فصليه بعمر 10 سنوات

البارت السابق
.................

جان يخبل ودج بس تبوسين بيه بس مرته الاولى لزوجي خنكته ومات لان ماعده ولد شهكت واني ابجي كلتلي احجيلي شصار وياج جنت احجي و ما ادري خالتي و جدتي بلغرفه ولا انتبهت ومن طبو حجيت كلشي صار من اخذوني الى هسه كعدتي يمهم ودموعي تكت كبل حجت

جتي خالتي تحضن بيه وتكول الله لا ينطيهم الصار السبب كالتلي مريم انسي يلي فات وبدي من جديد وكملي دراستج ادرسي خارج تلحكين وتخلصين صفنت هو هاذا الي اسويه كتله الله كريم ورجعت اباوع على حمزه الي نايم بحضني

حسن جنت اريد اصيح مريم علمود تجيبلي حمزه اسمع صوته يبجي طبيت للمطبخ لكيت زينه شايلته ولعبته وطبو للغرفه وهو ساكت بين ايديه وجان تنيمه

بعدين شفت جدتي و عمتي يمه اسمعهة تحجي الي صار وياه وتبجي كل هاذا صاير بيهة ومن تجيب سيره ابنه تحجي بحسره ام على ولدهة الله يعينه بقه حمزه يمهة بليل كلت لمريم جيبي حمزة عيب خل البنيه ترتاح
كالت هي متقبل وتكول عوفيه

زينه

كعدت الصبح احد يضرب وجهي وتذكرت اني نايمه بغرفه جدتي شنو قابل هيه تضرب هيج فتحت عيني لكيت العيون سوده تباوعلي جان حمزه يلي عمره 6 شهور

فدوة لربه يخبل كمت ابوس بيه وهوة يضحك وبعدبن كام يبجي عرفته جوعان سويتله حليب لكيتهم كاعدين سكد فشله اني بعدني نايمه وطلعت الغرفه لكيتهم

بل مطبخ رحت على مريم كتلهة فدوة مريم اريد اسبح وبدل كلشي ما اندل اخذتني لغرفتي غسلت و بدلت وطلعت ما لكيتهة كعدت امشط

حسن

جنت اريد اصيح لمريم رحت لغرفتهة لكيت الباب لكيت الباب مفتوح شويه رفعت عيني اشوفهة خرب لك هاي شنو هالشعر شنو البياض نوب العيون تسطر اكبر شاب سودنتيني يبنت عمتي بس شفتج كل هل جمال وين مختلته يزينه

زينه ضليت بالغرفه مفتوحه ورتبوهة اليه وخلصت العده ورتاحيت اكدر اتحرك بحريتي طلعت من الغرفه وره ما لفيت شالي و خليت عطر

رحت يمهم تريكت ويه جديتي يلي كامت تاكل وياي علا الواهس واني أكل وحمزه يباوعلي ويلعب فدوة جريته كعدته  بحضني وعفت الكل وكمت العب بيه ومن اشوفه اتخيل محمد وما اكدر اعوفه بعدين اخذته جديتي وكمت للمطبخ اساعدهم خلصنه تركيب وصبينه الغدة وحمدت الله ما تريكت زين حته اكل دولمه براحتي لحد ما اشبع منهة جنه كلنه كاعدين بس حسن ماكو لان عده فصل
حسن

جنت اريد اطلع مريت من غرفه جديتي وشفت زينه مكعدهة حمزه بحضنهة تخيلت لو هيه امه اتذكرت شعرهة الطويل وركبته البيضه وشكال و لافكار صارت بمخي اعوذ بالله شدحجي شدافكر
اول وتالي هي مو حلالي ميصير حته افكر هزيت راسي وطلعت عندي فصل ولازم اروح

زينه

كاعده يم جديتي ونسولف ويه حنان و مرت خالو رافد مره حبابه وطيبه طلعولي صور لأمي وصور عرسه وشفت ابوي و عمي ابد ما شوفني صور لهم ولا اني اجه على بالي اكله

اجه خالو رافد وكلي لج واهس ترجعين تدرسين كتله علواه حته لو اخذ شهاده سادس اعدادي وبطل ميخالف كلي زين يجرالج يبنيتي اني جنت انتضر تخلصين عدتج ون شاء الله من باجر اجيبلج كتب وقدم اوراقج علمود درسين خارجي واني اخذج بيدي للامتحانات كمت بست راسه وكتله الله يخليك ويحفضلك احبابك

ضحك وكال لعد انتي اول المحفوضين كعدت ثاني يوم من وكت ورة شويه كعدو الكل حمزه نايم يم ابوه تنميته نايم يمي بس ميصير اخذه من ابوه غصب راحت خاله حنان و مريم لجيرانهم امهم مريضه

جنت واكفه اراقب الجدر نزل حسن يصيح يمه. يمه رحت كلته خوي خاله حنان و مريم كلي حمزه بس يبجي ما اعرف شبيه اخذته منه وكتله مبين شارب حليب هواي كلي اي كتله هاي هيه متضايق من بطنه هسه ادهنه بزيت زيتون وماعليه شي هزلي براسه وصعد

منضره جان يضحك شعره مخربط ونزال بل بجامه التراكسود بس لهسه ما انتبه انو نازل بل فالينه التعلاكه شكله يختلف عن الدشداشة و العكال رغم جنت مستيحه منه ومباوعت بوجهة هدء حمزه خليته يم جديتي ورجعت يم الجدر طبت مرت خالو رافد و مريم كبل راحو علا المبرده من الحر وره شويه اجه خالو رافد جايبلي كتب

اناطني الكتب وكلي اريدج ترفعين راسي بدراستج بسته وكتله ادلل من عيوني ضحك وكال اخخ من السانج يبنت بغداد ضحكت وفتت للغرفه مالتي احس نفسي مرات ثكيله عليهم خاصتن حسن ما ماخذ راحته بس شسوي

حسن

نزلت جوه من وره حمزه بس يبجي مخلاني انام زين شرب حليب هواي وبعده كام يبجي نزلت جوه اصيح يمه. يمه متجاوب طلعتلي زينه كالتلي طالعه هيه و مريم للجيران اخذت حمزه هيه وصعدت فوك طبيت لغرفتي انتبهت على لبسي نازل بل تشيرت اشوف البنيه متباوع بوجهي طلعت مستحيه خرب بحضك حسن عود الشيخ وكشخه ونزالي بل تشيرت كدام بنت عمتك

زينه

صار هوايه اني يمهم الوكت كله ادرس ومن ارتاح اخذ حمزه العبه صار وكت المتحانات وخالو رافد ياخذني ويرجعني جنت راجعه من اخر امتحان طبيت للمطبخ شربت مي شفت خاله حنان شايله حمزه رحت بسته وفتت ابدل طلعت كعدت يمهم

.......