لم أعد كما كنت

بارت الخامس

طلعو أبوي ثاني يوم متغير مو مثل قبل .... كعد صاح الي ولرضاوي كال سامحوني صيحت عليكم ورفعت ايدي عليكم بسنا ايدنا كناله لتحجي هيج يابه...ياربي 💔💔دا اخسر  اهلي واحد واحد مرت الأيام أبوي ع وضعه.. وتقاعد من الدوام... .وأكثر وقته لو بيت لو الباب .. فد يوم رهف ضايجه كالت خلي رضاوي يطلعنا كتلها لا أبوي تعبان وين نطلع كال لا طلعو غيرو جو صار هواي مطالعات أحلام كالت اي روح ..من تمرض أبوي هي صارت زينه رهف خابرت مرتضى ثاني يوم اخذنا كال نور حتروح ويانا اخر فتره علاقتهم متوتره لان مرتضى ملتهي شغل يجي ع أبوي وجكاير ..  بس هي وكفت ويا معافته صعدت سلمت سلامها ثكيل  بقت هي ورهف تحجي شويه تشاقت نفكت الضوجه..كاعدين دنتغده بالمطعم ...اجه اتصال لمرتضى بقه يسوي  شلوووونن وين هسه انتو وسد جهاز
...كال لنور خابري علي يجي ياخذج انتي ورهف واني ورفل وسما نروح بشغله رهف كالت وياكم كلها لا شويه ونجي ابقي ويه نور
اني امشي واكوله احجي شبيك هو بس يسوي امشي صعدنا بسياره ومرتضى يسوووق بسرعه لك شبيك كال أبوي  بالمستشفى  متخربط خابرت احلام اني كلي هيج  حيلي نهد عرفت اكو شئ صاير ....
نزلت كوه امشي
رفل لزمتني مشيت وصلنا لكينا أحلام تبجي بالباب مال غرفه كالت مادري جان كاعد فجاه لكيته متخربط وركض جبته لهنا  ....طلع الدكتور كال أبوكم انطاكم عمره💔💔💔
اني افترت بيه الدنيا ما حسيت بشي بعد كعدت اني بغرفه المستشفى ويمي نور كتلها اني وين ودموعي وحالتي تبجي نور تبجي كالت بس اهدئي سما وافهمج كتلها أبوي مات كوه احجي كتلها وخري عوفيني وخرت المغذي كمت فقدت هي لزمتني كمت اصيح عليها طلعت مثل المخبله وصلت لباب المستشفى لكيت علي واكف كتله وين ابووووووووي هو التفت شافني كام يصيح لججججج  شسوين هنا شلون هيج طالعه بلا حجاب جنت ودشداشه البيت صاح ع نور اني مو عفتج يمهاااااا نور كالت والله ماكدرت الها اني هنا فقدت بعد مالي حيل وكعت اجي علي يمي صاح الممرضين ع سديه ....كعدت لكيت رفل تبجي كالت سما اهدئي بس خلي يكمل بطل الدم ونطلع ....باوعت الها بعدين نمت مادري بدنيا
صارت ساعه ب5 العصر كعدت كتلها طلعوني يلا ...دكتور كال الها بابا انتي فقر دم حاد وحالتج تعبانه وين طلعين كتله طلعني ..مرتضى جان بكربلاء جناز علي يم اهلي يسوي بسواالف الفاتحه ...اجه عمي هسه شرف طلعني وصلت البيت شفت ناس والجادر منصوب 💔💔💔ممصدكه اني بلا وعي اصلا جنت مو بوعيي ..دخلت البيت لكيت نسوان خوالي ونسوان عمامي عزني كلت لرفل وين رهف كالت بغرفتها فقدت همين وانطيتها مهدء ونامت كتلها حروح يمهة ولحد يجي يمي ماريد احد يجي رفل صارت اقوى مني بقت يم النسوان ...رحت يم رهف حضنتها بقيت ابجي ..الدنيا انتهت بالنسبه الي وكلب ماعندي بعد بقيت ب3 أيام لغرفتخي ماطلع ولا اريد اشوف بشر ....صارت بيه حاله نفسيه انتهت الفاتحه راحو الناس البيت فرغ أحلام راحت لاهلها مرتضى انتقل رجع يمنا ...بقه يمنا اني جنت اكثر وقتي وحدي بالحديقه ...طلعت نتائج رفل طلعت معدل 96 اجتي فرحانه تبشرني اني كتله مبروك حبيبتي ...ماخس بفرح بعد ..كل همي يخلص اليوم ع خير ..مرتضى أجل عرسه ع سنه تجي علما تكمل سنه أبوي جانت بين فتره وفتره تجي نور يمي ...
مرتضى كلي سما ميعجبني وضعج لازم نراجع دكتور ...كتله ميحتاج ما بيه كال لخاطري اذا تعزيني من بعد ملحه رحنا للدكتور كال الصدمات ماثره عليها لازم تتعاالج بجلسات
اني سكتت رجعنا كتله مرتضى هسه اني مخبله بنضرك كلي لا حبيبتي مو مخبله بس حالتج نفسيه تعبانه ولازم تتعالجين لج ميهون عليه اعوف اختي صديقتي وحبيبتي تذبل تروح من ايدي كتله عوفني عيشتي ع شنو باقيه اني بعد كال لاسماوي لا انتي مو بس اختي انتي امي اني مو اشاركج كولشي واخذ قوتي منج لتعوفيني ولا تنكسرين كتله هو اني انكسرت شبقه بيه ..بس علمودك راح اروح لدكتور ..
بديت جلساتي  اني ما تخطيت كلش بس تحسنت شويه ...اجه أربعين أبوي   رحنا لكربلاء رحت اول شي ع امي بقيت نص ساعه يمها صافنه وابجي حتى الكلام خلص بعدين رحت لابوي بجيت يمه وأخواتي💔💔💔ياربي صعب هااالامتحان صعب رجعنا ومليانين حزن 4 وبعدنا صغار نكسرنا هيج كسره ...الحمدلله لا اعتراض ع حكم الله