قتلني الحب

البارت الثاني

كعدة يم امي على اساس اخفف عليه المشكله كلتله انه راح اطلع اشتغل واشيل وياكم قسم من مصاريف وخلي علاوي يسد الخساره شبكتني وزادت بالبجي واذكر يومها حته اكل ما اكلنه لان الكل ظايج ولازم نضف القاعات وامي كل شويه طايحه علينه ونمنه بيومه البيت كله كئابه وتعبانين صار الصبح طلعت من الساعه ٦ الصبح الى حد ١٠ افتر على اهل المزارع والكيعان على امل احصل شغل الى ان وصلت يم صديق ابوي حاجيته كلي اعبر الشرك رحت يمه كلي تعرف تكطع سلج صفنت شنو السلج مااعرف ظل يضحك علي من كثر ماتلعثمت كتله اي كلي ذاك روح كطع اباوع شكله مثل الخس وهواي رحت شلعت واحد كامل اجه يمي وبعده يظحك كلي ابوك فراري وهيج مدللكم انتم بزر نستله لو موجود يمكم شتصيرون حبيبي هذا هيج وكام يكطع وركه وركه الى ان جمع مجموعه وشده وكلي هاي باگه كل ١٠٠ انطيك فلوس روح اتغده وتعال الساعه بالثنتين الظهر حته تشتغل رجعت للبيت حجيت الامي بالي صار ماردت علي وسكتت تغديت ورحت يمه اشتغلت ويا بديت اشتغل وهوا يمي انه اگطع وهوا يشد وياي حته يعلمني گطعت يلا عشر باگات وانه اشتغل اباوع ناس هواي تشتغل زلم او نسوان وحته ازغار وياهم گلي تعلمت باجر تعال من وگة رجعت ثاني يوم گلي روح گطع وعافني وحدي وراح بقيت اشتغل الى ان اجه و شاف شغلي گلي زين لان جنت مشتغل ٣٠ باگه كلي عفيه ولو شدك مو شي بس يلا امشيهن ويه البقيه ورا كم يوم وهوا ماينطيني فلوس وصار شغلي هواي سئلتني امي يمته ينطيك فلوس كلتله بعده ظلت ادعي علي ليش يمه هذا خوش رجال صديق ابوي وعلمني على الشغل كلتلي هذا مستغلك حته تساعده باجر كله على فلوس يشحتك رحت الصبح وجانت حجايات امي براسي وافكر وذكرت هاي الفترا كله الرجال اكل مايجيب النه ولا ماي انه اخذ وياي من البيت بطل ماء وهوا يشرب اكثر مني  خلصنه شغل وحاجيته كتله اريد فلوس شغلي هنا انگلب علي وحش ظل يغلط علي وسبني وسب ابوي وگتلني طگني بالمنجل البيده وكلي انه اطلبك انطيني فلوس تعليمك امشي ولي منا دايح ابن الدايح وصارت هوسه بيني وبينه حته العالم كله سمعت طلعت من يمه وانه ابجي ومقهور صاحلي جاره الي بصفه محمد تعال اجيت يمه توقعت يريد يشد ايدي لان انجرحت وهوا بيته بنص المزرعه مالته وصلت يمه كلي عندي شغل تشتغل وياي عندي عمار الكاع ترفه بس نكلبه حته نزرعها زرع جديد حاجاني بس حسيت حجيه بشفقه انه رديت علي كتله اي بس بعدني بحسرتي كلي اوكف وطب للبيت جابلي فلوس بس طلعت ويا زوجته وبنته والي هيه تقريبا بعمري ويباوعن علي خجلني بنظراتهن الي كلي اشتري كرك الصبح وتعال روح لى ابو الزراعه كله ينطيك كرك مال عمار بس انه صار بالي يم البنيه سبحان الخالق ملاك صار گبالي حسيته اخذت  گلبي حبيته من اول ما شفته نسيت الكتله الي اكلته ورجعت متونس كبل رحت الامي حجيتله بالي صار بيه ظلت ادعي على صاحب ابوي وعلى ابوي الله ينتقم منه كتلك هذا جلب وحقير هوا ابوك جلب يجي للبيت يبوك فلوسنه ويشرد ربعه شتظن ملايكه  وهذا الثاني شنطاك بلا انطيته الفلوس حسبتهن اكثر من سعر الكرك كلتلي باجر علاوي يجيبلك كرك والباقي يجيب بي مسواگ ويومه نسيت الكل افكر بالملاك الي شفته شيجيب الصبح وكون علاوي يجي من وكت نمت وانه افكر كعدت لكيت علاوي جايب كرك وجايبلي حذاء مال شغل من هذا الابلاستك المهم اخذتهن ورحت وصلت لبو الشغل كلي تعال وخلاني اعمر بصفا وانه اشوفه شيسوي اسوي مثله الشغل سهل بس تعب احس ايدي اتگطعن ورجلي جمدن تعبت بس استحي اوكف شويه واجت ملاكي جايبه ماي انه نسيت التعب وگلبي كام يرجف وراها جابت ريوك وانه اباوع عليه وعلى اساس ماريد احد يحس بيه بس تعرفون البنات بهيج عمر اكثر انتباه من الولد بقيت اشتغل وعيني على الباب الى ان كلي يلا كافي باجر تعال من وكت حته انحل من وكت وراح جابلي فلوس ماقبلت اخذهن كتله مو انطيتني كلي ذكن فلوس الكرك والكرك للشغل وانه ابو الشغل وهاي فلوس شغلك اخذهن اخذتهن ورحت وبعد فترا انه تعلمت على الشغل وعلاقتي صارت اقوى ويه ملاكي ....يتبع
تعليق حلوو مثلكم ولاتنسون نجمه انتضوني
بارت البعده