هيا انقهرتت ماكانت متوقعه ذا الي بيصير!!! هي كانت تبي ناصر لها
ابو زايد: يبه احترم رايك بس لازم البنت ناخذ رايها
الجد: اذا تحترمني وتحترم وايي زوج بنتك حتى لو ماوافقت
ابو زايد: وش طاري الزواج ذا يايبه ليه طيب
الجد: شفت شي عليهم ولا لكم دخل فيه المهم لازم يتزوجون
ابو خالد: يا ابوي عيالنا نعرفهم وش شايف عليهم
الجد: شايفهم يتغزلون ورا الشاليه
محمد ثار دمه وانقهر وقام لرسيل برا
مسكها مع شعرها
محمد: سودتي وجهنا والله ماعرف ابوي يربيك يالكلبه
رسيل تبكي: فكني محمد والله مو مثل الي انت تفكر فيه والله مو كذا
وتعالت الاصوات وطلعو كلهم يشوفون الهوشه
زايد ركض ووخر محمد
زايد: ماتضرب اختي انت فاهمم استح على وجهك
محمد: يا اخوي ذي سودت وجهنا
زايد: تخسي وتعقب ماسودت وجهنا ولاشي فارق
ابو زايد رفع صوته امشو بيوتنا امشو وانت يا ابوي الله يحيك ببيتنا
الجد: والله ما اطب بيتك انت وابو خالد الا اذا تزوجو ناصر ورسيل بروح لبيت ابو هيا
وكل واحد راح بيته
________
(بيت ابو هيا)
الجد: هيا يابنيتي تعالي علميني شصار
هيا: سمعت رسيل تتغزل بناصر وناصر بعد ضمها ياجدي قدام عيني
الجد: اهه يالتربيه الضايعه
ابو هيا: هيا اسكتي وروحي فوق
ام هيا: الجوال يدق ويبونك
الجد: عطيني
ابو خالد: الو يا ابوي
الجد: ماني ب ابوك لين يتزوجون
ابو خالد: تبشر يا ابوي تشاورنا انا وابو زايد ووافقنا على الزواج والملكه بعد بكره
الجد فرحان: اي والنعم ذولي عيالي
