بغداد والبصرة

الجزء الاول

بغداد والبصرة
بارت 1

هلاو اني ايه من البصرة عايشة اني واختي الي هيه فاطمة وبس احنه الوحيدين عند اهلنة

تتكون عائلتنه من بنتين وام واب
الام: زينب عمرها 40 ربت بيت
الاب: احمد عمرة 45 موظف ب الدائرة
البنت الكبيرة: ايه عمرها 17 سادس علمي
البنت الصغيرة: فاطمه عمرها 16 خامس علمي

اية :اني اية بشرتي حنطاوية طولي ١٥٣ ووزني ٤٩ ومثل متكولون شويه تارسه شعري لحد خصري عندي خصر كلش حلو ويغري تضاريسي ناعمة وحلوة عيوني سود وحادات ورموشي كلش طوال وثخان خشمي مو صغير كلش بس حلو مقبول عندي خدود وكل من يشوفني ينجذب الي

فاطمة:اني فاطمه طولي 153 بشرتي بيضه عيوني عسليات كبار ورموشي ثخان وحواجبي ثخان وطوال ووجهي مدور وخدود عندي وخشمي مسحوب ووزني 45 وجسمي مخصر وتضاريسي الانوثيه بارزة وناعمه لان اسوي رياضه اني واختي

اي ف اني واختي بنفس المدرسة ومدرستنه خاصة لان امكانيتنه مقبولة ف اني وفاطمة صديقاتنه مشتركات ومرات يرجعن ويانه ونروح سويه ونتفق على طلعات واني وفاطمة شويه من النوع الي يتعارك بس واحد يحجي وياه فد كلمة تزعجه ف مره من المرات تعاركت هيه وبنيه واني جنت ب الدرس وجان تجي بنية دكت الباب.......

المدرسة:فتحت الباب

الطالبة:ست نريد اية احمد

المدرسة:ليش شتردين

الطالبة:ست اختهه متعاركة وهسه دتبجي والمديرة تريدهه

اية:واني من سمعت هيج نخطف لوني من لخوف وودي بس اطلع بسرعة حتى اشوف وگلبي ظل يرجف من الخوف عليهه خاف متأذية ... بعدهه اخذت اذن من المدرسة وطلعت ركض

واني ويا مطلعت شفت فاطمة يم الادارة ومنهارة كلش وجهه احمر من البجي وحضنتهه وودي ابجي وياها والكل ملتم علينه ومكدرت اسئلة شنو صار بيج كلتلها وين المديرة

فاطمه: المديرة جوا من شافتني منهارة كلتلي طلعي غسلي وكعدي شوي برا

اية: تمام لعد...  براء ديري بالج عليها خل اروح اشوف المديرة

براء: تمام

اية: دخلت للادارة وجان اشوف........

فاطمه: جنت بالدوام والدرس جان شاغر وطلعنه للساحه اجت وحده ضلت تشمر حجي وياي بصف بس ما اختلط وياها اني لان اعرفها ادور مشاكل وهواي تتعارك اتجاهلتهه شوي لان مريد اعصب وسوي مشاكل بس شو ضلت اتزيد بالحجي اني هنا عصبت لان دفعتني حيل ووكعت واني اصلا حتى مو يمها علمود تسويلي مشاكل شو كمت وكضيتها من حجابها وملختهه تملخ وهيه جرت حجابي جان اطفر عليها وعضها كامت تصرخ 🥲 حسيت نفسي مجلوبه المهم ضلينه نتعارك شوي  شو لبنبه داخت ووكعت اني خفت صار وياها شي لان صدك منظر مرعب خفت لا توكع براسي مصيبه وجان تجي المديرة تشوفها..

المديرة: هاي شسويتي ليش هيج

فاطمة: ست هيه بدت الاول والبنات يشهدن

المديرة: هسه معلينه حسابي وياج بعدين روحو صيحوا للعاملات خل يجن يشلنها وياي نوديها للادارة

فاطمه: تمام ست... رحنه صحنه للعاملات واجن بسرعه واخذنها واني رحت الدمعه بعيني شوي وانهار اني هادئه شلون اسوي هيج ...  وصلنه للغرفه مالت المديرة وحاولو يصحون لبنبه وصحت الحمدلله انوب المديرة صاحتني...

المديرة: تعاي ماما فاطمه احجي شنو صار

فاطمة: ست...........................  وكلت السالفه كلهه واذا مصدكين ست كوما بنات ويانه ويشهدن

المديرة: تمام ماما باعي بعد لسوين هيج تصرف لبنيه رادت تروح لان لبنبه عدها ربو وما تتحمل شي

فاطمة: ست بس اني ما ادري........
المديرة: سكتي من احجي وياج لا تقاطعيني مفوهم

فاطمة: اني هنا صدك نهاريت لان ما طتني مجال احجي كلتلي طلعي برا وغسلي واخذي نفس.

.........
اني هنا كبل طلعت وغسلت وشتريت مي وكعدت يم الادارة لان كالو اختي حتجي والبنات ملتمات علينه اني هنا فكرت لو صاير بيها شي جان صدك وكعت بورطه وشفت اية جايه ناحيتي تركض صدك نهاريت هنا وخفت واجتي حضنتني وكالت المديرة وين كتلها جوا وخلت براء يمي وراحت..

اية:دخلت للادارة ورحت غرفه المديرة  دكيت الباب

المديرة:تفضل

دخلت جان اشوف بنيه متسطحة على القنفة وتشرب عصير وكلش تعبانه واني هنا خفت معقوله فاطمه هيج مسويه ولو فاطمه هيه بعد اخس من هاي شالها متخربط ومتشرمخه المهم سلمت على المديرة واني ارجف

اية:سلام عليكم ست

المديرة:هلا اية شلونج

اية:هلابيج ست اني الحمدلله

المديرة:اي تفضلي اية شنو عندج

اية:ست والله اعتذر كلش هوايه على الي صار قبل شويه وميتكرر ابد

المديرة:اية اني اعرفج انتي واهلج وامج خو صديقتي الطفولة بس فاطمة خل شويه تقلل عصبيتهه ومبقى شي الهه للجامعة لتسوي مشاكل ويا اي بنية ولا تنزل مستواها لهيج بنات يدورن العرايك

اية:ست والله اصلاً تدرين مااعرف شصار من الخوف ماعرف وين اروح وفاطمة من شفتهه هيج كلش ضجت واجيتج گبل

المديرة:مصار شي ولا تضوجين ولا تسوين اي شي بس احجي ويا فاطمة ...

اية: رحت للصف ورا هيج ساعه انتهاء الدوام واجه السايق ورحنه للبيت وبس وصلنه ودخلنه وماما شافت فاطمه مشمخيها ضلت تسئل

ماما: هاي شصاير شنو هاي

فاطمة: ماما تعبانه بعدين اكلج

ماما: لج شنو بعدين اكلج شوفي شصاير بحالج منو مسويا بيج هيج

فاطمة: اوك راح احجي الي صار هوا..........  وكلتلها كلشي وهسه ماما حروح اسبح وانزل اتغده

ماما: تمام حبيبتي

فاطمة: سبحت وخلصت ومشطت ونزلت سلمت على بابا وهم ضل يسئل عاد كتله ماما تكولك ورحت للمطبخ ساعدتهم وصبينه الغده وتغدينه وغسلنه المواعين وصعدنه نمنه والمغرب اجت ماما كعدتنه وحظرنه العشاء وصلينه انوب اكلنه ورا شوي اجه بابا كال باجر راح نروح لبغداد.....

ولهنا ينتهي البارت الاول لا تنسون التصويت 🤍