يم ايات
ايات . كمت الساعه ٣:٠٠ كمت طبيت للحمام سبحت ولبست مثل هذة
وسويت شعري ذيل حصان لان اني مو محجبه بس لان
مدرسته كالو محجبة و مو محجبه تلبسون حجاب
ف اني بايام المدرسه جنت البس
الحجاب اما اذا ماكو مدرسه ما البس اصلا
المهم طلعت مبايلي من الشحن هوة
واليباد وسماعات والشاحنه النقاله اخذتنن ونزلت
طبعا ب ١٠:٠٠ بالليل محمد نزل الجنط جوة
وخلوهن بالسياره بالليل علمود
من نريد انروح بس نكعد بالسياره لنكعد ندور
ع جنط مثل كل مره من نريد
نروح الاي مكان وطبعا محمد وجهالة ومرته بسياره
وعمر ومرته وجهالة بسياره
واني ومامه وبابه بسياره مال بابه وهمة بسياراهم
واحنه بسيارة بابه رحنه
المهم كضيت الطريق كله جباسه وحلويات وهاي السوالف
وطبعا مو بس اني مامه وبابه هم وياي ياكلون
المهم وصلنه تقريبا ساعه جانت ٩ . ١٠ الصبح
وصلنه يم بيتهم وطبعا اني عمري كله
مجايه بس مره وحده
وهاي ثاني مره اجي بعد ابد ابد مجايه ومن اجيت
جان عمري بوكتهة ٩ سنين لو ٨ يعني هيج شي
ف جانو متقيدين كلش ف من هذاك
اليوم بعد ولا رحت ولا شي
واصلا بيتهم ما اذكر شكله المهم وصلنه
نزلو اخواني ونسوانهم وجهالهم ومامه وبابه هم نزلو
اني جنت ادور ع شحنه مالتي يعني مدنكه
رفعت راسي ما اشوفلكم غير حشد مال زلم بالباب
المهم نزلت وبكل برود بقيت واكفه وره بابه
سلمو ع بابه ولد وزلم ما اعرفهم
بس شنو والقران والقران اكلوني بعيونهم اني طخيت ابويه من وره هوة اندار علي اني بعيوني
اشرتله ع ولد يعني باوع شلون يباوعون عليه
ابويه انوب حجه
بابه . ابو حسام الولد ع شنو ديباوعون ؟
ايات . بس بابه هيج كال كلهم نزلو عيونهم بالكاع
ابو حسام عم ايات الجبير اكبر عم من عمام ايات متزوج ٢ الاوله حبابه بس الثانيه خبيثه هية وبناتهة
عنده من الاوله ٣ ولد ٢ بنات حسام الجبير متزوج بعدين اكوللكم علي وبعدين سجاد ( عرفتو مو ) ممتزوج ورا سعد متزوج والبنات سهاد متزوجه وشيماء هم متزوجه وعدهن جهال ومن الثانيه يسرا واسراء ممتزوجات وماعنده من هاي ولا ولد بس هذول البنات الثنين
ابو اسعد عم ايات الثاني متزوج مره ١ وحبابه كلش عنده ٢ ولد ٣ بنات اسعد الجبير وكرار الثاني ثنينهم متزوجين خوات ثنين والبنات جنه متزوجه ونرجس هم متزوجه وضحى هم متزوجه
ابو ايات ثالث واحد
ابو محسن عم ايات الاخر واحد متزوج ٣ الاوله حبابه كلش وفقيره والثانيه خبيثه هم هية وبناتهة و ولدهة والثالثه حبابه بس متسكت ع حقهة ومتسوي ويه احد
بس الي يسوي وياهة وجهالة عنده ٥ ولد ٥ بنات الجبير محسن متزوج والثاني عبدالله متزوج ( اخوان من نفس الام ) والبنات رقيه متزوجه وفاطمه وامينه ( من الزوجه الاوله ) ومن الثانيه عنده عباس ممتزوج وبناته من الثانيه نهى وسهى متزوجات ومن الاخيره حسين وكنان متزوجين وطبعا ما عدهة بنات
