البطله . هايي اني ايات عمري ١٣ صف اول متوسط من بغداد ومواصفاتي . بيضه عيوني سود رموشي طوال خشمي صغير وشفايفي بالنسبه العمري شوي كبار خدودي متروسات حواجبي عراض شوي وثخان شعري طويييل بعنه الكلمه واسود يعني يوطل جوة ضهري جسمي زين مو كلش ضعيفه بس يعني الي يباوع ع جسمي ولا يم عمري جسمي مال وحده عمره ١٦ .١٧ هيج طولي ١٥٦
الكاتبه . قزمه 😂😂
ايات . ههه ميضحك 😒😒
المهم نرجع . وزني ٥٠ : ٥٢ احب الاغاني والتمركص واحب اكون صداقات بس علاقات وهاي السوالف الله يجفيني شرهن اطباعي ( كلي ع بعضي عناد اهم نقطه . احب اشاقه . ما احب ادخل بشي ميخصني . احب انكت . اكره شي اسمه سيف بس لتكولوله . احب اطلع هواي . واحب اشتري ملابس هم هواي وبس ) وعائلتي
بابه . جعفر عمره ٥٦ ومهنتة لواء متقاعد
مامه . زهراء عمرهة ٥٠ ربت بيت
اخوية الجبير . عمر عمره ٣٨ ومهنتة مقدم
اخويه الثاني . محمد عمره ٣٦ مهنتة محامي
اخويه الثالث . سيف ( طركاعه ) عمره ٢٩ دكتور بالكليه
سيف . احترميني ولج
الكاتبه . دروح
سيف . بسيطه
الكاتبه . بسيطتين
نرجع للقصه
واني اخر وحده يعني اني البنيه الوحيده الاهلي
وهسة نطفر ع بيت البطل
البطل . سلام عليكم اني علي عمري ٣٧ من الناصريه مهنتي مقدم مواصفاتي زين بشرتي حنطاوي عيوني عسلي خشمي زين مو كلش جبير عندي شفه لحيه ما عندي تعرفون بعد بالجيش ميقبلون لحيه بس شوارب واني عندي شوارب عندي شعر مو اصلع واني ضخم ومعضل العب حديد دائما وشغلي اكثريته بالسماوه وبغداد اطباعي ( ما احب احد يعاندني . بس اني شوي عنودي . وما احب احد يجادلني لو يرادد . وعصبي كلش والكل يخاف مني حته بالبيت لان اذا عصبت امي الي جابتني ما اعرفهة منو ) وبس عائلتي
الوالد . ستار عمره ٥٨ وشغله عقيد متقاعد
الوالده . سعاد عمره ٥٥ ربت بيت
اني اكبر واحد
اخويه الثاني . ذو الفقار عمره ٣٦ وشغله نقيب وياي بالشغل
الخويه الثالث . حسن عمره ٣٥ وشغله دكتور بالجامعه
اخويه الرابع . عباس عمره ٣٠ وشغله مهندس
اختي الخامسه . عبير عمرهة ٢٩ متزوجه ابن عمي
اختي السادسه . كوثر عمرهة ٢٨ متزوجه ابن خالتي
وبس هاي عائلتي وطبعا اخواني كلهم متزوجين بس اني بعدني
نروح للبطله
ايات . جنت نايمه اجتي مامه تكعدني لان احنه فترت امتحانات وهذة ثاني يوم امتحان اجتي كعدتني كعدت من بعد اعناد ونعس كمت سبحت وخلصت لبست اهدوم المدرسه ولفيت شالي اخذت الكتاب والغراض ونزلت لكت الامه العربيه كلهة كاعده
ايات . صباح الخيييييييييييييييير
الكل . صباح النور
زينب مرت اخويه عمر طبعا نسيت اكوللكم اخواني كلهم متزوجين بس سيف بعده . تعاي تريكي رح تتاخرين
ايات . قل اعوذ برب الفلق
فاطمه مرت محمد . شكو شبيج
ايات . انتو مو ع اساس طالعين من يمنه شو كل يوم من الفجريه يمنه شبيكم
امي . هسس شنو هل كلام
ايات . بابه عليك الله متكوللهم ليجون من الصبح
عمر . ادري كاعدين ع كلبج شبيج من الصبح
ايات . اهئ اهئ اهئ بابه شوف ابنك شلون يحجي عليه
بابه . عمر كافي لتضوج اختك
زينب . اخ اخ يا كلبي
عمر . انتي شكو
ايات . بابه باوع مو بس وياي خطيه حته ويه زنوبه
عمر . شكو شكو شبيكم متفقي....
بابه . عمر بس خطيه متعب البنيه متكلي شبيك
ايات . احم احم بابه هذة معلينه بي هسة عوفه خطيه مو زينب 😎
عمر . هوة انتي شعلي وطفي
ايات . اشرتله ع دماغي
عمر . اني اعلمج
محمد . عمر عوفهة عليك الله مبيه حيلهة بالسياره تبقه تنك
ايات . اه اه اه شكد ..
سيف . هسسسسس صوتج اريد انام
ايات . نامت عليك طابوكه انشالله كوم الغرفتك
سيف . يابه ادبهة شوفه شلون تحجي والله رح اكوملهة
بابه . انته طخهة وشوف اموتك بمكانك
سيف . اسفين عيني اسفين حضرت الاميره ايات
ايات . عود امسح دموعي . عادي عادي مصار شي
محمد . رح يصير اذا بقيتي كاعده هنا
ايات تباوع ع ساعه . اااااااااا ولك تاخرت ... كمت بوست مامه وبابه اخذت فلووووس من بابه ورحت ويه محمد لان هوة يوصلني
