مرحبا راح احجيلكم قصتي واتمنه تعجبكم وراح اسويها اجزاء واذا شفت هذا الجزء عجبكم واكو تفاعل اكمل
تصويت +تعليق
ولاتنسون متابعة للحساب وتعليق بين الفقرات فضلا وليس أمرا
..........اني سلمى عمري 21 سنه جميله جدا بشرتي بيضه لدرجت شريين مبينه من البياض وعيوني بني طوخ ع صفار وشعري طويل لحد ركبتي وناعم مزوجه
زواجي جان عن حب الحمد لله
بعد معانا سنتين حب ياله تزوجنه
لان ابن عمي جان يريدني
زوجي اسمه عمر صار سنتين مزوجين
الله مارزقنه اطفال وماراجعنه ولا رحنه لدكتور ذابيها ع الله تعالى
زوجي وحيد لاامه وعنده اخت وحده مزوجه بغير محافضه وابو زوجي متوفي من ايام صدام جان شرطي وعده تقاعد ام زوجي تستلمه وتصرفه ع البيت وزوجي يشتغل ع باب الله عنده بسطه بسوك يبيع حاجه بربع
اني البنت الوحيده لاهلي وعندي اخين
حاتم اكبر مني عمره 23سنه
واخ ازغر مني عمره 18سنه اسمه احمد عندي عم واحد وعمتين هم مزوجات بغير محافضه واولادهم مزوجين
واهل امي عدها اخ واحد ومسافر بروسيا عايش هو وعائلته
راح احجيلكم شلون حبيت زوجي زوجي جان صديق اخويه مرات يجي ع اخويه ويشوفني
اول لقاء جان بيني وبين زوجي اجه دك الباب يريد اخويه
واخويه جان بالحمام واخويه الزغير جان ماموجود وامي جانت تخبز وماكو غيري يفتح الباب
طبعا احنه ناس محافضين واهلنه ربونه ع الحلال والحرام جنت مو من هل بنات الي تحب الطبه والطلعه ومااختلط ويه احد وماعندي غير صديقه وحده اسمها هاله بنت جيرانه
ومحد شايفني بمنطقتنه لان ماحب الطبه والطلعه الا للضروره
ارجع لسالفتي ندك الباب جيت اركض ع اخويه كتله
سلمى ، حاتم الباب
حاتم ، وج انتي مخبله جاي اسبح شلون اطلع مصلخ افتح الباب روحي خلي امي تفتح
رحت ماما الباب
امي ، جاي اخبز مشوفين اعوف الخبز يحترك يعني
سلمى ، هسه شلون هذا مجاي يبطل دك بالباب
أمي ، روحي فتحي يعني قابل راح ياكلوج شوفي منو وتعاي
رحت فتحت الباب لكيت واحد واكف بس منتبهت عليه ضليت اباوع ع العركه الي بالشارع ورى
نسوان ثنين وحده لازمه شعر الاخره ومنضرهن يموت ضحك جانت الضهر وماكو احد بالشارع
طبعا اني صافنه ع الجاي يتعاركن واحبس بضحكتي كوه
وهذا الواكف كدامي غركان بتفاصي وجهي وجمالي جنت لابسه شال يخبل يطلع عليه ودشداشه كشمير مخصره ومن الحر والصيف وجهي يطفر دم خدودي وحلكي طاطه حمر دم
امي صاحت سلمى منوو بالباب
جان انتبه ع الواكف كدامي جفلت شلون نسيته وشلون واكفه واتمضحك خرب هسه ياخذ نضره غلط عليه
جان هذا الشاب اسمراني عنده سكسوة تجنن وشامه بنص وجهه وملامح وجهه كلش حلوه وسيم لابس تراكسود
باوعتله بستفهام يعني ليش صافن بوجهي عاجبتك الصفه
كال خرب عمي هاي شارده من حور العين وجايه هنا
طبعا اني متت من الضحك واول مره اضحك من كل كلبي بس اني جنت اضحك ع الي ورى جاي يتعاركن نامن نيوم بالكاع وحده تكتل بالاخره
باوع هو هم عليهن ومات ضحك هههههههههه
وجان يكول اول مره اشوف قمر نازل بالارض
تعصبت ونضرتله نضره بعصبيه مكان ماواكف تتغزل بيه روح فك هذني النسوان
ردت اسد الباب كالي
اوكفي صيحلي حاتم كليله عمر واهله وعشيرته والسلاله كلها تريدك
طبعا هو ميقصد اخويه يقصدني خجلت وطبيت واني كلبي يدك اول مره انعجب بشاب مادري لان ختلاطي بالشباب قليل اني كل سنين حياتي مشفت غير اخواني وابن عمي واكرها اموت منه
مثل مكتلكم مااختلط بالناس هوايه من سديت الباب ورجعة جنت عبالي خجل لان ضحكت هواي ومره الوم نفسي اكول هسه الشاب ياخذ نضره موحلوه عليه وشلون هيج زغرت اخويه كدام صديقه شكد عيب شلون هيج
......
هسه احجيلكم شعور عمر من شاف سلمى وشنو كال
..........
عمر وهو بحالت صدمه عمي مني هاي وشلون بمنطقتنه واول مره اشوفها
وشنو هل جمال وين جان مضموم عني
مو بس جمال وبرائه ورقه وكلشي حلوه بيها
أخ حاتم اذا طلعت اختك اني مورجال اذا ماصير نسيبك
هذا جان اول لقاء
وهذا اول جزء بالقصه اذا عجبكم وشفت تفاعل اكمل
فضلا وليس امرا تعليق ونجمه ومتابعه
![](https://img.wattpad.com/cover/314202042-288-k252153.jpg)
أنت تقرأ
انتي لي
Romanceبعد معانا تزوجت حبيبها بعد مرور سنتين يدخل حياتها شخص يقلب حياتها يعشقها حد الجنون يطلقها من زوجها بالقوه