يم ايات
ايات . رحنه للاسواق شترينه وخلصنه وجان اكو واحد هم بالاسواق المهم بابه راح يدفع الاحساب واني طلعت رد ارجع للبيت وشفت شكو واحد بالشارع يباوع عليه
عمه حته عمه شنو مشايفين بنيه المهم وصلت للبيت وره كم دقيقه طب بابه هم
بابه . ليش رجعتي
ايات . غير انته جنت تدفع الحساب وتعرف مابيه حيل انتضر
بابه . ماشي هاج هاي الغراض اخذيهن جوة للمطبخ
ايات . اوك .... اخذت الغراض للمطبخ وياريت مطابه المطبخ كله نسوان وبنات صحت مرت عمو حسام اجتي اخذت الغراض
مرت ابو حسام الثانيه بحقد . اوي شني هذة البس هاي بت منوو
مامه . هاي بنتي ليش شبيهة ؟
م.ح.ث ( اختصار ) بحقد . شني هذة اللبس مال كحاب
مامه بعصبيه . شنو قصدج
م.ح.ث بحقد . قصدي بتج كحبه
ايات . طلعت من المطبخ رحت يم بابه والزلم بالديوان جانو كاعدين دكيت الباب
ايات . دك دك دك
جدو . تفضل
ايات . طبيت جوه رحت كدام بابه
بابه . خير شكو ؟
ايات . انداريت ع جدو وكلت .... جدو تقبل واحد يسبني
جدو بعصبيه . احركه حرك ليش منو سبج
ايات . مرت عمو حسام الثانيه
جدو . شكالتلج
ايات . غير من اجينه اني وبابه بابه كال اخذي الغراض للمطبخ اخذتهن انطيتهن المرت عمو حسام الاوله حته تشيلهن هية كالت هاي بت منو لبسهة لبس كحاب حشه السامع مامه كالت هاي بتي ليش هية كالت لبسهة لبس كحاب مامه كالت شنو قصدج كالتهلة بتج كحبه من كحاب بغداد .... اني واحجي ابويه وجدي وعمامي عيونهم صارت بكصتهم
جدو بعصبيه . ابو حسام خلي مرتك اتضب لسانهة لا تعرف شسوي بيهة
ابو حسام بعصبيه . اني اعلمهة بعد شلون تغلط وتسب ومو ياهو الجان سابه بت اخوي هاي الساقطه اني اعلمهة
بابه بعصبيه . حجي اسفين بس احنه بعد منبقه هنا
جدو . ليش ابو عمر استهدي بالرحمن وكول يالله
بابه بعصبيه . حجي كلت منبقه يعني منبقن شنو جايين هنا حته يسبون عائلتي لا وفوكاهة بتي وهاي بتي الوحيده يسبون بيهة
جدو . اكعد ابو عمر هسة اخوك راح يئدب مرته
ايات . اني بقيت واكفه بصف بابه شفت عمو ابو حسام طلع كبل طرت ورا صحيح غلطت عليه بس تبقه مرته راد يطلع كلت
ايات . عمو ماكو داعي لتروح
ابو حسام بعصبيه . لا شلون ما اروح وهاي الساقطه تغلط عليج
ايات . عمو ماكو داعي بعدين عود روح وكوللهة لتغلط بس بهدوء احنه جايين فتره ونروح ماكو داعي يصير مشاكل من ورانه
ابو حسام بعصبيه . عمو كتلج وخري ليغاد
ايات . عمو اوخر بس بدون مشاكل وعياط وصياح
ابو حسام تنهد . طيحت حضي هاي المره
ايات . افه عليك عمي مرتك طيح حضك واني موجوده
ابو حسام . ليش انتي شسوين
ايات بابتسامة . بسهولة عندك مرتك الاوله روح يمهة وعوف هاي حته تريح بالك
بابه . ولجج عيب شنو هل حجي
ابو حسام . خويه عوفهة كلامهة صحيح بس مو بيدي اطلكهة
ايات . ليش عمو هية مو مرتك
ابو حسام . اي بس اجت هدية مو اتزوجتهة
ايات . ءءءء دخت المهم اني رح اروح
الكل . الله وياج
