أفلا لهم تغفري

Part 16

"أفلا لهم تغفري"

بارت " 16 "
بقلمي"أسماء الطائي"

لاتنسووو التصويت گلايب 🤭❤️

♡~~~~~~~♡~~~~~~~♡~~~~~~~♡~~~~~~~♡

يكول ازهرنا...

‏عيناك بلائي وإبتلائي وانّا المُتيم المُبتلي♡

♡..واخو زينب..متربعه بگلبي..♡
فتحت حلكي بصدمة..رجفت ايدي ماسيطرت عليهه..
گلبي گلبي احسه راح يغادر من مكانه..لابيه ابتعد.. ولابيه ابقه.. واني اشوف الهفه بعيونه....
قرب جسمة عليه...وسحب ايدي خلاها ع مكان النبض...
گلبه يخفق بسرعة رهيبه...مو احسن من گلبي...

قرب راسه يم خدي وهمس بصوت يرجف:- أسمعي شلون يعزف من يحس بيج يمي.. وجج بويااا عاشگج عاشگج آنه ومحمد....

بلعت ريكي وجسمي كله يرجف..توترت.. احس بروحي راح اوكع من طولي... شديصيرر بيه؟...
سحبت ايدي بقوة ونهضت من مكاني..مشيت خطوه وحده التوت رجلي.. وعثرت..
جرني من متني وهمس:-الله الله شجاج؟

بتعدت بسرعة:- مابيه شييي مابيه شي شبيه؟

ابتسم وكال:-لا شبيج؟بس اجيتي تطيحين ع وجهج...
نداريت اريد افوت..روحي تايهه.. ماعرف شريد؟.. وشتصرف؟
تنهد بصوت عالي وصاح:-رايدجج حلالي..رايدج مريتي وام بيتي...حبيبتي وسند روحي؟
تصنمت بمكاني احس رجليه نشلت...نداريت فاتحه عيوني بقوة.. معقولة لي سمعته.. لا لا اكيدد يشاقه؟..

تقرب يمي مبتسم:-شگلتي؟

بللت شفايفي وكلت بدون وعيي:- موافقه

اتسعت عيونه بصدمة.. صفن يستوعب ثواني.. وصار يضحك بدون توقف... اكتافه تهتززز بقوة من شده الضحك
نحنى وهوا يخلي ايدي ع ركبه.. ومستمرر بـ ضحك بصوت عالي..
تنفس بصوت عالي يحاول ينهي ضحكته:- من اكول فاهيه يلوموني...

عضيت ع شفتي السفلية حرت وين اودي وجهي من الفشله لي سويتهه :- والله مو قصدي لا تفهمني غلط

هز راسه برفض وكال:- انتِ حجيتهاا بعد هايهيه فكرت راح تشلعين گلبي.. بس طلعت غلطان...
رفع راسي بصابيعه... مبتسم بهدوء:- هسه هاهيه صايرين؟؟؟

طبكت حواجبي وصحت:- شكو شصاير هوَ

غمز وكال:- نجيب السيد مادام مستعجله؟؟

رمشت بعيوني احس راح توكع دموعي من الفشله..
بطرف اصبعه تحس طرف شفتي بهدوء... ميلت راسي
واني اباوع بعيونه:- ازهررر شبيك؟

بلع ريكه وهمس بصوت يرجف:- أحبج.. تفتهمين شنو أحبج وگلبي هايم بيج؟...

غمضت عيوني.. وبس صوت انفاسنه تنسمع..
حسيته وجه صار قريب مني..عصرت ايدي بقوة.. يارب شبيه مو كادره ابعده.. ليش احس قوتي كلهه نسحبت مني؟ اريد انطق وابعده بس گلبي رافض هذا الشي..
انفاسه صارت على بشرتي حسيت بحرارتهاا..ذاب گلبي..