أستيطان

2;

" ‏تعال نتقاسمُ الليل ، لك النجوم وأنت لي "

...

___
____________

بشكل تدريجي الطلاب كانوا يغادرون القاعة كون المحاضرة خلصت اخيراً بعد ٣ ساعات متواصله من الشرح و المناقشات يلي صارت بينهم وبين الدكتور بس هذا الحجي كله ما كان يشمل ياسين يلي دخل اخر ربع ساعه ..

رفع تليفونه بعدما صوت وصول رساله " اخيراً " كان راح يطلع من القاعة بس احد الطلاب اعترض طريقة وكان نفسه يلي ساعده بالامتحان قبل شوي ..

" ما تعرفنا اني ابراهيم " مد ايده لياسين يلي تردد بالبدايه برد المصافحة بس انجبر و بأبتسامه مجبرة كذلك " تشرفنا " بعد ترك ايد المدعو ابراهيم مسحها بجاكيته و كان راح يروح بس للمره الثانيه اعترض طريقة ..

" بالمناسبة دفعتنا تضم ٨ كروبات و كل كروب يحتوي ع ١٠ طلاب و بما انك طالب جديد راح اسهل الوضع عليك واضمك لكروبي ، اسمك الكامل ؟ " تنهيده خفيفه هربت منه وهو ينطق اسمه الثلاثي " ياسين .. "

" تم اشوفك محاضرة اللخ ، بعد نص ساعة بنفس القاعة لا تتأخر .. " اومئ ياسين بعدم اهتمام و طلع من القاعة و هل مره اعترض طريقه طالب لخخ مما جعله يحد بنظراته و هواي ..

" اني حامد و هذا رقمي " كان نفس الطالب يلي صاحه يكعد يمه اثناء المحاضرة و ما ينكر انه ممتن له لهذا اخذ الرقم و شكره بعدما تأكد انو الاخر اخذ رقمه كذلك ..

مشى بخطوات سريعه لكراج السيارات الخاص بالجامعة و كان متحمس حيل كونه راح يقابل ابن عمه العزيز ' حيدر ' ..

بعيونه كان يبحث عن سيارته الى ان اخيراً لكاها بزاويه شبه مرئية لهذا تأكد من الي حوله قبل لا يصعد ..

" ها كواد " نطق ياسين بعدما صعد وشاف ابن عمه حيدر يدخن بشراهه " ها لك بربوك شونه اول يوم دوام " نطق حيدر و سحب ياسين الجكاره من بين شفايفه و استنشقها " يخرع " عقد ابن عمه حواجبه و رد عليه " شعجب ليش ؟ "