متاهات الحُب

الحلقة الثامنة🕊🖤

اِنّي رَسولُ الحُبِّ
اَحمِلُ لِلنِساءِ مُفاجَئاتي
لَو اِنَني بِالخَمرِ،لَمْ اَغسِلهُما
نَهداكِ،ما كانا عَلىٰ قَيدِ الحَياةِ
فَاِذا اِستَدارَتْ حُلمَتاكِ
فَتِلكَ اَصغَرُ مُعجِزاتي♥

للكاتبة البصـراويـة  ..
متـاهـات الحُب
فضلاً وليس امرًا علقوا بين الفقرات وصوتوا🖤

ــــــــــــــــــــــــــــــــــــــــــــــ

رُضاب سحب ايدي باسها وباس الحلقه...

حمزه:- مشتاگلج

رُضاب سحبت ايدي منه...

حمزه:- رُضاب والله انجبرت اعوفج

رُضاب:- شنو الجبرك

حمزه:- انه محقق بس ما كايلج فـ حاولوا يغتالوني صوبوني طلقتين وحده قريبه على گلبي ووحده برجلي رجلي انشلت والا شويه رادوا يكطعوها عمموا خبر موتي بوكتها اجرائات امنيه ضليت سنين اتعالج علمود رجلي تقريباً سنتين ونص

رُضاب:- وراها ليش ما اجيتلي؟؟ ليش ما حاولت تتواصل وياي؟؟ صعبه؟؟ نزلن دموعي وشهكت:- حمزه دمرتني فراكك دمرني حمزه عشت على المغذي من مستشفى المستشفى ومن دكتور الدكتور ومن سيد السيد جنت تالي الليل اكابل صورتك وابجي لو اكابل امي واكعد اسولفله عنك جسد بلا روح من جهه فراكك ومن جهه فراك امي فقدتكم بنفس السنه بوكتها صرت من صدك جسد بلا روح جنت اروح اكعد على جسر الجادريه اباوع على مكان سيارتك  اشوف مكانه من نوكل النوارس من تعزفلي من تدرسني من تحجيلي قصه جان خيالك يجيني كل ليله يمسد على شعري ويباوعلي بحنيه...

حمزه:- هذا الجان مصبرني جنتي تجين تمسدين على شعري وتكوليلي تهوون وتضلين تسولفين وياي وتنسيني كل الالم

رُضاب:-ليش مااجيتلي

حمزه:-ماكدرت

رُضاب:- ليش ماكدرت

حمزه:- لان ماكدرت وبس

رُضاب:- عذرك اقبح من ذنبك... باس ادي وكال...

حمزه:- جنت احس بيج من تتاذين من تبجين

رُضاب:- ماتحس

حمزه:- لا احس تدرين حتى من تشتاگيلي جنت اعرف

رُضاب طلع دفتر صغير من جيبه وفتحه بشكل عشوائي..

حمزه:- 2/16 هنا الساعه 4:55 دقيقه گلبي اذاني حيل حسيت انتِ تعبانه ومحتاجتني صارت بالخمسه ضغطتي على الدكمه بهل يوم قلقت هوواي لان اكثر من مره ضغطتي على الدكمه

رُضاب مسحت دموعي وكلت باستغراب:- شمدريك فجأ اجتني هزه قويه بايدي اليسره الي بيه السوار:- هاي شكو رفع ردان ايده شفت نفس سواري بالضبط بس اسود ضغط على دكمه اهتز عندي...