بغداد والبصرة

الجزء الخامس

وجان يدخل جدي والكل كام سلم واجه عمو عباس وياه وابويه وعمو امير عمره ٤٢ الي هوا اصغر عم عندي ومتزوج وعنده بنات ثنين وحدة اسمهه لمياء عمرها ١٧ تدرس سادس ادبي والثانيه عبير ١٩ تدرس جامعة مرحلة ثانية صيدلة وعدهم اخ اكبر منهم اسمه محمد عمره ٢٥ متخرج من كلية ادارة واقتصاء امهم اسمهه رشا عمرها ٣٧
عايشين ب حي الامين ب بغداد

ماما زينب:راحت سلمت على جدو وباست ايده وسلمت على عمو واحنه كذلك
راحو اصدقاء عمامي وابويه بقو الشباب ينظفون الديوان

المهم..
تجمعنه سويه ويا محلى الكعدة وياهم

الجد:شلونكم بناتي

اني وفاطمة:الحمدلله جدو وانته

الجد:والله بخير ب شوفتكم اني

ابتسمنه اني وفاطمة لان ماعرفنه شنو نرد فاهيات لدرجة
بهالاثناء ريم ب المطبخ لان كاعدة تغسل الستكيان

الجد:ريمتي صيحي ل ياسر خل يروح للمحل يجيب اشياء من المحل

ريم:تدلل جدو..
ياسررررر تعال

ياسر:جيت جيت الله يستر من عياطج اكيد رايده شي

ريم:لا مو اني جدو كال خل يروح للمحل يجيب اشياء

ياسر:غير اعرف شنو هالاشياء

ريم:شمعرفني يعني روح اسئل جدو
.....
ياسر:السلام وعليكم

الكل وعليكم السلام

الجد:تعال ولك امشي روح اشتري للبنات

ياسر:على حسابي؟

الجد:اني شلون بيه هذا اله اكسر التوثيه عليه يلا يستعدل

ياسر:جدو هسه ميصير نتشاقه وياك

الجد:اي ميصير يلا كدامي روح اشتري للبنات

ياسر:عيني بنات شتردن اجيب

اني وفاطمة وحدة صافنه بوجه الثانية ونضحك نستحي شنو نطلب

فاطمة تحجي بينهه وبين نفسهه:خلاص راح اصير جريئة واكله جيب كل المحل

فاطمة:اي شي ب المحل جيبه لتبقي شي

ياسر:على حسابج

الجد:ياسرررر

ياسر:جدو والله اتشاقه وياها هسه اجيب المحل وابو المحل واجيبهن يمهن

الجد:عفيه هيج اريدك واسئل ريمتي شنو محتاجه

ياسر:خو انته ريمتك اهم شي عندك

الجد:ماكو مثل محنة البنات مو مثلك انته

ياسر:شبيه جدو ليش شمسوي

الجد:لتخلي البنات ينتظرن امشي روح
.......
راح ياسر للمطبخ

ياسر:ريمت جدو شتردين اجيبلج