ملاكى

ملاكى البارتى الرابع

(قال إنما اشكو بثِى وحُزنىِ الى الله ) لاتحزن يا صديقى فإن الله لا ينساك اذا حزنت اشكى إلى الله همومك واقرأ القران وانسى كل تعبك وهمك والله لا ينسى اى أحد مهموم انتظر خبر يسعدك ويفرحك اذا إبتلاك الله فأعلم أنه يختبرك لكى ينظر كيف صبرت واعِلم انا الله بيدُه أن يجعَلك اسعد شخص،، آمن بالله واترك همومك وانسَى تعبك فقد بقرأت القران
اذكر الله كثيراً فى كل وقت والله لن ينساك ...
..........
يلا نبدأ ملاكى
فى صباح يوم جديد

عند ملاك..
فاقت ملاك تضوت وصلت فرد ربنا
ملاك:الحمد لله على نعمه الاسلام
ملاك:ماما انا صحيت تلبس وانزل عشان عندى إنترفيوو
مديحه بإبتسامه:ماشى يا حبيبتى ربنا يوفقك
ملاك بعد انا جهزت ولبست ملابسها
ملاك:ماما انا همشى عشان الحق ادعيلى بقا
مديحه بإبتسامه:ربنا يوفقك ويسترها عليكى .. خدى بالك من نفسك
ملاك بضحك:ادعلى بقا معملش مشكله وانجح فى الانترفيو
مديحه:ههههه لا وحياتك كفايه اخوكى مرارتى اشتكت منكم
ملاك:خلاص يامديحه كدا هتأخر واجى اقعد جمبك
مديحه:طب يلا روحى
ذهبت ملاك وركبت اُبرَه لكى تصل الى شركه الصياد
....................
عند اسر
س
اسر:صباح
صباح:ايوا يا بيه
اسر:معلش مش هلحق افطر ، افطرى انتى عشان متأخر وعندى شغل كتير
صباح:حاضر يابيه ربنا يسترها معاك
ذهبت اسر إلى الشركه وفى طريقه أيضا هذه المره جاب سندوتشات طعميه
.............
فى منزل عبدالرؤوف
جلسو عبدالرؤوف و فريده و ياسمين لكى يتناولو وجبه الافطار

فريده: وهى بتاكل:ياسمين انتى هتروح الجامعه صح
ياسمين: ايوا يا مامى
عبدالرؤوف:ياسمين تقدرى تروحى انهردا من غير حراسه
ياسمين بصدمه:ااا بجد
فريده بإبتسامه ان عبد الرؤوف وافق على كلامها
عبدالرؤوف:طبعا يا روحى تقدرى تروحى كدا وكمان لو عايزه تاخدى العربيه وتسوقى انتى خديها
ياسمين وهى بتحضن والدها: شكرا اوى يا بابى

فلاش باك.........
فى غرفه فريده و عبدالرؤوف
فريده:روفا حبيبى
عبدالرؤوف وهو نايم فى حضنها:الا
فريده بتوتر:يعنى كنت بقول ااااا م ممكن تسيب ياسمين تاخد رحتها
عبدالرؤوف وفتح عينه بسرعه:اقفلى الموضوع داه
فريده بإصرار:حرام عليك البنت تعبت نفسينا سيبها بقا هى عايزه تعيش زيها زى أصحابها
عبدالرؤوف:ماشى هشوف الحوار داه بعدين
فريده:مش بس تسيبها تمشى لوحدها لا كمان من دون اى حراسه نهائى
عبدالرؤوف :هشوف بكرا واقولك
فريده بإبتسامه:اوعدنى انك تديها حريتها بلييزز
عبدالرؤوف:اوعدك يا فيرو
حضنته فريده بشده
فريدهبإبتسامه:بحبك اوى يا روفا
عبدالرؤوف وهو بيضحك واحتضنها جامد:وانا بموت فيكى يا قلب روفا
...............
وصل اسر الشغل وهو ممسك بالسندوتشات
اسر ل جمال:خد ياض عبدالرؤوف بيه وصل
جمال :لا لسا
اسر بصله:طب تعالى كل معايا
جمال بخوف مصتنع:لالالالا وحبى مش هاكل تأتى بعد بهدلة امبارح دى
اسر بقرف:ماشى انا إللى غلطان انى بقولك وطلبت شاى على مكتبى بسرعه عشان الطعمية سخنه اوى
جمال بضحك:حاضر يا اسر بيه
اتجه اسر إلى المصعد
فى نفس الوقت دخلت ملاك الشركه
ملاك وقد لحقت الأسانسير
ملاك:ه ه الحمد لله لحقتك
اسر :انتى هتلحقى القطر
ملاك وقد شمت رأحت الطعميه:انا اى داه دى طعميه من بابا عبده
اسر :انتى تعرفيه دى الطعميه بتعته جامده
ملاك:اى إللى اعرفه داه على اخر الشارع بتاعنا
اسر:بجد حيث كدا يبقى انتى كل يوم تجيبلى منه بدل ما اقطع مشوار
ملاكبضحك:بس هاكل معاك
اسر بإبتسامه:طبعا اصلا انا مش بحب اكل لوحدى حتى الولاه جمال مش راضى ياكل معايا خايف من ابويا الخواف
ملاك بتلذذ :ان هموت واكل دلوقتى
اسر:اى رأيك ناكل سوى ،ملاك بخيبه امل:مع الاسف عندى إنترفيوو دلوقتى مش هينفع
وصل الاتنين إلى الدور ١٥
اسر:هو انتى من المترجمين الجداد صح
ملاك:اه لسا هعمل مقابله
اسر:بصى طب انا اقدر اقبلك فى الشركه بس تاكلى معايا
ملاك بسخريه:اول كنت المدير يعنى
اسر برفع الحاجب:اه انا اسر عبدالرؤوف المدير هنا
ملاك بخجل منه:ااا انا اسفه ماكنتش اعرف
اسر:ياستى فكك اصلا انا مش معتبر نفسى مدير
ملاك:بجد انت مدير كيوت اوى
اسر بضحك:انتى هتعكسينى وانا واقف
ملاك بخجل:اا اسفه مش قصدى
اسر بضحك:هو انتى ماشيه تعتذرى اى هى كلمه سهل عليكى يعنى
ملاك:مش قصدى والله
اسر:خلاص ياستى
اسر :خلى سلمى تدخلك وأعمل معايا ومع الطعميه مقابله
اسر ل سلمى :دقيقتين ودخلى الانسه بس بسرعه ها
سلمى :حاضر يا فندم
بعد مرور دقيقتين دخلت ملاك عند اسر وجدت اسر فارش المكتب اكل وطلب شاى
ملاك:ااا هو هنعمل اى دلوقتى
اسر بضحك:يلا بس ناكل بعدين نعمل المقابله
ملاك بفرحة:بجد هاكل معاك اسر:يا اختى اخلصى الطعميه هتبرد
جلس اسر و ملاك يأكلو طعميه وفول و بيشربو شاى
ملاك:عارف هتكون احلى لو فى قرن شطه كدا
اسر وهو بيبلع الاكل:ما انا مش بلحق اجيب شطه بيبقى زحمه
ملاك:خلاص بكرا اجبلك انا
اسر:بجد والله تبقى تسلم رجلك إللى هتقف تجيب الاكل
ملاك :هو ونبدأ امتا المقابله
اسر:يا اختى بعد دا كله وفى مقابله اعتبرى نفسك مقبوله
ملاك بفرحة:بجد والله
اسر:انتى شيفانى بكدب عليكى
ملاك:مش قصدى بس فرحت اوى
انتهى اسر و ملاك من الاكل وتقبل اسر ملاك فى الشغل
ملاك:كدا ابدأ بكرا
اسر ايوا واعرفى الموعيد من سلمى برا وخدى منها لبس الشغل
ملاك:تمام
ملاك بتوتر:هو هو انا هلبس زيهم ا اصل يعنى انا متحجبه
اسر:فى بنطلون وجاكت طويل ممكن تلبسيه
ملاك بإبتسامه:شكرا ل حضرتك
اسر:بس اوعى تنسى تجيبى الاكل بكره
ملاك:ماتخفش داه قبلى
خرجت ملاك واخدت مواعيد بدأ العمل واستلمت ملابس الشغل ثم ذهب للمنزل
..........................
وصل عبدالرؤوف الشركه
عبدالرؤوف بعد ما دخل المكتب اتصل على السكرتيره
الو ابعتى جمال فورا
دخل جمال مكتب عبدالرؤوف
جمال:صباح الخير يا فندم
عبدالرؤوف بإبتسامه:صباح النور
جمال:اتفضل يافندم
عبدالرؤوف:ها حصل اى عمل تانى زى إمبارح
جمال:اه بس المره دى انا ما اكلتش معاه وحده من المترجمين إللى لسا مقدمين اكلت معاه
عبدالرؤوف:هو بقا كدا ، طب هو عمل اى معاها
جمال:هى بقيت من الموظفين عندنا
عبدالرؤوف لجمال بهدوئ:شكرا يا جمال
جمال:العفو يافندم على اى يعنى
عبدالرؤوف:اتفضل شوف شغلك
خرج جمال من مكتب عبدالرؤوف واتجه لكى يعمل..
........
فى منزل على السيوفى
كان على يتحدث وهو ماشى مع ابيه
على ل ابيه:بابا انا همشى عشان متأخر كمان اسر هينفخنى داه انا بفطر معاه
السيوفى:طب تعالى حتى افطر معايا
على بسرعه:اسف والله متأخر
السيوفى:طب خلاص روح يا ابنى
على وهو يخرج من المنزل :يلا باى
خرج على وهويقود السياره بسرعه لكى يلحق بالعمل
..........
وصل على الشركه وصعد بسرعه ل اسر
على ل سلمى :اسر جاب سيرتى
سلمى:لا خالص
على بإستغراب:بجد دا انا متأخر
سلمى:والله حتى ما طلع من المكتب ولا رن حتى
على:طب هو فطر
سلمى:ايوا فطر كمان فطر مع وحده من إللى لسا بيقدمو اسمها ملاك وهى هتشتغل معانا من بكرا
على بإستغراب شديد:هو كمان عمل المقابلات لوحده وماشتمش عليا معقول
سلمى :والله دا اللى حصل.
على: طب رنى عليه قوليله عايز ادخله
سلمى :حاضر
سلمى على الهاتف:اسر بيه على باشا عايز يقابلك
اسر ........
سلمى :حاضر يافندم
قفلت سلمى مع اسر
سلمى:اتفضل ادخل يا على بيه
دخل على عند اسر
اسر ضرب الجزمه فى وشه :كل داه يا حيوان
على بوجع:اه فى اى
اسر خلع الفرده التانيه:كمان مش عارف فى اى يا بجح انت
على بخوف :ااا فى اى
رمى اسر الجزمه فى وشه:يا كلب ويا زباله
على:فى اى بجد
اسر عاجبك كدا خليتنى بالشراب يا اخى تولع
على وانا مالى
اسر :ما انت إللى عصبتنى لما جيت متأخر سايب الشغل عليا
على :طب هو فى اى بجد احكيلى
اسر وقد رجع يهدأ:كلمت الجماعه الروس وقالولى جاك هارى هو اللى هيجى بكرا يخلص الصفقه
على وهو يمسك وشه:طب كويس
اسر:كويس اى لازم نجهز الورق دلوقتى ونعمل شغل كتير ويا خيالى ويلا ورانا هم ما يتلم
على :انت محسسنى انو ورنا غسيل مواعين زى الجبل
اسر:مواعين دى المواعين ارحم من اللى هنعملو يلا يا اخويا شمر اكمامك ويلانبدأ
على:اهدى بس كدا ونطلب كابتشينو ونقعد سوى على روقان ونشتغل
اسر بوضع ايد على الايد الاخرى:عايز اى محن تانى
على:خلاص يعم وانت عامل زى ابو القردان كدا
اسر بجديه:نخف بقا هزار ويلا نبدأ
على:يلا
بدأ الاثنين العمل بكل جهد لكى يكسبوا الصفقه
..............
عند شاهى فى المنزل
شاهى لى فتون:فتون فين جاسر
فتون:جاسر راح الشغل لسا ماشى
شاهى :اممم
شاهى بهدوء:خلاص اروح اشوف ماما عشان اروح النادى
فتون بإبتسامه :ماشى
....
شاهى من بعيد:ماما صباح الورد
ناهد بضحك:صباح القمر
شاهى بإبتسامه:ماما ممكن اروح النادى مع روزا
ناهد بهدوء:اكيد يا روحى
شاهى حضنت امها:ثانكس مامى
ناهد :على اى يا روحى
طلعت شاهى غرفته
شاهى على التليفون
شاهى :روزا انا جايا معاكو
روزا بصدمه:بجد تنورى
شاهى :بس هتعرفى تخلى الشباب ينامون اسر يجى
روزا:اكيد متقلقيش
شاهى بإبتسامه:شكرا يا قلبى
روزا:على اى ويلا روحى اجازة
شاهى:ماشى يلا باى
روزا:باى
انتهت روزا وشاهى الحديث مع بعض وذهب شاهى لكى تلبس
ذهبت شاهى إلى النادى
..............................................................................................
عند ملاك
وصلت ملاك المنزل
ملاكبصوت عالى:ماما يا ماما
مديحه خرجت من المطبخ وهى ماسكه الكبشه:فى اى حمار بيحبك
ملاك بضحك:ماما انا اتقبلتى اتقبلتى فى الوظيفه
مديحه بفرحه:بجد لوووووولوووووى مبروك يابنتى
انس خرج من غرفته وهو ماسك الطبله وبيطبل:ايوا يا اوختيش الجامده
ملاك وهى بترقص على الطبله:ايوا كداا دلوعونى اكتر
ظلت مديحه وانس و ملاك يرقصو ويحتفلو بقبول ملاك فى الوظيفه،ثم قامت مديحه بتشغيل اغنيه مليونير مليونير
ظل يرقصوا الجميع وبعدها قامت مديحه ل إحضار الاكل ل يتغدوا
...............................................
عند شاهى
وصلت شاهى إلى النادى مقابله روزا أصدقائها
شاهى :هاى روزا I mass you بجد
روزا:وانا كمان اى اخبارك
شاهى: بإبتسامه تمام
شاهى: هاى مجدى
مجدى: اوى شوشو عامله اى
شاهى: تمام والله وانت
مجدى: بخير
كريم:ازيك يا شوشو
شاهى:هاى كيمو عامل اى
كريم:بخير
ثم جات صديقه اخرى تُسمى ماجى
ماجى بإبتسامه كبيره:هاى يا شباب
شاهى:اهلن ماجى
مجدى:ازيك ياماجى
ماجى:بخير والله
ظل الجميع يتحدثون ثم طلبو اكل و مشاريب
..............................................
عند جاسر
جاسر :اى يا ندى داه الزاويه مش مظبوط
ندى:اسفه هصلح كل حاجه
جاسر بصوت عالى:فورا دلوقتى اسر بيه عاوز المشروع يخلص بسرعه
ندى :حاضر فورا
خرجت ندى من مكتب جاسر
جاسر على التيلفوزن:الو اى يا روحى
المتصل:اى يا جاسر ننسيتنى
جاسر بضحك:انا انا اقدر انسى القمر
المتصل:طب اى يا قلبى هتيجى
جاسر:هحاول اخلص بدرى واجى
المتصل:لا مش عايزه تحاول انت هتيجى
جاسر:طيب ماشى بس عايزك سخنة كدا انهرداا
المتصل ضحكت بصوت عالى:هههه اى يا جاسر ما انا طول عمرى سخنه بس انت إللى مش كدا خالص
جاسر برفع الحاجب:يا سلام طب هتشوفى انهرداا
المتصل:ماشى يا قلبى مستنياك
جاسر ماشى يا قلب جاسر
المتصل:see you
جاسر:see you
انتهى جاسر من الحديث مع هذه الفتاه
جاسربقرف:اتفو عليكى زباله راميه نفسك عليا
........................
البارتى خلص اشوفكم على خير