و للعشق جنون (الجزء الثانى من مشوار حياتى )

الفصل الثالث

: عزومتى عامل اى يا باشا

تمتمت سلمى و هى تقتحم المكتب

نظر لها سليم و مراد بصدمة و خاصة مراد الذى صدم بشدة من وجودها فى هذا المكان

رمشت باهدابها عدة مراد بدهشة
: فى اى مالكم مبلمين فى وشى كده ليه

مراد بصدمة : انتى بتعملى اى هنا

جلست سلمى على الكرسى بأريحية
: هى مش حاجة مهمة بس احنا و الله و اعلم كده زمايل

اخذ مراد وقت ليسوعب معنى كلامها و سرعان ما فتح عينيه بذهول هذه ايضا فهو قد صدم بشدة عندما علم أن منة تعمل معهم لا و ايضا ستكون شريكتهم فى المهمة التى يعملون عليها لسنوات عديدة

مراد و هى يرمش عدة مرات بعدم استيعاب و يحرك يده على منة و سلمى عشوائيا
: يعنى انتى و هى معانا ازاى

سلمى و هى ترفع كتفيها ببرود
: زى السكر فى الشاى

نظر لها مراد بغيظ و قرر تجاهلها و هى يسمع تفاصيل هذه المهمة اللعينة بالنسبة إليه

***********
: بصى يا ستى علشان تعملى المحشى مظبوط لازم ثم لازم تحطى لحمة كتير

قالت منار و هى تحدث ماريا التى أصبحت صديقتها مؤخرا

ماريا بعدم فهم : بس المحشى مش بيتحطلو لحمة

منار : علشان غبى

ماريا بتعجب  : مين ده اللى غبى

منار بفخر: صانع المحشى اسمعى منى انا طباخة ماهرة و اعجبك اللحمة مع المحشى خرافة و يا سلام لو زودتى فراخ هتبقى جميلة

نظر لها ماريا بفم مفتوح بذهول قاطع كلامهم دخول سيدة عليهم تبدو من الطبقة الراقية

: اهلا ماريا ادهم موجود

تحدثت هذه السيدة و هى تنظر إلى ماريا و لم تنتبه إلى منار بعد

نظر لها منار من أعلى لاسفل بنظرات تقييميه و قالت بهمس
: مين المزة الثلاثنية دى

فقد كانت السيدة تبدو فى الثلاثين من عمرها على حد أقصى
توسعت عين منار بذهول و لطمت على خدها
: احييه لتكون دى الحرباية إلى هتفرق بين البطل و البطلة يا مرارك الطافح يا منار يعنى ملحقتيش تتهنى بالواد الا و تطلعلك الحرباية

نظر له السيدة بذهول ثم قالت لماريا بتعجب
: مين المجنونة اللى بتكلم نفسها دى

حمحمت ماريا بتحذير لتلفت نظر منار و لا تجعلها تتمادى فى أفعالها

: احم حضرتك دى السكرتيرة الجديدة منار

و نظرت لمنار قائلة بتحذير

: منار الهانم تبقى مامت ادهم

منار بذهول
:  احييه هى المزة دى تبقى ام الترلة اللى جوة