သင်္ကြန် ပိတ်ရက်မတိုင်ခင် ၂ ပါတ်လောက် မှာ အဆောင် စဝင်ရတာမို့ သိပ်မကြာခင်မှာပဲ သင်္ကြန် အိမ်ပြန်ရတော့မည်ဖြစ်သည်။ နှစ်စစချင်းမို့ စာတွေကမများသေးပဲ ပစ္စည်းတွေ သာ အေးဆေးသိမ်းနေကြသည်။ မိမိမှာတော့ ဟိုညက tutorial ကျလို့ အခေါက်ခံထားရတဲ့လက်ဆစ်တွေကြောင့် ပစ္စည်း သိမ်းပေမယ့်အရာမယွင်း။ ဘာမှသေချာကိုင်လို့မရသည်အထိဖြစ်နေသည်။
ခေါက်ခံရပြီးပြီးချင်းနောက်မနက်စာသင်ချိန်ကဆိုငိုတောင်ငိုခဲ့ရသည်။
'' အား ငါမသိမ်းနိုင်လို့ အိမ်မပြန်တော့ဘူးတော်ပြီ ''
''ယုမြတ် နင့် ဟိုကောင်မလေးနဲ့ ဘယ်လို လဲ အဆင်ပြေလား''
သူတို့ က မမေးလည်းအရမ်းအဆင်ပြေနေပုံပေါက်ပါသည်။ ရေချိုးလည်းတူတူ ၊ထမင်းစားလည်းတူတူ ။
'' ပြေတယ် သူကဟယ် ငါနဲ့ဆံပင်ပုံစံတူအောင်ဆိုပြီး အရှေ့ဆံမြိတ်လေးပါလိုက်ညှပ်ထားတာ ''
'' ငါနဲ့ လည်း တူသွားတာပေါ့''
မိမိ အရှေ့ဆံမြိတ်ကို ပြကာစလိုက်သည်။
'' ဟဲ့နင့်လက်က ယောင်ကိုင်းနေတာပဲ ၂ရက်တောင်ရှိပြီကို ဂျူလိုင်ဆီဆေးသွားတောင်းပါ့လား သူ့မှာဆရာခိုလားမသိဘူး ရှိတယ် ''
ဟုတ်ပါသည် ။ ဂျူလိုင်မှာရှိပါသည်။ သို့သော်မသွားပါ။ ဂျူလိုင် သည် စံပယ်နဲ့ကိုယ့်ကို လုံးဝ ခင်မင်ခွင့်မရအောင်လုပ်နေသည်။ စံပယ့်ကိုလည်းကြိုက်နေပုံပေါ်ပြီး ဟိုနေ့က ဆို တစ်ကုတင်တည်းတူတူ အိပ်နေကြသည်။ မိမိကိုလည်းလွန်စွာမှ အထင်သေးလွန်းတာကြောင့် ဂျူလိုင့်ကို မရမက ရှောင်မိသည်။
'' ဟဲ့ဆေးသွားတောင်းလို့ ''
ယုမြတ်က ထပ်ပြောသည်။
''တော်ပါပြီဟာ ထားလိုက် ပါတော့''
............................
ဒီနေ့နဲ့ဆို ဗိသုကာမေ ကို မတွေ့ရတာ အတော်ကြာနေပြီ ။ အတိအကျဆိုရလျင် ၂ ရက်တောင်ရှိပြီ။ ဒီအဆောင်မှာ နွေးနွေးထွေးထွေး ခံစားချက်ရသူမှာသူပဲရှိလို့ သူနဲ့ပဲ စကားပြောချင်တယ်။ နည်းနည်းလောက် စကားဆက်ပြောရရင် တကယ်အခင်ဆုံးသူငယ်ချင်းတွေဖြစ်တော့မှာ။ သူဘာလို့ မလာတာလဲ မသိ။ အရင်ကဆိုရေချိုးပြီးချိန်တွင် ကော်ဖီခွက်လေးနဲ့လာလေ့ရှိသည်။ ကုတင်ပေါ်မှာ ထိုင်ရင်း သူပြောချင်တာတွေပြောနေတတ်သည်။ တစ်ခါကလည်း ကိုယ့်လက်ရေးကို ရေနဂါးနဲ့တူလို့တဲ့။ အဲ့လိုထူးထူးဆန်းဆန်းလေးတွေ။ ဘယ်သူကမှမကြည့်ဖူးတဲ့ကိုယ့်လက်ရေးကိုသေချာကြည့်ပြီး ရေနဂါးလက်ရေးလေးဟုပြောသည့်အခါ နွေးထွေးရသည်။
YOU ARE READING
2 Girls 1 Bed
Teen Fictionဗိသုကာမေနဲ့ ယွန်းစံပယ် တို့ရဲ့ သူငယ်ချင်း မကျ ရည်းစား မကျတဲ့ bbyship 💓 စိတ်ကူး ယဉ် ဇာတ်ကောင် တွေလည်း ပါပြီး အပြင်လောက က ဖြစ်ရပ်မှန်တွေလည်းပါပါတယ်။ ဖတ်ရှုပြီး ဝေဖန်ပေးကြပါဦး ။ ps Hinthar May acc မှာ အပိုင်းတစ်တင်ရုံပဲရှိသေးတယ် acc ပျက်သွားလို့ ဒ...
