حيـاة بـالاڪراه

ولنا في الدين حياة

-"قطع ڪلامه ضرب نوح بِقلم ليونس".. لمّا تڪون بتتڪلم مع اخوڪ الڪبير يبقىٰ تحترم نفسڪ وصوتڪ يڪون واطي وعَلَىٰ العموم أنا آسف ليڪ و اوعدڪ إنّي مِش هدخل بيتڪ تاني ولا حتىٰ تيّم علشان متحسش إنّي بشفق عَلَىٰ حضرتڪ .

-"نوح مِشي و هو مضايق إزاي أخوه يفڪر إنّه بيشفق عليه وإنّه يمد ايده عليه ڪانت صعبة شوية  ،  نوح اتجه في الطريق ناحية البيت  ،  يونس زعل إن تمدا في الڪلام مع نوح وخصوصّا إنّ نوح دائمًا معاه في ڪُل ڪبيرة وصغيرة "

-مالڪ يا يونس و نوح خارج متعصب ليه .
-‏"بِهدوء".. مفيش يا بثينة .
-‏يونس حبيبي قولي في حاجّة اتڪلم معايا مِش تسڪت ڪدَ .
-‏هو أنتِ زهقتي مني .
-‏لا طبعًا يا حبيبي ليه بتقول ڪدَ .
-‏انتِ مِش شايفه إنّي تغيرت للأسواء .
-‏لا أنتَ اعصابڪ تعبانه بس .
-‏ليه محدش مستوعب حڪاية إنّ مِش هيڪون عندڪ عيل دِي صعبة .
-‏امرڪ عجيب يا يونس .
-‏مِش فاهم .
-‏فاڪر لمّا قُلتڪ تفتڪر ربنا هيرزقنا بِبيبي ردڪ ڪان ايه .
-‏افتڪر  !  دَا أنا متاڪد علشان ربنا قادر عَلَىٰ ڪُل شيء .
-‏وعلشان جملتڪ دِي ربنا بيختبارڪ فيها  ويشوفڪ هل هي مُجرد ڪلمة وخلاص ولا فعًلا هتفضل متأڪد مهمها حصل إنّ ربنا قادر عَلَىٰ ڪُل شيء ربنا قال في القُرءآن ﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ﴾
مفڪرتش مع نفسڪ ڪدَ إنّ ممڪن يڪون عندنا طفل بس مثًلا مُعاق وإحنا مِش هنقدر نستحمل الأبتلاء دَا  ،  أو قاتل  ،  أوو بيسرق  ، أو مِش هيڪون ذرية صالحة  ،  مِش لازم ڪُل اللِي إحنا عايزينه يتحقق اللّٰهُ أعلم وأنتم لا تعلمون  ؛ اللَّه أعلم فين الخير يا يونس وفين الشر ڪُل اللِي عليڪ الحمد وأنتَ راضي مِن ڪُل قلبڪ .
-أنا تعبت .
-‏بعدڪ عن ربنا هو اللِي تعبڪ مِن امتىٰ ربنا بيحطنا في ابتلاء وإحنا بنسخط ومِش بنصلي أو بنأثر في العبادة  ؛  قوم يا نوح صلي رڪعتين توبة وصحح علاقتڪ مع ربنا ثم اخواتڪ علشان انتَ مِش سيبت حد غير لمّا زعقت في .
-‏هو أنا عڪيت الدنيا أوي ڪدَ .
-عڪيت بس 
-‏"يونس قام حضن بثينة".. ربنا يجعلڪ زوجة صالحة في الدُنيا و حور العين في الاخيرة يا ربّ ب .
-آمين يا حبيبي 

-"يونس إبتسم وقام اتوضىٰ وصلىٰ في المسجد وبعد ڪدَ اتجه لبيت أنس وسلم عَلَىٰ الڪُل و بعدها بيت نوح"

-طق طق طق .
-‏"فتح الباب".. عمو يونس جه جه عمو يونس جه .
-‏حبيب عمو "وسلم عليه وحضن تيّم" فين بابي .
-‏بابي في غُرفة الضيوف اتفضل يا عمو
-‏"يونس دخل غُرفة الضيوف وڪان نوح قاعد باين عليه الضيق".. نوح .
-‏"بص لِيونس و سڪت".. روح أنتَ يا تيّم غُرفتڪ .
-‏لأ يا بابي هو مِش عمو يونس جاي علشاني أنا إزاي بقىٰ اخش و اسيبه .
-‏روح شوف ماما وڪمان شويه تعالا اقعد معانا .
-‏حاضر يا بابي .
-‏"تيّم خرج و يونس اتنهد بِحزن".. انا آسف عَلَىٰ ڪُل ڪلمة قلتها ليڪ وعارف إنّڪ مِش بتشفق عليا أنا بس تعبان مِن الموضوع دَا فَـ ممڪن تستحملني علشان أنا تعبت .
-‏محصلش حاجَّة علشان تقول انا آسف .
-‏لا حصل يا نوح وأنا عارف إنّڪ زعلان مني بس أنتَ طبعڪ مِش بِتتڪلم تقول زعلان وعلشان ڪدَ أنا آسف "حضنه غصب عنه" انا ڪُنت مخنوق الفترة اللِي فاتت وطلعت ڪُل خنقتي عليڪ "بدا يضعف ويبڪي" صدقني مُجرد بس إنّ اتخيل إنّي مِش هڪون اب بيصعب عليا نفسي أنا مِش عارف اعمل ايه .
-"اتنهد بِحزن".. ممڪن تهدىٰ أنا مِش زعلان وحاسس بيڪ بس فعلًا تيّم وتقِي عيالڪ ممڪن يڪونوا متعلقين بيڪ أڪتر مننا هون عَلَىٰ نفسڪ يا يونس 
-‏مِش قادر يا نوح مِش قادر ابطل تفڪير دماغي حرفيًا هتنفجر أنا مِش عايز افڪر عايز دماغي تقف 
-‏"حضنه بِخوف".. يونس حبيبي ڪُله هيعدي و باذن المولىٰ خير ليڪ .
-‏"ڪان بيبڪي و ساڪت"..
-‏يونس رُد عليا .

-"نوح حس إنّ يونس بيرخي عليه أڪتر خرج مِن حضنه ولقىٰ بيغمض عيون بتدريج"

-"بزعيق".. يونس رُد عليا يونس .

-يُتبع..
#حياة_بالأڪراه_جزء_"2"
#ولنا_في_الدين_حياة

#Bart_"9"
#Maram_Ashraf_Eissa.. ✍️