في الصباح في بيت ديانا
عشق بتكون صاحيه وبتعمل الروتين بتاعها وبتجرى علي الماشيه بتاعتها وبتكون سرحانه وهيا بتجرى وبتدخل سارة عليها وبتقف
جمبها بس بتلاحظ ان عشق مش مركزه معاها خالص وسرحانه وسارة بتخبطها علي كتفها وعشق بتتخض وبتفوق من سرحانها
عشق / اخس عليكى يا سارة في حد يخض حد كدا
سارة بضحك / انا اسفه والله ياشوشو بس اعملك ايه ما انتى مش مركزة خالص معايا
عشق / معلش حبيبتى كنت بفكر في حاجه كدا
سارة وهيا تغمز بعنيها / الي واكل عقلك يامز انت
عشق بتضحك علي كلام اختها / واكل اي بس لالا مش دا خالص الي بفكر فيه
سارة / اومال
عشق / حاجات بخصوص سفر بتاعى والشغل متخديش في بالك المهم انتى كنتى عاوزة حاجه حبيبتى
سارة / اه بصراحه كنت عاوزة اقولك ان انهاردا عندى فرح
عشق بأستغراب / فرح مين
سارة / واحده من الكلايند الي عندى الي كنت بعملها فستان فرح اصرت انى احضر فرحها ونا مش هكسفها وقولت اروح بس قولت اقولك
عشق / طب ماشي ياحبيبتى بس قولتى لماما
سارة/ بصراحه لا انا قولت اقولك وانتى ابقي قولى ليها وهيا اصلا ماما انهاردا هطول في المستشفي
عشق / اشمعنى
سارة / عشان الحاله الي كانت هتسفرلها وصلت مصر وصلت علي مستشفي عند ماما فا قالت إنها هتطول
عشق / طيب ماشي ياحبيبتى طيب هيا سلمى راحت الجامعه
سارة / اه ياحبيبتى طيب انا هسيبك بقي عشان هروح الاتيليه اخلص شويه حاجات وارجع عشان اجهز بقي
عشق / ماشي حبيبتى
وسارة بتبوس اختها من خدها وبتضحك وبتجرى علي اوضتها
عشق بضحك/ مجنونه والله
************************************
في بيت عصام
ناديه / شوفت الي بنت اخوك عملتو في بنتى دى بجحه اوى جايه لحد هنا عشان تمد ايدها عليها لااا انا مشوفتش كدا حقيقي
عصام ببرود/ حقيقي انا الي مشوفتش بجاحه كدا يعنى بنتك قاتله قتاله عاوزها تيجى تطبطب عليها وتقولها برافو ولا تيجى وتهد دنيا عليها
ناديه / هو في ايه يا عصام مالك كدا بقيت بتحامى لديانا وبنتها وطريقتك اتغيرت عليا انا وبنتك
عصام / عشان هيا دى الطريقه الي المفروض اتعامل بيها من زمان معاكى ومع بنتك انتى مش متخيله انا بقيت اشوفك ازاى يا هانم انا
بقيت مش طايق حتى انى ابص في وشك مش قادر اتخيل ان انتى ام تشجعى بنتك علي الكارثه دى
ندى / يابابا انت لحد امتى هتفضل تحسبنى علي غلطه دى
عصام بزعيق / لاخر يوم في عمرك عشان دى مش اي غلطه تغلطى غلطه واحده تضيعي فيها ارواح ناس انتى ايه مجنونه
ناديه / يا سلااام وانت مكنتش شايف نفسك ولا ايه يا
وقبل ما تكمل كلامها عصام بيقطعها بزعيق
عصام بصوت عالي / اوعى تفتكرى ان في يوم اتمنيت الموت لحد مش كل ما انتى او بنتك تغلطى ترمو عليا كان انا الي دفعتكو لكدا
وفي والوقت دا خالد بينزل ومعاه شنطه هدومه
عصام / تعالي يا حبيبى
خالد / نعم يابابا
عصام / مفتاح الشقه بتاعتك اهى اتفضل ياحبيبى يلا روح وخلي بالك من نفسك ومتنساش تبقي تيجى هنا عشان تزور امك واختك دول اهلك برضو
ناديه/ اهل ايه ومفتاح شقه ايه هو ايه الي بيحصل دا
عصام / ابنك قالي انه عاوز يعيش لوحده بقي مش طايق يعيش هنا وبصراحه انا شوفت انها حاجه عاديه ابنك راجل وحقو انه يعيش لوحده وهو حر طبعا
ناديه/ لا طبعا انا ابنى مش هيعيش بعيد عنى عصام انت بتعمل كدا عشان تعقبنى صح بتبعد ابنى عنى عشان تعقبنى صح
خالد / عن ازنك يابابا انا همشي
عصام / تمام يا حبيبى
وبيمشي خالد
ناديه / عصام بلاش ياعصام كدا بلاش تبعد ابنى عنى
عصام / ابنك هو الي عاوز كدا وعاوز يعيش لوحده هقولو لا اكيد لا طبعا وبعدين عن ازنك بقي عشان عندى شغل
وبيمشي عصام وناديه بتبقي في حاله من صدمه
************************************
في امريكا
أنت تقرأ
حرب عالم الشياطين //"عشق الفهد" 🖤🥀
Romanceهيا رقيقه وحنونه ولكن تحاول بكل الطرق ايجاد حل لتخلص من الشيطان الذى اجمعها بيها القدر وسيدخلون جميعهم في حروب الشياطين 🖤🥀
