غفرت الذنب دام الخطا منك ياملاذي

البارت الثاني

لايك وكومنت تقديرا للتعب احبتي🤍

————
إذا صار السهر عادة تصير الذكريات ضيوف..
———-
لااستبيح النقل لايك تقدير للتعب🤍
———-

نزل علي وامجد وبدأ افطارهم الي كان يعم الصمت سفرتهم عكس باقي سفر الافطار الي مستحيل تخلو من مزح الاخوان وعصبية الاباء والأمهات الحلوه وسواليفهم الرايقه

بعد انتهائهم من الإفطار أتجه كل منهم لمكان عمله

ارسلان بحنيه ملامزمها خوف ورجفة منطوق: ملاذ تكفين أنهيها وافقي على طلب ابوي والله مايخلينا تكفين

ملاذ بصوت مهزوز:حنا عياله ليه يسوي فينا كذا وش سوينا له لاجل ناخذ هذا مايكفيه عذابنا وحرماننا

نجد تحاول تهدي بناتها الي انتهت قوتهم مع خروج والدهم: ياملاذ القلب رجيتك ياحنين الملامح تكفين يامك رجيتك ابوك ناوي على شر وخيرك وخير خواتك ربط مصيرك بمصيرهن ولا ف اليد حيله حسيبه واحد احد

الوتن بضحكه خفيفه : هو لو عاد روحه اب ماسوى كذا انا بحياتي كلها ماشفت اب راضي يبيع بناته لاجل المال انا ابشوف الدنياء كيف بتدور فيه وعقاب ربك كيف عليه اتمنى يجيه سرطان ابي اشوفه يتمنى الموت ولا يحصله

نجد بشوي عصبيه: وتن مهنا كان هذا ابوك مهما فعل ماينفع تقولين كذا حسيبه الله وحده القادر عليه ماينفع تقولين كذا

ملاذ بقلب معصور :هذا مستحيل يكون اب مستحيل

ارسلان كسرت الصمت الي حل عليهم لدقائق معدوده:وش بتسوين ذحين ابوي ان موافقتي عادي يذبحك ويرمي وحده منا هناك

ملاذ برجفة صوت:عساس ابوك خلى لي خيار ماقدامي غير اني أوافق على أوامره حنا حثاله جابها للدنياء ولابد مانفذ أوامره

لفت امها وجها للجه الثانيه وهي تتحسب على مساعد الي دمر بناته وغلف الحزن قلوبهن منه

الوتين بشوي تغير جو قالت :الله ملوذ بتصيرين جاسوسه واكشن مبروك ههههه

ردت ملاذ عليها بضحكه:بطلي سخافتك يابنت

بعد عدة ساعات رجع مساعد للبيت وهو باغي يسمع بنته ورايها مع انه عارف الموافقه

مساعد ..

————

عزام للسكرتير: خلصتو اختيار الموضفين الجدد ولا باقي؟

السكرتير:ايه ياطويل العمر خلصنا وبكرا ان شاء الله يبدون دوام

عزام براحه لانه قرر يغير موظفين شركته بعد علمه ان والده له يد ومعرفه بشركته عن طريقه:حلو الله يسرها تقدر تتفضل تكمل شغل وتصفية الموضفين القدماء من هنا

السكرتير:ابشر ولف يطلع يكمل باقي شغله

عزام بتفكير:ابوي من سابع المستحيل انه يخليني كذا ولابد مايحط لي واحد من جماعته

———

مشعل لمساعد:بشر انا معتمد عليك بنتك وافقت ولا لا وانت عارف الرفض موتك وموت اهلك

مساعد بلعانه:وانت ياطويل العمر من يرفض لك طلب بنتي من عرفت انه طلب منك وافقت بدون اي تردد

مشعل بفهم لمقصد مساعد:زين وزي ماتفقنا تشتغل هناك وتحاول توصل لولدي ب اي طريقه كانت مايهمني المهم اعرف الداخله والطالعه ومع الوقت بتصير لها سلطه عليه واقدر ارجعه تحت جناحي
———
نرجع لوقتنا الحالي

مساعد لملاذ:ها وافقتي ولا تبين جثتك تنعلق بنص ع البيت؟

ملاذ بشوي توتر من الي بتقوله: موافقه بس بشرط

مساعد بعصبيه :حتى انتي تشرطين قولي شرطك يابنت نجد

ملاذ: تخلي الوتين تدخل طب ولا تتدخل فيها او تحرمها من مستقبلها

الوتين بخوف على ملاذ قالت بسرعه: ماعليك مني اهم شي انتي...
قاطعها مساعد برده الي صدمهم كلهم: موافق ومن اليوم اذا تبي تقدم على الجامعه دامك وافقتي خلاص

وتركهم وطلع

ارسلان: هذا ابوي ولأ تبدل مستحيل يوافق كذا

نجد بخوف من موافقته السريعه:ياخوفي انه ناوي على شي اكبر

الوتين بفرحه:مايهم لي ست شهور اصيح واتهاوش معه عشان حلمي وهو رافض وعادني من حجر ه البيت انا بصير دكتوره وبدت تلف حول نفسها وتردد انها بتصير دكتوره

ملاذ وعينها على امها قالت: ياكبر الخوف الي زرعه مساعد داخل القلوب يامي حتى الفرح عارفين ان وراه مصيبه

الوتين بعدم اهتمام: ماوفق الا يوم قلتي انك موافقه ولا انا اخسي ادخل طب من غير مصلحه له شوفي ارسلان مادرست غير يوم جاب لها...قاطعتها نجد بعصبيه من ربك لسانها: بنت وش الكلام الي تقولينه اختك الكبيره

ارسلان بحزن: خليها امي هذا الصدق تكذب على بعض هذا انا من دكتور نفسي لدكتور نفسي من الي سواه فيني مساعد

———-

علي لااحد مرضاه بصوت حنون:عاد مثل ماقلت لك حاول قد ماتقدر تبعد عن اسباب الموترات وخليك قد ماتقدر طاقه إيجابيه عشان هذا ان شاء الله بيكون سبب ان الجلسه الجايه اقولك لاعاد تجي الحمدلله خلصت علاج وضحك ضحكه خفيفه

المريض براحه:مشكور دكتور علي تحملتني كثير الله يسعدك ماني عارف كيف اجازيك

علي ب إبتسامة خفيفه قال: جازيني ف الدعاء وبعدين هذا شغلي لازم اكون سبب بعد الله انك تتشافى

خرج المريض وسرح علي بذكرياته لذاك الماضي المشئوم

احيطو كتابتي ب عناوين الفرح والتحفيز 🤍