انتي لي

انتي لي البارت ٩

تصويت +تعليق
ولاتنسون متابعة للحساب وتعليق بين الفقرات فضلا وليس أمرا
..........
.

*

سلمى : اخذني عمر من الصالون بالسياره الي جان ماجرها ومزينه علمود العرس هو يسوق واني كاعده بصفه ويانه اخته وزوجها بسيارتهم واصدقاء عمر بسيراتهم

رحنه كعدنه بيت اهلي شويه واجتي الحضه الي اطلع من بيت اهلي الحضه الي ماانسها بحياتي

حضنت امي واني ابجي وامي تبجي ورجعت عله ابويه بست ايده حضني وضل يبجي وهو مريض حيل خفت لايصير بي شي يكلي بنيتي وردت بيتي راح تعوفيني ويوصي عمر عليه وعمر يكله

عمر : بعيني اخليها وشوكت متريدوها اجيبها

حاتم كل عين تذب عشر دموع راد ينهزم ركضت وحضنته كلي

حاتم : بيتنه ميسوى من غيرج شمعت بيتنه انتي

هاله كامت تحجي عليه مكياجج خرب وكافي عاد

حاتم : عمر اختي امانه عندك  اختي جوهره اريدك تقدر قيمتها وتحطها بعيونك

عمر : والله عله راسي احطها مو بس بعيوني

حاتم : تره فضلتك عله ابن عمي لتخليني بيوم من الايام اندم

سلمى : حاتم يشهك ويبجي جان يبوسني من راسي ويطلع بعد ماتحمل

هاله : يله يمعودين بيتها بعد شارعين عن اهلج اذا يصيحون تسمعيهم

عدلتلي مكياجي لزمت ايد عمر ومشيت رجل وره ورجل كدام اتلفت ع اهلي وامي وابويه صعدت الساره اشهك وابجي وبالطريق عمر

مشغل اغنية علي الامير اغنية ام بيتي هو يغنيلي ويا الغنيه حته يضحكني يغني معلي المسجل كل علوه الغنيه

____

شهل شكل اليكتل كتل وبيه لاعب طوبه

ويندار عليه

شهل شعر الكل البشر فدوه ونذر راحوله

يلزم ايدي يبوسها

تتحقق احلام العمر بس صير ام بيتي

ههههههه هنا ضحكت كمل

ماكو فرق نفس الشكل وجودج وعافيتي

يغني ويضحك عبالك ماخذ العالم كله بين ايده

وصلنه بيت عمر العرس جان بالحديقه مال البيت ماكو هوايه معازيم 

ماعنده اقارب هوايه بس كم واحد وجوارينهم وصدقاءه  مكعدينهم بالفرع جايبين كراس وديجي ونسوان بالبيت عصير وشربت قدمولهم ومن المغرب كل واحد راح البيته

زفونه اخته وزوجها وامه الساعه التسعه باليل.........
‏
‏ هنا جنت راح اموت من الخوف
‏طبينه بالغرفه

كاعده ع الجربايه واحس كلبي يريد يطلع من مكانه كمت اسمع نبض كلبي بااذني ارجف

اجه كعد بصفي شافني شلون ارجف لزم ايدي بتسم بتسامه خفيفه كالي
‏
‏عمر : اهدي لتخافين ماراح اكلج