وخرت عن حضنه وقالت ابي اروح بيت اهلي بقعد عندهم اسبوع
ناصر: لا وش اسبوع صاحيه انتي؟
رسيل تبكي : ياخي ابي اهلي ما ابي اقعد عندك
ناصر: ابشري بس مو اسبوع بس ثلاث ايام
رسيل: الي هو بس بروح اتجهز وودني
وراحت تلبس عبايتها ونزلت
ناصر: يلا امشي
ومشو وركبو السياره ووصلو بيت ابو زايد
ناصر: قربي بقولك شي
رسيل قربت منه وقالت : وشو
ناصر: بشتاق لك لا تقطعين عني وانا اسف
رسيل وخرت عنه ونزلت
______
بيت ابو زايد
ام زايد : هلا والله ببنيتييي
رسيل: هلا فيك يمه
محمد: اوف اوف اختي عندنا
زايد : وانا اشوف البيت منور
رسيل: وين ابوي ههههههههه
ابو زايد: جاي هلا ببنيتي
رسيل: هلا كيفك يبه
ابو زايد: بخير دامك بخير
وراحت رسيل لغرفتها
ودقت على اريج
اريج : هلا رسيل
رسيل: بطلع المول تجين معي ابي اشتري ملابس جديده ماشريت ذاك اليوم للعرس
اريج: اوف تمام بقول لناصر يودينا
رسيل : لا بنروح مع اخوي
اريج: لا تكفين استحي بنروح مع السواق
رسيل: تمام اجل بدق على سواق يجينا
اريج : تمام
ناصر: تكلمين مين يا اريج
اريج: اكلم زوجتك
ناصر: ووش تبي
اريج: بنطلع للمول
ناصر: طيب بوديكم انا
اريج : لا بنروح مع السواق
ناصر: موب على كيفكم امشي السياره خلنا نمرها
ناصر راح يدق على رسيل
ناصر : الو
رسيل: هلا وش
ناصر: ليه ماتستاذنين مني موب رجال انا ولا وش؟
رسيل : الا رجال بس بروح مع اختك وقلت اكيد بيدري
ناصر: تجهزو بمرك
رسيل: لا بدق على السواق
ناصر: لا بجيك
رسيل: اجل خلاص مبي اروح
ناصر: وليه؟
رسيل: مبي اروح معك
ناصر: يلا تراني بالطريق جايك
وسكر الخط
وصلو بيت رسيل ودق ناصر
وردت رسيل: نعم
ناصر: يلا انزلي
رسيل: قلت لك مبي اروح
ناصر: ترا بنزل ادق الباب
رسيل: لا خلاص بجي اف
__________
بالسياره ركبو اريج ورسيل ورا وناصر لحاله قدام
ناصر: خير سواق انا؟
اريج: زوجتك تبيني ماتبيك ههههههههه
ناصر: اقول ترا بالرجعه بتركبين يارسيل قدام
رسيل سكتت وماردت
ووصلو المول
ونزلت تشتري بجايم وملابس مع اريج عشان اذواقهم نفس بعض
وناصر معهم طول الوقت
ناصر : خلاص انتم زودتوها لنا ساعتين بالمول انا بروح الحمام خلوكم هنا ومع بعض فاهمين؟
اريج: طيب
ورسيل تجاهلته لانها زعلانه منه
وناصر راح للحمام
اريج: رسيل بروح للمول ذا قريب وبجي خليك هنا
رسيل: لا بروح معك
اريج: ياخي تكفين خليك هنا بشتري شي واجي بسرعه
رسيل: طيب انا بروح اشتري دونات
اريج: طيب
راحت رسيل واشترت دونات وجلست تنتضر اريج
بس جاها شله شباب يتكلمون معها
الولد: ياحلوووه عطينا وجه
رسيل خافت وقامت ولا ردت عليه وقعدت تمشي
ولحقها وقال: ليتني دونات ممكن الرقم
رسيل مشت بسرعه ومتجاهلته
الولد انقهر ومسك رسيل
ورسيل بدت تصارخ وسمعها ناصر وجاء ركض
ومسك الولد وضربه بوجهه ضربه وضربتين وثلاثه لين طاح بالارض
ناصر بعصبيه وخوف : رسيل سوا لك شي!!!
رسيل وهي تبكي وركضت تضم ناصر
ناصر : ردي علي سوا لك شي؟؟؟
رسيل وهي تبكي: لا بس لحقني انا خايفه تكفى ناصر لا تخليني
ناصر بعصبيه: ارييج وينها ليه خلتك لحالك وليه رحتو لحالكم ما قلت لكم خلوكم مع بعض!!
رسيل تشاهق : اريج راحت تشتري شي وانا رحت اخذ دونات وانتضرها وجوني اخخخ
ناصر راح ل اريج وقال: قلت لكم خلوكم مع بعض
اريج خافت يوم شافت رسيل تبكي وقالت : رسسيل شفيك
رسيل وهي حاضنه ناصر: ماصار شي بس لحقوني شباب وجاء ناصر وضرب الولد واخذوه الامن
اريج: تكفين انا اسفه
رسيل: لا عادي ماسويتي شي
ناصر وخر عن رسيل وقال: بترجعين معي البيت
رسيل وهي تبكي وحست ب امان وقالت : طيب بس لا تخليني لحالي مره ثانيه انا خايفه اههه يارب
