تصويت +تعليق
ولاتنسون متابعة للحساب وتعليق بين الفقرات فضلا وليس أمرا
..........
.
،
سلمى : كامت تجينه اخبار اشكال الوان ع ابن عمي يهدد وحارك الجو
بيوم اخوتي مجانو موجودين
اجه عباس ابن عمي عيونه براسه دفر الباب وفات
وكام يصيح ع ابويه يكله متصير لغيري وابويه رجال جبير ومريض تزوج امي ع كبر يعني حيل تعبان
وابويه من النوع الفقير ماله حس ومن اهل كبل يعني جان منطي الحق لابن عمي
يعني هو اوله بيه من الغريب حته لو موخوش ادمي
ضل عباس يحجي ويصيح ع ابويه وابويه ساكت وامي متكدر تحجي تخاف ع اخوتي منه نقهرت عليهم اجيت اني من المطبخ وكفت كدمه كتله
سلمى : ماازوجك لو تموت لواخر واحد بالعالم
باوعتله بنضرت كره وتكبر
باوعلي عقد حواجبه بتحدي كلي
لججج والله اذبحج هنا كدام امج وابوج ومصيرين لغيري
اني نفعلت وكتله
سلمى : ستغليت الفرصه جيت تصيح ومتسبع علينه تدري اخوتي موهنا لو انته رجال جان تعال من حاتم هنا
طبعا كلت هاي الكلمه وندمت اكلت نفسي من الندم
وعباس صار كتلت نار وعيونه تجدح شرار
اجه يمشي عليه
احاول اتماسك نفسي واوكف ومابين ضعفي واني راح اخرب من الخوف
وكف كدامي وعيونه تطلع منها نار
يارب وين ويجي حاتم ويخلصني منه كتله كلمه ماكو رجال يتحملها شككت برجولته
وجان ماحس الاجاني راشدي طار شرار من عيوني
من كد مو قوي وكعت بالكاع
لزمني من شعري حط وجهه بوجهي
كالي اذا مااندمج ع هاي الكلمه اني مو عباس بصيطه
مبين طالعلج لسان وكايمه تحجين لازم رايدته لهذاك الناقص
بس اذا ماذبحته بس خلي اعرف منو هوه
وبعدين افرغلج واندمج
ع اليوم الي نولدتي بي ع الكلمه الي كلتيها
جان لازمني واني ابجي واكله عوفني اخ عباس عوفني
جان يهد شعري راسي راد ينلطخ بالكاع كالي بصيطه وطلع
جريت نفس ورتاحيت الحمد لله ياربي اذا ع الراشدي ميخالف
هسه اني شحجاني بس الراشدي ماله من كد ماقوي اصابعه طبعت بوجهي كومتني امي وجتي هاله وتخبلت من شافتني
هاله : الله يكسر ايده هل مجرم
سلمى : وج هاله اسكتي اني زودتها ويا ياريت ماحجيت
هاله : ليش شكتيله
سلمى : كتله لو انته رجال جان
جيت من اخوتي هنا
هاله : اي متلامين احسن
سلمى : وج يااحسن كلامي جان جارح ومهما كان هو رجال واني شككت برجولته ....
هاله : دخل يولي هل عار اشو خلي اصور وجهج واصابعه طابعه عله وجهج جان تاخذلي صوره
سلمى : والله انتي موعاقله ياهاله شسوين بلصوره
هاله : يمعوده حته تضل ذكرى ونضحك عليها بعدين
سلمى : خايفه لايسويلي شي لان حيل تحلف بيهه وكالي اندمج ع هلحجايه ميته رعب وخوف حته ماعرف شلون انام راح انام يم اخوتي اليوم بالستقبال واتحمل شخير حاتم ميخالف اتحمل
هاله : وج اموت ع شخيره وعله كلشي بااخوج خلي بس يتزوجني واني راضيه بكل عيوبه
سلمى : بعد ماراحت هاله قبل ميجون اخوتي امي وصتني ماجيب طاري واكللهم الي صار تخاف عليهم من عباس بس اخوتي سامعين من الجيران قبل واجوي نار اعصابهم
اضم بوجهي حته حاتم ميشوفه اضم بوجهي بالشال ضلت امي تتوسل بحاتم وتكله ابن عمها واله حق هيج يسوي وانته ضربته كدام الناس بس حاتم حس بيه شي غلط عاف امي واجه صاح سلمى
_كتله ها واني صاده بالجهه الثانيه
حاتم : شبيج سوالج شي هل ناقص
سلمى : لا مسوه
حاتم : من احاجيج باعي عليه
لزمني من ايدي ودار وجهي عليه جان يشوف طبع اصابع عباس ع وجهي تخبل طلع يركض ع الباب وامي متعلكه بركبته وتتوسل واني هم اتوسل بي لان اذا راح واحد بيهم راح يموت اليوم
امي تخربطت شلناها دخلناها جوه قسنه ضغطها بجهاز الضغط مالتنه طلع ضغطها مرتفع ضلو اخوتي يمها كاعدين ويطمنون عليها واني اسويلها عصير واشربها مي
حاتم : يمه اهدي والله ماروح كاعد يمج مااوصخ ايدي بهذا العار
امي مدده ومجلبه بادين اخوتي وكلنه ملمومين
هاله : اخذت الصوره راحت خابرت عمر وكالتلها الصار ودزتله الصوره ....
انتضرو الجزء السادس باجر
فضلا وليس امرا تعليق ونجمه ومتابعه
أنت تقرأ
انتي لي
Romanceبعد معانا تزوجت حبيبها بعد مرور سنتين يدخل حياتها شخص يقلب حياتها يعشقها حد الجنون يطلقها من زوجها بالقوه
