انتي لي

انتي لي البارت ٨

تصويت +تعليق
ولاتنسون متابعة للحساب وتعليق بين الفقرات فضلا وليس أمرا
..........
.

سلمى : امي وام عمر كاعدات بالهول

اجتي هاله يله سلمى تعاي سلمي ع عمتج المستقبليه

اجيت سلمت عليها

كالت هاي عروستنه ماشاء الله ماشاء الله وكامت طش عليه جكليت وتهلهل

سلمت وكعدت بس اشو امي وعمتي ام عمر شكلهم مو طبيعي عبالك متعاركات

هاله : تهمس بااذني ستلمي ياسلمى بدت شغل العمات هههههههه

سلمى : وج اش لتسمعج

صوت الزلم عله جاي يعقدون السيد يكول وهمه يردون ورى اخويه حاط ايده باايد عمر زوجتك اختي ع سنة الله ورسوله وعمر يرد قبلت زواجها واني دكات كلبي تزيد اسمع صوت حبيبي عبالك لحن موسيقى شعور مينوصف

_____

اليوم يوم الخطوبه بس فرحتي مكملانه امي تتحجج ومترضه تروح

عمر : يمه يعني شلون بس كليلي اروح للناس وحدي

اختي انعام زوجها مريض ومتكدر تجي ليوم العرس وانتي تتحججين ليش يمه مو اني ابنج

أحبها واموت اذا مازوجتها ليش يمه متحسين بيه صار سنتين واني كلبي محترك

باكوه قنعت امي واخذتها واخذت ثنين من اقربائنا دخلنه بيت اهلها كعدنه بالاستقبال عقدنه المهر كلبي يريد يطلع من مكانه

يعني صرتي مرتي اني بحلم لو واقع ممصدك ابد بعد ماراح السيد واقربائي صاح حاتم سلمى تعاي لبسو الحلقات جيبو العروس

والهلاهل ملت البيت واخيرا راح اشوفج والمس ايدج الكلمات ماجاي تنصفني اعبرلكم عن مشاعري

اجتي سلمى دخلت طالعه كمر بفستان اصفر بلون العيون اويلي يمه كل هاذا الجمال راح يصير ملكي

سلمت عليه عصرت ايدها حيل جرت ايدها مثل الاطفال وحطتها وره ضهرها اموت ع تصرفاتها وبرائتها كعدنه وهيه ترجف وكوه تتنفس قربت ع اذنها وهمست كتلها احبج ....

مباوعت عليه اخذت نفس عميق وغمضت

عبالك هربت من الخجل ضليت اباوع ع تفاصيل وجها وعبالك العالم فرغ من حوالينا بقينه بس اني وهيه ..

سلمى : صاح حاتم جيبو العروس اخذني اخويه من ايدي ودخلني كلبي يريد يوكف اول ماسلمت عله عمر عصر ايدي حيل

ومن خجلي وتصرف لا ارادي سحبت ايدي وخليتها وره ضهري كعدنه حته نلبس الحلقات تقرب عليه وهمس بااذني كال احبج جانت اول كلمه اسمعها منه اخذت نفس وغمضت عيني وذكرت اغنية

قال احبك قالها
الفرحه يمه لكيتها
صعب جداا وصفها
هو قلبي وهو نبضه
واحلى نبضة قلبي يدقها
الفرحه يمه لقيتها
قال احبك قالها اي صحيح اني هويت حته اسمي اني نسيت
لما قال اي تعال احضني بوقتها ادري ميكفي الكلام يجنن احساس الغرام
اني احبه اني عاشق يحبني قالها
قال احبك قالها