بعد ماراح ياسر وسامي للمكتب
ياسر:اهاه قلي امسيو سامي منين تعرف هاديك ؟
سامي:درك نحكيلك وحكالو كلشي _ملي شاف الباب تع غرفة المراقبة محلولة حتى ملي خرج ياسر وشافهم_وهو يحكي وشابع ضحك وياسر النار شاعلة في عينيه
ياسر:مضحكش
سامي:وخويا هادي الطفلة مهبولة صح ومنفوق عندها زييييييييييين واش نقلك
ياسر:نقلك انا
سامي بضحك:قول
ياسر:ياتهضر على واش جيت يا طير من وجي
سامي:اوكي اوكي جيتك على وحد لافار علابالك بلي الشركة تاعي ولات عندها مكانة كبيرة في سوق وكامل يحوسو يخدمو معاها خاصة شركات عرض الأزياء وانا معجبتني حتى وحدة فيهم على خاطر يخدمو وطني وانا حايب عالمي وكاينة شركة شافي عليك تعاملت معاها من لقبل بصح مش ساهل تتقابل بيهم وطيرلك معاهم وانت تعرفهم مالا عاوني وحكملي موعد معاهم
ياسر:اوكي ،مبعد هضر معاهم ونعيطلك ودركا امشي تروح عندي خدمة
سامي:باااااااااااي وتهلالنا في زين المهبول
ياسر بصوت عالي:قووووووووووووووووووووووووود
هرب سامي يجري وياسر يضحك على صاحبو المهبول لي عمرو لايتبدل.
بعد ماخرجت ليليان من عند نزار هزت روحها وراحت وصلت للدار لقات أفنان لتماك وقعدت كل وحدة تحكي لختها على واش صرالهم ولي تضحك ولي تتحلف حتى سمعو الدقان في الباب
أفنان:انا نشوف شكون_راحت فتحت الباب _
أفنان وهي تقفز عليها:نهاااااااااااااااااااااااااااااااااااد صاحبتي عمري حياتي توحشتاااااااااااااااااااااااااااااك
نهاد بضحكة:بلعقل برك اكي رايحة تطيحيني المهبولة
زادت جات ليليان تجري وتقفز عليهم ويطيحو كامل في اللرض
نهاد:ايييييييييي راسي
أفنان:اييييييييييييي رجلي
ليليان:اييييييييييييي يدي
كامل مع بعض:اييييييييييييييييييييييييييي قلبي وتفلقو بالضحك وقعدوا يتمهبلو مع بعضاهم ويضحكو هالي تشطح وهلي تغني وهلي تقفز وهكذا فض اليوم تع الأبطال تاعنا.
صباح جديد وأحداث جديدة وبالضبط عند المهابل تاعنا ناضو على صوت الطيليفون تع أفنان
أفنان بنعاس:الو
السكريثيرة رهام:الو معانا مادموزال أفنان
أفنان:ايوه شكون معاي
رهام:معاك شركة ثانبرلاند لهندسة الديكور
أفنان وهي تقاد في القعدة تاعها وتحل في عينيها:متقوليليش تم القبول
أنت تقرأ
عشق بنكهة الجنون
Mystery / Thrillerفتاة قد نالت من الماضي ماهو كافي لتدريسها الحياة على أصولها وتشجيعها وخلق روح قوية فيها تقف في وجه كل من تحداها ،حقها لن يضيع أبدا شامخة لاأحد يلعب معها ومع كل هذا لها شهادة الجنون الرسمي فلا أحد يسبقها في الجنون والمشاكل والمصائب فهي رئيستهم وأخيرا...
