رواية/ حلالي (قيد التعديل)

البارت السادس والعشرون

رواية/ حلالي❤️

الجزء الاول

البارت 26

بـــقـــلـــم/ شـــهـــد غـــانـــم

فتح أنس الباب باستغراب وهو يتعجب من الذي يدق الباب هكذا
رأي اخته تبكي بل منهارة من البكاء وفي يدها بعض الأوراق فـ صُدم
أنس بصدمه:- سدره؟!!! م.. مالك في ايه؟ 
سدره ببكاء ورعب:- أنس إلحقني..
أنس:- طب اهدي طيب في ايه
سدره:- مصيبه يا أنس.. أنا..
لم تستطع أن تكمل جملتها و وقعت مغشيا عليها
انس بصدمه و خوف:- سدررررررره 
حملها أنس و أدخلها و وضعها علي الفراش وحاول إيقاظها
أنس:- عائشه.. هاتي برفيوم بسرعه
عائشه:- حاضر
أحضرت عائشه البرفيوم وأعطته لأنس
عائشه:- اتفضل
أخذه أنس و اخذ يوقظ أخته
سدره:- ااه
انس:- سدره.. فوقي.. انتي كويسه؟
سدره:- اه الحمد لله
أنس:- في ايه؟!!  كنتي جايه مخضوضه وبتقولي مصيبه.. خير في ايه
نظرت سدره لـ أخاها وأعطته الورق الذي كان بيدها
أمسك أنس ذلك الورق ونظر له بتعجب
أنس:- دا الورق بتاع المحل القديم بتاعك
سدره:- اه
انس:- أيوه.. مش فاهم.. فين المصيبه يعني؟!!
سدره:- مش كان فاضل 500 ألف جنيه مدفعتمش
انس بتذكر:- أوبس.. صحيح..
سدره:- أنس..
أنس:- نعم
سدره:- يوم خطوبة عمر و نور اتصل بيا وطلب باقي الفلوس وهددني إنه هيسببلي مشاكل وهيعرض بيتنا للمزاد لو مدفعتش باقي الفلوس و وقتها شوفت محمد وقالي انه هيساعدني ويدفعلي الفلوس وعايز مقابل.. فـ سألته المقابل ايه قالي مش عارف دلوقتي بس هبقا اطلب منك طلب وتبقي مضطره تنفذيه وأنا وافقت.. مش عارفه بقا دفع ولا لأ
أنس:- إزاي تعملي كدا من غير ما تعرفيني
سدره:- ا.. أنا اسفه.. مكنتش عايز أقلقكم أو أخليكم تتوتروا والمبلغ كان كبير ومكناش هنقدر نجمعه
أنس:- لازم أكلم محمد
سدره:- اه
أنس لنفسه:- يا تري محمد عمل كدا ليه؟ وايه هيكون طلبه
سدره:- انس.. سرحت في ايه
أنس:- لا ولا حاجه.. متقولي رأيك يا عائشه
عائشه:- ما أنا مش عارفه انتو بتتكلموا علي ايه ولا فاهمه حاجه.. وبصراحه مش بحب أقول رأيي في المواضيع دي.. عشان مسببش مشاكل
أنس بعدم إقتناع:- تمام.. براحتك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في مستشفي إمام

كان إمام يجلس في مكتبه مع يوسف
يوسف:- أعتقد الأمور تكون هديت دلوقتي
إمام بعدم فهم:- أمور ايه
يوسف:- اقصد في بيت سدره يعني
إمام:- اه
يوسف:- طب هات رقم أخوها
إمام:- اكتب عندك.. ********012
يوسف:- شكرا
إمام:- الشكر لله.. بس انت مستعجل كدا ليه؟
يوسف بتوتر:- هاا.. مش مستعجل ولا حاجه.. خيي البر عاجله
إمام:- علي مين الكلام دا ياض.. دا أنا إمام 
يوسف:- مفيش حاجه يا إمام
إمام:- هتخبي عليا يعني..
يوسف بضيق:- إمام بالله عليك ما تضغط عليا
إمام:- طب قولي في ايه.. يمكن أنا عندي الحل
يوسف:- مش هينفع...
إمام:- مش هينفع ازاي؟ يا يوسف انطق بقا.. انت هتخبي عليا.. دا أنا صاحب عمرك
يوسف:- ما هو عشان كدا مش عايز أقولك
إمام بإستغراب:- يعنى انت مش عايز تقولي عشان أنا صاحب عمرك
يوسف:- اه.. أنا بحاول أحافظ علي صداقتنا.. لو قولتلك ممكن تنهي الصداقه اللي يينا وأنا مش هسمحلك تنهي صداقه عمرها 25 سنه.. إمام.. أنا خسرت كثير أوي.. مش هقدر أخسرك انت كمان
إمام:- يوسف.. الحقيقه هتتكشف في يوم ولما تتكشف من غيرك.. أنا هتعصب.. عشان كدا بقولك عايز أسمع كل حاجه من لسانك انت عشان تفهمني
يوسف:- دا ماضي.. وأنا مش عايز أفتح جراح قديمه
إمام:- هي مفتوحه أصلا
يوسف:- هقولك.. بس..
إمام:- بس ايه؟ 
يوسف:- متتعصبش.. وتفهمني
إمام:- حاضر... إن شاء الله ف
يوسف بسرعه و توتر:- أنا بحب أختك
إمام بغيره وعصبيه:- نعععععععععم؟!!! يووووسف انت عبيط.. أنا اختي متجوزه ومخلفه
يوسف:- يا إمام اهدي ارجوك.. ما أنا عارف انها متجوزه ومعاها بنت واسمها جودي كمان.. عاااارف
امام:- احكيلي القصه من الأول
يوسف:- احكي ايه بقا.. عشان تتعصب وتتنفخ عليا.. دا انت ممكن ترميني من الشباك
امام:- ارميك من الشباك؟!!
يوسف:- اه.. أهبل وتعملها
إمام:- يوسف.. مش ناقصه ولا استظراف.. يلا انطق
ظهر الحزن علي وجه يوسف
إمام:- انت زعلت؟ أنا اسف والله مكنتش أقصد أضايقك
يوسف:- لا مش زعلان.. هحكيلك يا عم
إمام:- وأنا سامع
يوسف بحزن:- أنا بحب اختك من لما كان عندها 18 سنه.. كانت في ثالثه ثاناوي.. فضلت أدعي ربنا إنها تكون من نصيبي وحلالي وكنت مستني أتخرج عشان أروح أتقدم لها ويوم تخرجها كانت مبسوطه أوي.. كنت شايف الفرحه في عنيها.. فرحت جدا لفرحتها.. وبعدها لقيتك بتقولي إن في عريس متقدم لها.. كنت عايز أقولك ارفضه أنا بحبها وهتجوزها أنا.. بس.. اتحرجت.. فضلت أدعي إنها ترفضه ومتوافقش عليه..و بعدها بـ كام يوم لقيتك بتقولي إنها وافقت وقريتوا الفاتحه وهيتخطبوا قريب.. أنا مش هعرف أوصفلك كسرة قلبي وقتها ولا شعروي.. قولت ما يمكن ما ترتحش وتفسخ الخطوبه وفضلت ادعي برضو ان الجوازه متكملش.. بس تاني يوم لقيتك بتقولي ان الخطوبه اخر الأسبوع.. كنت مكسور ومخنوق ومش قادر اعمل حاجه.. وفي الخطوبه شوفت فرحتها.. كنت خايف لتكون هي بتحبه وهو بيحبها.. مكنتش عايز أكسر قلبهم.. زودت في قيام الليل وبقيت ادعي أكتر لحد ما عرفت منك ان كتب كتابهم قرب.. كنت حاسس ان الدنيا بتضيق عليا يوم بعد يوم.. و يوم كتب الكتاب كنت حاسس إن روحي بتموت.. كل لحظه قلبي بيتكسر أكتر من الأول وهي بتكون لغيري.. كنت واقف مكسور.. وشوفته وهو بيحضنها.. كنت عايز أزقه بعيد واقوله ابعد عنها هي ليا انا وبس.. لكن بصفتي ايه كنت هعمل كدا.. ومن وقتها مش قادر ادعي حتي انها تكون من نصيبي..بدعي إن ربنا يربط علي قلبي وبس 
إمام:- ربنا يربط على قلبك ويرزقك ببنت الحلال
يوسف:- يارب
إمام:- انت بقا لسه بتحبها
يوسف:- اه
إمام:- وعايز تتجوز سدره عشان تخفف تفكيرك
في اختي
يوسف:- اه
إمام:- غلطان.. انت كدا هتظلم سدره معاك.. لما تتجوزها وانت في واحده تانيه في قلبك دا غلط.. 
يوسف:- اعمل ايه طيب
إمام:- متقلقش هتتحل.. خير إن شاء الله
يوسف:- يارب
إمام:- متفكرش تتقدم لسدره إلا لما تنسي اختي
يوسف:- إن شاء الله
إمام:- يلا نكمل شغل بقا.. اتلهينا في الكلام ونسينا ان ورانا شغل
يوسف:- يلا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في منزل سدره

قام أنس بالرن علي محمد
أنس:-السلام عليكم ورحمة الله وبركاته
محمد:- وعليكم السلام ورحمة الله وبركاته
أنس:- عامل ايه يا محمد
محمد:- الحمد لله بخير وانت
أنس:- الحمد لله.. بقولك
محمد:- نعم
أنس:- الفلوس بتاعة الأرض دفعتها
محمد:- ارض ايه؟ 
أنس:- الارض اللي كان عليها المحل بتاع سدره
محمد:- اه دفعتها
انس:- وعلي حسب اتفاقكم انت كدا ليك مقابل
محمد:- طلب مش مقابل
أنس:- وطلبك ايه؟ 
محمد:- اللي أنا عايزه مبيتطلبش يس هقول.. عايز أتجوز سدره
أنس:- ايه؟ 
محمد:- دا اللي أنا عايزه.. مش عايز من الدنيا كلها غير كدا
انس:- ولو مش هنقدر ننفذ الطلب
محمد:- يبقا تدفعوا الفلوس
أنس:- تمام.. هفكر في الموضوع وأكلمك
محمد:- ماشي
أنس:- سلام
محمد:- سلام
سدره:- هاا قالك ايه؟ 
أنس:- طلبه انك تتجوزيه أو ندفعله الفلوس 
عائشه:- ايه؟ بس هنجيب 500 الف جنيه منين
سدره:- أنا موافقه
أنس:- موافقه علي ايه
سدره:- موافقه إني أتجوز محمد

يُتبع

رواية/ حلالي❤

بـــقـــلـــم/ شـــهـــد غـــانـــم (الداعية الصغيرة)