هناك أشخاص في البداية يذهلونك باختلافهم،بتميزهم،ثم تندم بقية عمرك لأنك عرفتهم.....
كان سامي يستمع إلى ماتقوله صاحبة الشعر الأسود ويخطف نظرات بين الحين والآخر إليها كأنه يجعل لعقله شيئا يفكر فيه عدا العمل
نهاد:تقدر تحط شروط ايلا حايب
سامي:عندي شرط وحد
نهاد:ولي هوا
سامي بلا وعي:تتزوجيني
نهاد:اننننعم
سامي:اه قصدي لي يعرضو الأزياء مايكونوش مزوجين على خاطر في شركات خلاف تعاملنا مع ناس مزوجين وصرات فوضى كبيرة يعني بسبب الغيرة ونجمت عنها مشاكل عائلية خصوصية وفي العمل الثاني والناس كبرو المشكل واطرينا ندفعوا تعويضات يعني باش ماتحصلوش ومانحصلوش في المشاكل
نهاد:وي صح مليح كي ولهتيني لهاد النقطة شكرا
سامي:لاشكر على واجب وفي الأخير حنى ولينا شركاء يعني لازم نولهو بعضانا ونوقفوا مع بعضانا ولا كيفاش
نهاد:بالطبع معلوم هاد الشي يعني بقالنا غير التوقيع
سامي: وي
وقعت نهاد العقد وزاد وقع سامي
نهاد وهي تمدلو يدها:ألف مبروك علينا مسيو سامي وتشرفت بمعرفتك
سامي:يبارك فيك مادموزال نهاد ليا الشرف ومدام كملنا انا نروح نتلاقاو مرا خلاف
نهاد:اوكي السلام
سامي:وعليكم السلام وراح وهو شبعان فرحة هل ياترى هاد الفرحة لأنو قدر يوقع هاد العقد ولا لأنو التقى بهاد الفتاة ؟
عند أفنان بعد مناداها ياسر راحت عندو وهي تراجع في حساباتها في الطريق ايلا غلطت معاه في شي حاجة ومبعد تولهت بلي لقائهم اصلا غلطة من أولو
وصلات للمكتب تاعو ودقت الباب
ياسر:تفضل
أفنان:طلبتيني مسيو ياسر
ياسر :ااه تفضلي
أفنان وهي تقعد:سحقيتيني في كاش حاجة
ياسر بسخرية:لالا عيطتلك نقعدوا نشغلو ونتقهواو روحي جيبي قهوة
أفنان:اوكي كيفاش تحبها
ياسر:أفنااااااان
أفنان بخوف:اا نعم
ياسر:فارغلك شغل انا هادا لي ناقصني
أفنان:وانا وين علابالي قسني صح متوقعتش البرود بحد داتو يتمسخر
ياسر بنظرة قاتلة وهو يمدلها وحد لوراقي:وقعي
أفنان:مفهمتش
ياسر:وشبيك غبية لهادا الدرجة وقعي لوراق لي مديتهملك
أفنان بغضب:اولا انا اذكى منك مطيحش في الهضرة معاي سكتلك بزاف او ماشي انا لي يهينوني ونسكت الغلطة معاي تسلك عليها تكون لي تكون ميهمنيش وايلا مطرة نخرج من هاد الشركة على جال كرامتي فهادي حاجة نفتخر بيها اسي ياسر وثانيا علابالي بلي هادو وراقي قلي تعواش هاد لوراقي
أنت تقرأ
عشق بنكهة الجنون
Mystery / Thrillerفتاة قد نالت من الماضي ماهو كافي لتدريسها الحياة على أصولها وتشجيعها وخلق روح قوية فيها تقف في وجه كل من تحداها ،حقها لن يضيع أبدا شامخة لاأحد يلعب معها ومع كل هذا لها شهادة الجنون الرسمي فلا أحد يسبقها في الجنون والمشاكل والمصائب فهي رئيستهم وأخيرا...
