THE CHAIN KILLER | ONGOING

1 🩸🧸

2021 අගෝස්තු 25

දකුණු කොරියාව.
සෝල් නගරය..

පිංතූරවලට අහු නොව්න සුන්දර සෝල් නගරයෙ කොනක තිබුනු මුඩුක්කු නිවාස ටිකත් දැන් එන්නම එන්නම නැති වේගෙන ගිහින්. ගෙවල් සිය ගනනක් තිබුනු මහ විශාල බිමක දැන් ඉතිරිව තියෙන්නෙ ගෙවල් තුන හතරක්.. ඒවත් අනවසර ඉදිකිරීම් නිසා කවදා කොයි මොහොතක බිමට සමතලා වේවිදෝ කියන බය ඒ ගෙවල් තුන හතරෙ වුනත් ජීවත් වෙන මිනිස්සුගෙ හිත්වල ගැබ් වෙලා තිබුනා..

දුප්පත්කම අර මොකකටත් වඩා ඉහලයි කියනව වගෙ එදා වේලවත් හොයාගන්න බැරි දුප්ලතුන්ට කොහෙන්ද තට්ටු නිවාස අඩුම කාමර දෙකෙ පැලක්වත් නැතිකොට.. ඉතින්..

වෙනදා වගේම ජංගුක් ඊයෙ රෑ ඉතිරි වුන බත් චුට්ට යාන්තම් රත් කරගෙන ඒකට හරියන්න ලූනු ගෙඩියක් කපාගත්තෙ තමන්ටත් තමන්ගෙ දරුවටත් දැනෙන මහ කුසගින්න නිසා.. ඒත්.. බඩේ පත්තු වෙන ගින්දරට වඩා හිතෙ පත්තු වෙන ගින්දර හරි ලොකුයි. ගෑනු දරුවෙක් එක්ක තනිවුන තාත්තෙක්ගෙ දුක, අගහිඟකම් ජංගුක් විඳගත්තෙ හරි අමාරුවෙන්...

" අප්පා... මට මේ ඔක්කොම දුන්නම අප්පා මොනාද කන්නෙ..."

" ආහ්රමා... ඕක කන්නකො ඉතින් පණ්ඩිත නොවී..."

" මට බෑ.. අප්පා කන්නෙ නැත්තන් මටත් එපා.. අනෙ අප්පා කන්නකෝ.. මේවා රස නැති නිසා මට මේ ඔක්කොම කන්නත් බෑනෙ අනේ.."

චොප්ස්ටික් දෙකත් කරකවමින් ජංගුක්ට සැර දාන ජංගුක්ගෙ චූටි කෙල්ලට දැන් අවුරුදු 6ක්. කෙල්ල යාන්තම් ඔම්මගෙ කිරි වලින් ඈත්වෙද්දි ඔම්මා ජංගුක්වත් තමන්ගෙ දරුවවත් අතෑරලා වෙන විවාහයක් කරගන්නෙ ජංගුක්ගෙ ආදරේට වඩා සල්ලි කන්දක් ලොකු වුන නිසා වෙන්න ඇති..
එදා ඉඳන් ගෑනු දරුවෙක්ව උස් මහත් කරන එක හරි අමාරුයි. ඇරත් ලොකු වයසක් නැති ජංගුක් තාම කොල්ලෙක්.. ඉතින් කොහොමනම් මෙහෙම වගකීමක් ඔලුව උඩ දරාන ඉන්නද... එහෙමයි කියලා අහිංසක රෝස මලකට ඔහේ හැදෙන්න දෙන්න පුලුවන්ද..