❤️ كال خلي اوكف يم مطعم اخذ عشه الكم رهف كلتله لاننزل كلها لج ام السان شلون تفلتتين تسوين شعرها حلو مو عيب ونوب هسه تردين تنزلين وأخواتج لبسهم ومكياج تره اموتج😂😂هي باوعت علينا باوعت ع روحها كالت يا صدك هاي شلابسين😂😂 مرات احسها تنثول ثول تام....
